Powered by Blogger.
RSS

ဂြိုဟ်တုပတ်လမ်းများ


Geostationary Orbit (GEO)

GEO ပတ်လမ်းသည် ဂြိုဟ်တုဆက်သွယ်ရေး အခန်းကဏ္ဍ၌ အသုံးများသော ပတ်လမ်းတစ်ခုဖြစ်သည်။ ထိုပတ်လမ်းတွင် လှည့်ပတ်နေသော ဂြိုဟ်တုသည် ကမ္ဘာကို တစ်ပတ်ပြည့်ရန် ၂၄ နာရီ ကြာလှည့်ပတ်သည်။ ထိုသို့ ကမ္ဘာနှင့် တူညီစွာလှည့်ပတ်နေသောကြောင့် မြေပြင်မှကြည့်လျှင် ဂြိုဟ်တုသည် ပုံသေအမှတ်တစ်ခု၌သာ တည်ရှိနေမည်ဖြစ်သည်။ GEO ပတ်လမ်း၏ inclination သည် သုည နီးပါးဖြစ်ပြီး အီကွေတာနှင့် ထပ်တူနီးပါးတည်ရှိသည်။

ဂြိုဟ်တုသည် ပုံသေအမှတ် တစ်မှတ်တွင်သာ တည်ရှိသောကြောင့် ဂြိုဟ်တုအား tracking ပြုလုပ်ရန်မလိုအပ်ပေ။ ဂြိုဟ်တုသည် ၄င်း၏ မပြောင်းလဲသော လွှမ်းခြုံဧရိယာအတွင်း များပြားသော operation များကိုလုပ်ဆောင် ပေးနိုင်သည်။ ရုပ်သံထုတ်လွှင့်မှုများ အပါအ၀င် များပြားလှသော ဆက်သွယ်ရေးဂြိုဟ်တုများကို GEO ပတ်လမ်းသို့ လွှတ်တင်အသုံးပြုနေကြသည်။

သို့သော်လည်း GEO ပတ်လမ်းသည် ကမ္ဘာမှ ၃၆၀၀၀ km အကွာအဝေးတွင် တည်ရှိသောကြောင့် GEO ဂြိုဟ်တုများအတွက် ထုတ်လွှင့်ခြင်းနှင့် ဖမ်းယူခြင်းတို့တွင် ၀.၂၅ စက္ကန့် ကြာမြင့်သည့် signal delay ကိုဖြစ်ပေါ်စေသည်။ ထိုအချက်သည် အချက်အလက်များ ထုတ်လွှင့်ခြင်း (သို့) တယ်လီဖုန်းဆက်သွယ်ခြင်း တို့အတွက် အခက်အခဲတစ်ရပ်ဖြစ်သည်။ GEOဂြိုဟ်တုသည် အီကွေတာနှင့် တူညီသည့်ပတ်လမ်းတွင် တည်ရှိသဖြင့် လက်တီတွဒ် (သို့) လောင်ဂျီတွဒ် မြင့်မားသော နေရာများတွင်မူ ဂြိုဟ်တုနှင့် ဖမ်းယူရေးစခန်းအကြား elevation angle (မော့ထောင့်) တန်ဘိုး လျော့ကျနိုင်သည်။ ထိုအချက်သည် mobile communication အတွက် အခက်အခဲတစ်ရပ်ဖြစ်သည်။

Medium Earth Orbit (MEO)


MEO ပတ်လမ်းသည် ကမ္ဘာမြေပြင်မှ အကွာအဝေး ၂၀၀၀-၃၅၀၀၀ km အကြားတွင် တည်ရှိသော ပတ်လမ်းများကို ခေါ်ဆိုသည်။ MEO ပတ်လမ်းအတွင်းရှိ ဂြိုဟ်တုသည် ကမ္ဘာကို တစ်ပတ်ပြည့်ရန် ၄င်း၏ ပတ်လမ်းအမြင့်အလိုက် ၂ နာရီမှ ၂၄ နာရီ အတွင်း ကြာမြင့်သည်။ MEO ရှိ ဂြိုဟ်တုများအား GPS အသုံးပြုခြင်း အတွက်အများဆုံး အသုံးပြုကြသည်။


Low Earth Orbit (LEO)

LEO ပတ်လမ်းသည် ကမ္ဘာမြေပြင်မှ ၁၆၀-၂၀၀၀ km (၁၀၀-၁၂၄၀ မိုင် ) အကွာတွင် တည်ရှိသော ပတ်လမ်းဖြစ်သည်။ LEO ပတ်လမ်းအတွင်းရှိ ဂြိုဟ်တုသည် တစ်နာရီလျှင် ၂၇၄၀၀ km ( ၈ km/s ) နှုန်းဖြင့် ကမ္ဘာကို မိနစ် ၉၀ လျှင်တစ်ကြိမ် လှည့်ပတ်သည်။ LEO ဂြိုဟ်တုများအား ဆက်သွယ်ရေးနှင့် အခြားကဏ္ဍများတွင် အသုံးပြုကြသည်။ LEO ဂြိုဟ်တုသည် ပတ်လမ်းနိမ့်ဖြစ်သောကြောင့် လွှမ်းခြုံဧရိယာ ကျယ်ပြန့်စေရန် ဂြိုဟ်တုအစုအဝေးဖြင့် ချိတ်ဆက်ထားရှိကြသည်။ Remote sensing အတွက် LEO ဂြိုဟ်တုအစုအဖွဲ့များကို အဓိကအသုံးပြုကြသည်။

Source: 9SpaceStudy

  • Digg
  • Del.icio.us
  • StumbleUpon
  • Reddit
  • RSS

စွန်​တစ်ခု​​လွှတ်တင်​ထား​​သည်ကို ပန်း​ကန်​ပြား​​ပျံ​အဖြစ် အမြင်​မှား​​ခဲ့​ကြ

alt

ပန်း​ကန်​ပြား​​ပျံ​အဖြစ် အမြင်​မှား​​​ခဲ့​ကြ​သည့် စွန်တစ်ခု © dailymail

အ ​မေရိကန်တွင် ​တွေ့​ရှိခဲ့​သည်ဆို​သော ပန်း​ကန်ပြား​ပျံ တစ်စင်း​မှာ အမှန်အား​ဖြင့်​ လွှတ်တင်ထား​သည့်​ စွန်တစ်ခုသာဖြစ်​ကြောင်း​ ​ဖော်ထုတ်နိုင်ခဲ့​သည်။ မျက်မြင်များ​စွာက ဝက်အူ​ချောင်း​ပုံရှိပြီး​ အ​ရောင်များ​ ​တောက်​နေ​သော ပန်း​ကန်ပြား​ပျံ တစ်စင်း​သည် ပြီး​ခဲ့​သည့်​လက ကိုလံဘီယာမြစ်​ပေါ်တွင် ပျံသန်း​နေခဲ့​ကြောင်း​ ​ပြောကြား​ခဲ့​ကြသည်။

သို့​သော်လည်း​ ဝါရှင်တန်ပြည်နယ်ရှိ ဗန်ကူး​ဗား​တွင် ​တွေ့​ရှိခဲ့​ရသည့်​ ယင်း​ပန်း​ကန်ပြား​ပျံမှာ မီး​အလင်း​ရောင်များ​ဖြင့်​ အလှဆင်ထား​သည့်​ တရုတ်လုပ် စွန်တစ်ခုသာဖြစ်​ကြောင်း​ သိရသည်။ ၇ ​ပေခွဲ အမြင့်​ရှိပြီး​ ၁၃ ​ပေ ကျယ်​သော စွန်ကြီး​အား​ ၎င်းလွှတ်တင်ခဲ့​ခြင်း​ဖြစ်​ကြောင်း​ မိုက်ဟုသာ အမည်​ဖော်ပြသူတစ်ဦး​က သတင်း​ထောက်များ​က ​ပြောကြား​ခဲ့​သည်။ ထိုစွန်ကြီး​တွင် ​ပေါ့​ပါး​ပြီး​ ​ရောင်စုံ​တောက်ပ​နေသည့်​ LED မီး​လုံး​ ရာဂဏန်း​မျှကို တပ်ဆင်ခဲ့​ပြီး​ ယင်း​မီး​လုံး​များ​သည် ၄ မိနစ်လျင် တစ်ကြိမ် အ​ရောင်​ပြောင်း​ကာ လင်း​နေခဲ့​ကြောင်း​ ရှင်း​ပြခဲ့​သည်။ မိုက်သည် ထိုစွန်ကြီး​ကို ဝယ်ယူပြီး​နောက် ​ဒေါ်လာ ၅၀၀ မျှအကုန်အကျခံကာ အလှဆင် မွမ်း​မံခဲ့​သည်။ ၎င်းက စွန်ကြီး​ကို လွှတ်တင်စဉ် ဗန်ကူး​ဗား​ ​လေ​ကြောင်း​အုပ်ချုပ်မှုဌာနနှင့်​ ရဲတပ်ဖွဲ့​တို့​ကိုလည်း​ ​ဆွေး​နွေး​ခဲ့​ပြီး​ ​ပေ ၅၀၀ ​အောက် အနိမ့်​တွင်သာ လွှတ်တင်ခဲ့​ခြင်း​ဖြစ်​ကြောင်း​ ရှင်း​ပြခဲ့​သည်။

ထိုစွန်ကြီး ​သည် အလွန်လှပ​ကြောင်း​၊​ လူအများ​က ယင်း​ကို ပန်း​ကန်ပြား​ပျံအဖြစ် ယုံကြည်​နေသည်ကို သိရှိရသည့်​အခါ အံ့​ဩမိ​ကြောင်း​ မိုက်က ​ပြောဆိုသွား​သည်။

Source: People Media Voice

  • Digg
  • Del.icio.us
  • StumbleUpon
  • Reddit
  • RSS

အင်္ဂါဂြိုဟ် မျက်နှာပြင်ပေါ်၌ စူးစမ်းလေ့လာရန် တရုတ်နိုင်ငံမှ အာကာသယာဉ်တစ်စင်းကို ၂၀၁၃ ခုနှစ်တွင် လွှတ်တင်မည်

အင်္ဂါဂြိုဟ်၏ မျက်နှာပြင်ကိုလေ့လာမည့် တရုတ်နိုင်ငံ၏ ပထမဦးဆုံး အာကာသယာဉ်ကို ၂၀၁၃ ခုနှစ်တွင် လွှတ်တင်မည်ဟု တရုတ်နိုင်ငံ သိပံ္ပပညာရှင် အကြီးအကဲတစ်ဦးက ဗုဒ္ဓဟူးနေ့ (မတ်လ ၂ရက်) တွင် ပြောကြားလိုက်သည်။

“အင်္ဂါဂြိုဟ်ဟာ ကမ္ဘာနဲ့ အနီးစပ်ဆုံး တူညီတဲ့ ဂြိုဟ်တစ်ခုဖြစ်ပြီး သက်ရှိသတ္တ၀ါများ တည်ရှိ နိုင်ကာ နေထိုင်ရန် သင့်လျော်တဲ့ နေရာအဖြစ်သို့လည်း ပြောင်းလဲနိုင်ပါတယ်။ အဲဒါကြောင့် လူသား မျိုးနွယ်စုရဲ့ ပထမဦးဆုံး လေ့လာစူးစမ်းမယ့် ဂြိုဟ်တစ်ခု အဖြစ် အင်္ဂါဂြိုဟ်ကို လေ့လာမှာ ဖြစ်ပါတယ်” ဟု တရုတ်အာကာသနည်းပညာ အကယ်ဒမီမှ အာကာသစူးစမ်းလေ့လာရေးအဖွဲ့၏ အကြီးအကဲ သိပံ္ပပညာရှင် YE Peijan က ပြောကြားခဲ့သည်။

အဆိုပါ mission တွင် တရုတ်နိုင်ငံမှ ထုတ်လုပ်သည့် လွှတ်တင်ရေး ဒုံးပျံ ၊ စူးစမ်းရှာဖွေရေး ပစ္စည်းများနှင့် စောင့်ကြည့်လေ့လာရေး ပစ္စည်းများကို အသုံးပြုသွားမည်ဖြစ်ကြောင်း Ye Peijan က ဆက်လက်ပြောကြားခဲ့သည်။

Ye Peijan သည် တရုတ်ပြည်သူ့နိုင်ငံရေးရာ အကြံပေး ညီလာခံမှ အမျိုးသား ကော်မတီ အဖွဲ့ဝင်တစ်ဦးဖြစ်ပြီး အထက်ပါ တရုတ်နိုင်ငံ၏ အင်္ဂါဂြိုဟ်ပေါ်သို့ စူးစမ်းလေ့လာရေး အာကာသယာဉ် လွှတ်တင်ရန် ကိစ္စအား နှစ်ပတ်လည် ညီလာခံမစတင်မီ ကြာသပတေးနေ့ (မတ်လ ၂ရက်) တွင် ပြောကြားခဲ့ခြင်း ဖြစ်သည်။

တရုတ်နိုင်ငံ၏ လက်ရှိထုတ်လုပ်ထားသော လစူးစမ်းလေ့လာရေး အာကာသယာဉ်အား အဆင့်တိုးမြှင့်၍ အင်္ဂါဂြိုဟ် စူးစမ်းလေ့လာရေးယာဉ်အဖြစ် ပြောင်းလဲ ထုတ်လုပ်မည် ဖြစ်ကြောင်း လည်း ပြောကြားခဲ့သည်။

အဆိုပါ အာကာသယာဉ်ကို ကမ္ဘာနှင့် အင်္ဂါဂြိုဟ်တို့ အနီးကပ်ဆုံးဖြစ်သည့် ၂၀၁၃ ခုနှစ် နိုဝင်ဘာလတွင် လွှတ်တင်မည်ဟု ခန့်မှန်းထားပြီး မအောင်မြင်ခဲ့ပါက နောက်ထပ်တစ်ကြိမ် ထပ်မံ နီးကပ်မည့် ၂၀၁၆ ခုနှစ်တွင် နောက်ဆုံးပေါ် စူးစမ်းရှာဖွေရေးကိရိယာများ တပ်ဆင်၍ လွှတ်တင်မည် ဟု ပြောကြားခဲ့သည်။ သို့သော် အဆိုပါ စီမံကိန်းသည် ပထမဦးစွာ တရုတ်အစိုးရ၏ ခွင့်ပြုချက်ကို ရယူရမည် ဖြစ်ကြောင်းလည်း ပြောကြားခဲ့သည်။

တရုတ်နိုင်ငံ၏ အင်္ဂါဂြိုဟ် လှည့်ပတ်စူးစမ်းလေ့လာရေး ဂြိုဟ်တုဖြစ်သည့် Yinghuo-1 ဂြိုဟ်တုကို ယခုနှစ် နိုဝင်ဘာလတွင် ရုရှားနိုင်ငံမှ Zenit-3F လွှတ်တင်ရေး ဒုံးပျံဖြင့် လွှတ်တင်မည် ဖြစ်သည်။ အဆိုပါ Yinghuo-1 ဂြိုဟ်တုသည် အင်္ဂါဂြိုဟ်၏ အာကာသပတ်ဝန်းကျင်ဆိုင်ရာ အချက် အလက်များနှင့် ဂြိုဟ်၏ သံလိုက်စက်ကွင်းတို့ကို စူးစမ်းလေ့လာသွားမည် ဖြစ်သည်။

Source: Satellite&Space

  • Digg
  • Del.icio.us
  • StumbleUpon
  • Reddit
  • RSS

NASA ရဲ့ Glory ဂြိုလ်တု ကို မတ်လ လေးရက်နေ့ လွှင့်တင်ရန် ပြင်ဆင်ပြီးစီး

http://www.hin4ooe.com/main/temp/Mar%204,%202011/nasa.jpg

အမေရိကန် အမျိုးသား အာကာသ အေဂျင်စီ (NASA ) က အင်္ဂါနေ့က ထုတ်ပြန် ကြေညာရာမှာ ၎င်းတို့ရဲ့ Glory ဂြိုလ်တုကို မတ်လ လေးရက် (သောကြာနေ့) မှာ လွှတ်တင်နိုင်အောင် ပြင်ဆင်ပြီးပါပြီလို့ ဆိုပါတယ်။ လောင်စာစက် Taurus XL အတွက် လိုအပ်မယ့် မြေပြင်ထောက်ကူပြု ပစ္စည်းကိရိယာ နည်းပညာ ပိုင်းတွေကြောင့် မူလက သတ်မှတ်ထားတဲ့ ဖေဖော်ဝါရီ ၂၃ ရက် လွှင့်တင်ဖြစ်ဖို့ လျာထားချက်က ရွေ့ဆိုင်းထားခဲ့ရတယ်။ အခု ပြန်လည် ပြင်ဆင် ပြီးသွားပါပြီလို့ NASA က ရှင်းလင်းချက်မှာ ပြောသွားပါတယ်။ မတ်လ လေးရက်နေ့ ၊ (ဂရင်းနစ် စံတော်ချိန် ၁၀:၀၉) မနက် ၅:၀၉ EST မှာ ကာလီဖိုးနီးယား ပြည်နယ်၊ ဝမ်ဒန်ဘာ့ဂ် (Vandenberg) လေတပ် အခြေစိုက် စခန်းက လွှင့်တင်မှာ ဖြစ်ပါတယ်။ လောင်စာကန် ဖွင့်ချိန် လေးဆယ့် ရှစ်စက္ကန့် ကြားကာလကို စတင် သတ်မှတ်ပါမယ်။ လောင်စာလွှတ်ပြီး ဆယ့်သုံးမိနစ် အကြာမှာ မြေပြင်က ထွက်ခွာပါမယ်လို့ NASA အရ သိရတယ်။

ဒီ Glory စီမံကိန်းဟာ နေနဲ့ Aerosols ခေါ်တဲ့ လေထုတွင်း သေးငယ်တဲ့ ( ဓါတ်ငွေ့ တိမ်မွှားလေးတွေပါ ) အမှုန်လေးတွေက ကမ္ဘာ့ ရာသီဥတုအပေါ် ဘယ်လို အကျိုးသက်ရောက်မှု ရှိသလဲဆိုတာနဲ့ ပတ်သက်လို့ ပိုပြီး သိနားလည်လာစေဖို့ ဖြစ်ပါတယ်။ ရာသီဥတု အပြောင်းအလဲ ခန့်မှန်းချက်တွေ အတွက် လိုအပ်မယ့် အဓိက အကြောင်းချင်းရာတွေကို ရှာဖွေရာမှာ ကုန်ကျမယ့် အခြား နေစွမ်းအင်သုံး ကိရိယာများမှာ ပါဝင် ကူညီပါမယ်။ A-train (ဒါမှမဟုတ်) Afternoon Constellation လို့ခေါ်တဲ့ ဂြိုလ်တု အဖွဲ့အစည်းနဲ့လည်း ဆက်သွယ် ပါလိမ့်မယ်။ NASA ရဲ့ Aqua နဲ့ Aura အာကာသ ယဉ်အပါအဝင် ကမ္ဘာ့ လေ့လာရေး အခြား ဂြိုလ်တုတွေရဲ့ အဖွဲ့ဟာ ဖွဲ့စည်းပုံ အခိုင်အခန့်နဲ့ လည်ပတ်နေပြီးသား ရှိနေပါပြီ။

မြေကမ္ဘာ ဖွဲ့စည်းပုံနဲ့ ပတ်သက်ပြီး ဒီထက်မက ပိုမို ရှုပ်ထွေးနိုင်မယ့် အခြေခံ ဒြပ်စင်တွေ အကြောင်းကို ရှင်းပြနိုင်ဖို့ နည်းပညာ အသစ်တွေကိုပါ Glory နဲ့ တစ်ခါတည်း ထည့်သွင်း ပါသွားပါမယ်။ ဒီခရီးစဉ်မှာ အခြေခံ ကိရိယာ နှစ်ခု ရှိပါတယ်။ Aerosol Polarimetry Sensor(APS)နဲ့ Total Irradiance Monitor(TIM )တဲ့။ နေရောင်ခြည်လှိုင်း စုပ်ယူတဲ့နှုန်းနဲ့ ဖြာထွက်တဲ့ နှုန်းအရ ရာသီဥတုကို သက်ရောက်စေတဲ့ အမှုန် Aerosol လို့လည်း ခေါ်တဲ့ ကမ္ဘာ့ ဖိအားအပေါ် အနည်းနဲ့အများ အကျိုးသက်ရောက်မှု ရှိတဲ့ ဓါတ်ငွေ့ တိမ်မွှား၊ အမှုန်တွေရဲ့ စစ်ကြောင်း တိုင်းတာတဲ့ ကိရိယာ ကို APS လို့ ခေါ်နိုင်မယ်။ တိမ်တွေရဲ့ သဘာဝကို စိစစ်ပြီး ခန့်မှန်းချက် ထုတ်ပေးမယ့် စက်တစ်မျိုးလည်း ဖြစ်ပါတယ်။ နောက်တစ်ခု TIM ကိုတော့ ဓါတ်ရောင်ခြည်တိုင်း ကိရိယာလို့ပဲ အလွယ် ခေါ်ကြမယ်။
ကမ္ဘာ့လေထု အပေါ်ဆုံးအလွှာကို ဖြတ်သန်း ဝင်ရောက်လာမယ့် နေရောင်ခြည် စွမ်းအင်တွေရဲ့ (ဒါမှမဟုတ်) စုစုပေါင်း နေစွမ်းအင် ရောင်ခြည် ဖြာထုတ်မှုနှုန်း ဆယ်စုနှစ် တစ်ခုစာ ဒေတာတွေ၊ (အချက်အလက်တွေ)ကို TIM က ထိန်းသိမ်းပေးမယ်။ APS က မြင်နိုင် “ဆုံတာ” ကနေ အနီအောက် ရောင်ခြည်လှိုင်းတို မမြင်နိုင် “ဆုံတာ” အထိ လှိုင်းအလျား ကွဲပေါင်း ကိုးခုရဲ့ အချက်အလက်တွေကို စုပါမယ်။ ဒီအချက်အလက်တွေက သိပ္ပံပညာရှင်များ အတွက် aersols (ဓါတ်ငွေ့ တိမ်မွှားများ)နဲ့ ပတ်သက်ပြီး ပိုမို သိနားလည်လာစေမှာ ဖြစ်ပါတယ်။

NASA ရဲ့ ပထမဆုံး ကမ္ဘာပါတ်လမ်း အတွင်းရှိတဲ့ Polarimeter က ဒီတိမ်မွှားတွေမှာ အချို့က လူလုပ်တာလား ၊သဘာဝလား ခွဲခြားနိုင်အောင် စီစဉ် ကူညီပေးပါမယ်။ ရရှိလာတဲ့ သတင်း အချက်အလက်တွေကို ကမ္ဘာ့လုံးဆိုင်ရာ ရာသီဥတု စံပုံစံ အတွက် ပိုမိုကောင်းမွန်အောင် ထည့်သွင်း မွမ်းမံပါမယ်။ ကျွန်တော်တို့ ဂြိုလ်ကမ္ဘာနဲ့ ကျနော်တို့ လူသားတွေရဲ့ လုပ်ဆောင်ချက်တွေကြား ဘယ်လို ဆက်နွယ်သလဲ ဆိုတာ သိပ္ပံပညာရှင်များ ခွဲခြား ဆုံးဖြတ်နိုင်စေဖို့ အကူအညီ ပေးပါလိမ့်မယ်။ Glory ဟာ ကမ္ဘာအနီးဆုံး ပတ်လမ်းမှာ ပျံသန်း လှည့်ပတ်မှာ ဖြစ်ပြီး အမြင့် ၄၃၈ မိုင်ပဲ ကွာဝေးပါတယ်။ ၄၃၈ မိုင်ဆိုတာ ဝါရှင်တန်နဲ့ ဘော့စ်တန်ကြား အကွာအဝေးပဲ ရှိတယ်။ စတင် ထွက်ခွာပြီး လောင်စာကန် ချပြီးတဲ့နောက် စီမံကိန်း အော်ပရေတာများက ရက်သုံးဆယ် ကြာအောင် စိစစ် စမ်းသပ်ဦးမယ်။ ပြီးမှနောက် အနည်းဆုံး သုံးနှစ်ကြာအထိ အချက်အလက်တွေ စုဆောင်း ကောက်ယူသွားမှာ ဖြစ်ပါတယ်။

Source: hin4ooe

  • Digg
  • Del.icio.us
  • StumbleUpon
  • Reddit
  • RSS

စင်္ကာပူနိုင်ငံ၏ ပထမဆုံး ပြည်တွင်းဖြစ် ဂြိုလ်တုကို အိန္ဒိယ ဒုံးပျံဖြင့် လွှတ်တင်

အချိန်ကာလ ၄ နှစ်ခန့် ကျန့်ကြာပြီးနောက် စင်္ကာပူနိုင်ငံ၏ ပြည်တွင်းပညာရှင်များ တီထွင်ထားသော ပထမဆုံး ဂြိုလ်တုကို အိန္ဒိယနိုင်ငံရှိ အာကာသ စခန်းမှတစ်ဆင့် လွတ်တင်နိူင်လိုက်ပြီ ဖြစ်ကြောင်း စင်္ကာပူ မီဒီယာများက ဖော်ပြခဲ့ကြသည်။

အလေးချိန် ၁၅၀ ကီလိုဂရမ်ရှိပြီး ရေခဲ့သေတ္တာအရွယ် X-Sat ဂြိုလ်တုသည် Isro’s Polar Satellite Launch Vehicle (PSLV-C16) ဒုံပျံဖြင့် အိန္ဒိယနိုင်ငံ Satish Dhawan အာကာသ စခန်းမှ ဧပြီလ ၂၀ရက် ဗုဒ္ဓဟူးနေ့က လွတ်တင်လိုက်ဖြင်း ဖြစ်ပြီး အဆိုပါ ဂြိုလ်တုကို မြေမျက်နှာပြင် အနေအထား လေ့လာ တိုင်းတာချက်မျာအတွက် ဓါတ်ပုံများရိုက်ကူးခြင်းနှင့် ကမ္ဘာ့ သဘာဝပါဝန်းကျင် ပြောင်းလာခြင်း တို့ကို လေ့လာရန် အသုံးပြုမည်ဟု စင်္ကာပူ၏ ဒေသတွင်း သတင်းမီဒီယာ Straits Times မှ ဖော်ပြခဲ့သည်။

http://patheincity.com/news//HLIC/129432b4d93309a1de9125a8d9dad435.jpg

ဗုဒ္ဓဟူးနေ့ နေ့လည် ၁၂ နာရီ ၄၂ မိနစ်က လွှတ်တင်လိုက်သော X-Sat ဂြိုလ်တုသည် ၁၉၉၄ ခုနှစ်က စတင် အသုံးပြုခဲ့သော PSLV ဒုံးပျံ၏ ၁၈ ကြိမ်မြောက် အောင်မြင်စွာ လွတ်တင်နိုင်သော ဂြိုလ်တုလည်း ဖြစ်သည်။

X-Sat ဂြိုလ်တုကို စင်္ကာပူ နမ်ယမ်း နည်းပညာ တက္ကသိုလ် နှင့် စင်္ကာပူ ကာကွယ်ရေး ဝန်းကြီးဌာန၏ DSO အမျိူးသား သုတေသန ဌာနတို့ ပူပေါင်းပြီး ပုံစံထုတ် တည်ဆောက်ခဲ့ခြင်း ဖြစ်သည်။

http://patheincity.com/news//HLIC/00befefefb362eb64f5d4dfb5102948d.jpg
လက်ရှိအချိန်တွင် ကမ္ဘာပါတ် လမ်းကြောင်းထဲ ရောက်ရှိနေပြီးဖြစ်သော ဂြိုလ်တုသည် နမ်ယမ်း နည်းပညာ တက္ကသိုလ်ရှိ မြေပြင် ထိမ်းချုပ်ရေး စခန်းနှင့် စတင် ဆက်သွယ်လျက်ရှိပြီး ၎င်း၏ လုပ်ငန်းတာဝန်များ စတင်လည်ပါတ်ရန် သီတင်းတစ်ပါတ်ခန့် အချိန်ယူရဦးမည် ဖြစ်ကြောင်း သိရသည်။

အဆိုပါ ဂြိုလ်တု လွှတ်တင်ရေး စီမံကိန်းအတွက် စင်္ကာပူ သိပ္ပံပညာရှင်များ နှင့် အင်ဂျင်နီယာများသည် ၉ နှစ်ခန့် အပြင်းအထန် ကြိုးစားခဲ့ရပြီး စင်္ကာပူနိုင်ငံသည် အရှေ့တောင် အာရှတွင် ပထမဆုံး ကိုယ်ပိုင်ဂြိုလ်တုကို အာကာသတွင် လွတ်တင်နိုင်သော နိုင်ငံဖြစ်လာခဲ့သည်။ စင်္ကာပူ၏ ယခင်လွတ်တင်ခဲ့ပြီးသော ဂြိုလ်တုများသည် နိုင်ငံခြား ကုမ္ပဏီများ အကူအညီဖြင့် တည်ဆောက်ထားခြင်း ဖြစ်ကြောင်း သိရသည်။

Source: PaThein City

  • Digg
  • Del.icio.us
  • StumbleUpon
  • Reddit
  • RSS

Satellite Ground Station Staff Function

Operation Staffing

Operation Staffing ( ပါဝင်သောဝန်ထမ်းအရေအတွက်) သည် အခြေအနေအမျိုးမျိုးအပေါ် လိုက်၍ ကွဲပြားခြားနားနိုင်သည်။ ၄င်းအခြေအနေများမှာ operation ၏ရှုပ်ထွေးမှု ၊ payload control operation ပါဝင်ခြင်း (သို့)မပါဝင်ခြင်း၊ ပါဝင်သော automation များ၏အဆင့်အတန်း၊ single control centre မှ operation ပြုလုပ်သောဂြိုဟ်တုအရေအတွက် ၊ operation အတွက်လိုအပ်သော support function အားလုံးကို control centre မှပြုလုပ်နိုင်ခြင်း ( သို့ ) external support organization ပါဝင်းခြင်းတို့ဖြစ်သည်။ Operation အဖွဲ့များတွင် staff များပါဝင်မှုပမာဏများမှာ staff များ၏အရည်အသွေးကြောင့် operation တူညီသော်လည်း ကွဲပြားခြားနားမည်ဖြစ်သည်။.ထို့ပြင် ပြုလုပ်သော operation အပေါ်လိုက်၍ operation team များကိုလေးမျိုးခွဲခြားထားသည်-

- Large team (ရှုပ်ထွေးသော operation များကိုပြုလုပ်ပြီး လိုအပ်သော engineering support များကိုမိမိ၏ control centre မှပင် ထောက်ပံ့ပေးသည်။ )

- medium team (ရှုပ်ထွေးသော operation များကိုပြုလုပ်ပြီး လိုအပ်သော engineering support များကို အခြားအဖွဲ့အစည်းများ၏ အကူအညီကိုရယူ ဆောင်ရွက်သည်။

- small team (ရိုးရှင်းသော operation များကိုပြုလုပ်ပြီး ၊ automatic operation များစွာပါဝင်သည်။ )

- multi-team ( များစွားသောဂြိုဟ်တုနှင့် operation များကိုပြုလုပ်သည်။)

Operation Controllers

Operation Controller များသည် ဂြိုဟ်တုထိန်းကြောင်းခြင်းနှင့် data များသိမ်းဆည်းခြင်းတို့ကို ဂြိုဟ်တုနှင့် real-time အခြေအနေတွင် operation ပြုလုပ်သည်။ ထို့ကြောင့် အလုပ်ချိန်ဇယားများရေးဆွဲခြင်း ၊ နေ့/ည အလုပ်ချိန်အဆိုင်းများ ခွဲခြားထားခြင်းစသည့် အလုပ်ချိန်စီမံခန့်ခွဲမှုများထားရှိရန် လိုအပ်သည်။ Operation Controller သုံးမျိုးမှာ-

- Spacecraft operation controller

- Payload operation controller

- Ground system operation controller တို့ဖြစ်သည်။

ဤနေရာတွင် satellite အား operation ပြုလုပ်သော staff များ၏ ကဏ္ဍများကိုသာ ဖော်ပြထားပြီး အခြားသော အကူဝန်ထမ်းများ ၊ ရုံးပိုင်းဆိုင်ရာဝန်ထမ်းများ နှင့် admin အစရှိသောဝန်ထမ်းများကို မပါရှိပေ။

Spacecraft Controller (SC)

Spacecraft Controller ( SC )ကို spacecraft analyst ဟုလည်းခေါ်သည်။ SC သည်ဂြိုဟ်တုနှင့် ground station တို့အပြန်အလှန်ဆက်သွယ် အလုပ်လုပ်နိုင်ရန် real-time အချိန်တွင် operation ပြုလုပ်သည်။ SC သည်ဂြိုဟ်တုမလွှတ်တင်မီ စမ်းသပ်စစ်ဆေးခြင်း၊ ပတ်လမ်းအတွင်းတည်ရှိစဉ် ဂြိုဟ်တုသို့ဆက်သွယ် ထိန်းချုပ်သော uplink ကိုစစ်ဆေးခြင်း တို့ကိုလည်းပြုလုပ်သည်။ ဂြိုဟ်တုလွှတ်တင်ထားချိန်တွင်လည်း ကြုံတွေ့ရသောအခက်အခဲများကို မှတ်တမ်းတင်၍ Spacecraft Operation Engineer ( SOE ) သို့တင်ပြရသည်။ အဘယ့်ကြောင့်ဆိုသော် SC သည် mission planner and scheduling တို့မှချမှတ်ပေးသော အစီအစဉ်အတိုင်းသာ ဆောင်ရွက်ရသောကြောင့်ဖြစ်သည်။

SC သည်ဂြိုဟ်တု၏ performance ကိုအကောင်းဆုံးရရှိရန်ထိန်းကြောင်းခြင်း ၊ ဂြိုဟ်တု၏ချို့ယွင်းမှုများကို ရှာဖွေမှတ်တမ်းတင်ခြင်း ၊ မှတ်တမ်းတင်ထားခြင်းမရှိသော ချို့ယွင်းမှုများကို SOE ထံသို့တင်ပြခြင်း၊ ဂြိုဟ်တုအစိတ်အပိုင်းများ၏ ပတ်လမ်းအတွင်းအလုပ်လုပ်ခဲ့သော အချိန်ကိုမှတ်တမ်းတင်ခြင်းစသည်တို့ကို ပြုလုပ်သည်။ SC သည်ကြိုတင်စီစဉ်ချမှတ်ထားသော ရိုးရှင်းသည့် ပုံမှန် operation များကိုသာပြုလုပ်ရပြီး ချို့ယွင်းမှုများကို ဖြေရှင်းပိုင်ခွင့်မရှိပေ။ အဘယ့်ကြောင့်ဆိုသော SC သည် ဂြိုဟ်တု၏ subsystem များမည်သို့အလုပ်လုပ်သည်ကို သိသော်လည်း ကျွမ်းကျင်သော ပညာရှင်ပါရဂူမဟုတ်သောကြောင့် ချို့ယွင်းမှုများအား အဖြေရှာရှင်းလင်းလျှင် ပိုမိုမှားယွင်းသွားနိုင်သောကြောင့်ဖြစ်သည်။

Command Controller (CC)

SC (spacecraft controller ) နှင့်အတူ ဂြိုဟ်တုအားထိန်းကြောင်းရာတွင်ပါဝင်သော CC သည် SC ၏ junior position ဖြစ်သည်။ သတ်မှတ်ထားသော စီမံချက်များအတိုင်း ချို့ယွင်းမှုများအား SC သို့တင်ပြခြင်းများကို ပြုလုပ်သည်။

Payload Controller ( PC )

Payload Controller ( PC ) သည် real-time အချိန်တွင် payload operation ကိုထိန်းချုပ်ရသူဖြစ်သည်။ Payload တွင်ပါဝင်သော science instrument နှင့်ထို instrument များ၏ အထောက်အပံ့ ပစ္စည်းများကိုလည်းထိန်းချုပ်ရသည်။ ပုံမှန် operation ပြုလုပ်ချိန်တွင် SC ( spacecraft controller ) နှင့်လုပ်ငန်းစဉ်တူညီသော်လည်း payload အား command နှင့် control ပြုလုပ်စဉ်တွင် SC ကဲ့သို့တင်းကြပ်ခြင်း မရှိပေ။ ရှုပ်ထွေးသော mission တွင်မူ payload control ကို payload operation team အဖြစ်ခွဲခြားလုပ်ဆောင်သည်။

Mission Planner (MP)

Mission Planner (MP) သည်ဂြိုဟ်တု၏ နေ့စဉ်ပုံမှန် operation ပြုလုပ်ခြင်းများအတွက် လမ်းစဉ်များချမှတ်ပေးသည်။ ထို့ပြင်မြေပြင်စခန်းအတွက် လိုအပ်သော အလုပ်ချိန်ဇယားများရေးဆွဲ ခြင်း ၊ဂြိုဟ်တုသို့ပေးပို့မည့် command များကို ရေးဆွဲခြင်း၊ ဂြိုဟ်တု၏ operation နှင့် maintenance များအတွက် SOE နှင့်ညိ§နှိုင်းစီစဉ်ခြင်း ၊ SC ( spacecraft controller ) အတွက်လိုအပ်သော လမ်းညွှန်ချက်များကို ရေးဆွဲပေးခြင်း နှင့်လိုအပ်ပါက payload operation schedule များရေးဆွဲခြင်း စသည်တို့ကိုလည်းပြုလုပ်သည်။

Data Analyst (DA)

Data analyst (DA) သည် ဂြိုဟ်တုမှပေးပို့သော အချက်အလက်(data) များ၏ အရည်အသွေးကို စောင့်ကြည့်စီမံခန့်ခွဲခြင်းဖြစ်သည်။ အချက်အလက်(data) အရည်အသွေးများအား ground station မှလက်ခံရရှိသည်မှ customer (သို့ ) user များတိုင်အောင် စောင့်ကြည့်ခြင်းဖြစ်သည်။ အများအားဖြင့် data management system များသည် highly automation များဖြစ်ကြသည်။ ထိုကြောင့် DA သည် operation network တွင်ဖြစ်ပေါ်လာသော ချို့ယွင်းမှုများကို ရှာဖွေဖြေရှင်းကိုသာ အဓိကလုပ်ဆောင်သည်။ real-time data management function ကို ထိန်းချုပ်ညွှန်ကြားသူမှာ GC (ground controller ) ဖြစ်သော်လည်း mission ၏လိုအပ်မှုအပေါ်မူတည်၍ DA (data analyst ) သည်ပါဝင်လာမည်ဖြစ်သည်။

Orbit Analyst ( OA )

Orbit Analyst (OA) သည်ရရှိလာသော ပတ်လမ်းဆိုင်ရာ tracking data များအရဂြိုဟ်တု၏ flight dynamics function များကိုရေးဆွဲသည်။ ထို့ပြင်ဂြိုဟ်တုအတွက် orbit များညိ§နှိုင်းသတ်မှတ်ခြင်း ၊ maneuver planများကို တွက်ချက်ပေးခြင်းတို့ကိုလည်းပြုလုပ်သည်။ ထို့နောက် ရရှိလာသော data အချက်အလက်များကို MP (mission planner ) သို့ပေးပို့သည်။

Spacecraft Operation Engineer (SOE)

Spacecraft Operation Engineer (SOE) သည်ဂြိုဟ်တုသက်တမ်းကုန်ဆုံးချိန်အထိ တည့်တံရေးနှင့် mission ကိုကောင်းမွန်စွာဆောင်ရွက်နိုင်ရေး ကဏ္ဍအားလုံးတွင် တာဝန်ရှိသူဖြစ်သည်။ SOE သည်ဂြိုဟ်တုထုတ်လုပ်သူများနှင့် ညိ§နှိုင်းခြင်း၊ ဂြိုဟ်တုမလွှတ်တင်မီစမ်းသပ်စစ်ဆေးခြင်း ၊ လွှတ်တင်ပြီးနောက် တင်ပြလာသော ဂြိုဟ်တု၏အခြေအနေများအရ လိုအပ်သည်များကို စီမံဆောင်ရွက်ခြင်း စသည်တို့ကိုပြုလုပ်သည်။ Payload သည်ဂြိုဟ်တုတစ်ခု၏ အသက်သွေးကြောနှင့် အရင်းအမြစ်ဖြစ်သောကြောင့် SOE သည် ဂြိုဟ်တုတည်ရှိမှု အခြေအနေကိုသာမက payload ၏စွမ်းဆောင်နိုင်မှုအခြေအနေကိုပါ စီမံဆောင်ရွက်ရသည်။

SOE သည် SC ( spacecraft controller ) (သို့)အခြားသော position များမှ တင်ပြလာသော ချို့ယွင်းမှုများ၏ အကြောင်းအရင်းများကို ရှာဖွေသတ်မှတ်ခြင်း၊ မှတ်တမ်းတင်ခြင်း၊ အဖြေရှာခြင်းတို့ကိုပြုလုပ်သည်။ အကယ်၍ SOE သည်ချို့ယွင်းမှုများကို မဖြေရှင်းနိုင်လျှင် အခြားသော Anomaly Response Team (ART) များအား ချိတ်ဆက်ငှားရမ်းအသုံးပြုသည်။ ပုံမှန်မဟုတ်သော orbital maneuvers ပြောင်းလခြင်းကဲ့သို့သော အခြင်းအရာများတွင် SOE သည် SC အဖြစ် ယာယီတာဝန်ယူ၍ ဂြိုဟ်တုအား ထိန်းကြောင်းသည်။

Payload Analyst (PA)

Payload Analyst ( PA )သည် payload ၏လုပ်ငန်းဆောင်ရွက်မှု အခြေအနေအားလုံးကို စီစဉ်ဆောင်ရွက်ရသည်။ PA သည် SOE (spacecraft operation engineer ) နှင့် လုပ်ငန်းစဉ်တူညီသော်လည်း payload အား spacecraft bus ထက်ပိုမိုနိုင်နင်းခြင်းသာ ကွာခြားသည်။

Operation Engineer (OE)

Operation Engineer (OE)သည် satellite operation တစ်ခုလုံးအား စီစဉ်ခြင်းနှင့် လုပ်ငန်းစဉ်ဆောင်ရွက်ခြင်းများတွင် ကျွမ်းကျင်ပိုင်နိုင်သူဖြစ်သည်။ Operation တစ်ခုလုံး၏ နည်းပညာပိုင်းဆိုင်ရာ ဦးဆောင်သူဖြစ်ပြီး operation အတွက်လိုအပ်သော အထောက်အပံ့နှင့် စီမံခန့်ခွဲမှုအပိုင်းများတွင်လည်း ပြုလုပ်ရသည်။ OE သည် spacecraft နှင့် payload တို့၏ဖြစ်ပေါ်လာသော ချို့ယွင်းမှုများကို အဖြေရှာရာတွင် ဦးဆောင်စီမံခန့်ခွဲသူဖြစ်သည်။

Summary

မြေပြင်ထိန်းချုပ်ရေးစခန်း၏ operation တွင်ပါဝင်မည့် ၀န်ထမ်းများ အားလုံးကို ငှားရမ်းအသုံးပြုမည်ဆိုလျင် ငွေကြေးများစွာကုန်ကျမည်ဖြစ်သည်။ ပြုလုပ်ရသော operation ရှုပ်ထွေးလျှင် ၀န်ထမ်းအရေအတွက်များစွာ လိုအပ်မည်ဖြစ်သောကြောင့် ငွေကြေးကုန်ကျမှု များပြားနိုင်သည်။ ရှုပ်ထွေးမှုနည်းသော operation သည် ၀န်ထမ်းအရေအတွက်ို လျော့ကျစေနိုင်သည်။

မိမိတို့အဖွဲ့အစည်းအတွင်းရှိ ၀န်ထမ်းများအား လုံလောက်စွာ လေ့ကျင့်သင်ကြားပေး၍ ငှားရမ်းထားသော ၀န်ထမ်းများ၏ အချို့နေရာများတွင် အစားထိုးအသုံးပြုခြင်းသည်လည်း ငွေကြေးကုန်ကျမှုကို သက်သာစေမည်ဖြစ်သည်။

Source: 9SpaceStudy

  • Digg
  • Del.icio.us
  • StumbleUpon
  • Reddit
  • RSS

အိန္ဒိယအာကာသအေဂျင်စီမှ ဧပြီလတွင် ဂြိုဟ်တု (၃) ခုလွှတ်တင်

အိန္ဒိယအာကာသသုတေသနအဖွဲ့ (Indian Space Research Organization – ISRO) မှ နောက်ဆုံးပေါ် remote sening ဂြိုဟ်တုနှင့် အခြားဂြိုဟ်တု နှစ်ခုကို ဧပြီလ ဒုတိယအပတ်တွင် လွှတ်တင်မည်ဟု သတင်းထုတ်ပြန်ခဲ့သည်။ အဆိုပါ ဂြိုဟ်တု (၃) ခုအား လွှတ်တင်ရန် တပ်ဆင်ထားသော လွှတ်တင်ရေးဒုံးပျံမှ အရေးကြီးသည့် အစိတ်အပိုင်းတစ်ခုအား လဲလှယ်ပြီးလျှင် ပြီးချင်း လွှတ်တင်မည်ဟု သတင်းထုတ်ပြန်ခဲ့သည်။

အိန္ဒိယနိုင်ငံ၏ ဒုံးပျံလွှတ်တင်ရေးစခန်းတစ်ခုဖြစ်သည့် Sriharikota စခန်း၌ တပ်ဆင်ထားသော ၀င်ရိုးစွန်းပတ်လမ်း ဂြိုဟ်တုလွှတ်တင်ရေးဒုံးပျံ (Polar Satellite Launch Vehicle – PSLV) ၏ gas motor တစ်ခုအား အဆင့်မြ§င့်တင်ထားသော gas motor ဖြင့် လဲလှယ်မည်ဟု ISRO မှ သတင်းထုတ်ပြန်ခဲ့သည်။

“ ကျွန်တော်တို့ရဲ့ အဆင့်လေးဆင့်ပါရှိတဲ့ ဒုံးပျံဟာ တပ်ဆင်လို့ ပြီးပါပြီ။ ဒါပေမယ့် ဒုတိယအဆင့်မှာရှိတဲ့ gas motor တစ်ခုက အခြေအနေ မကောင်းမွန်တဲ့ အတွက် အဆင့်မြ§င့်တင်ထားတဲ့ တစ်ခုနဲ့ လဲလှယ်မှာ ဖြစ်ပါတယ်” ဟု ISRO မှ ပြောရေးဆိုခွင့်ရှိသူက ပြောကြားခဲ့သည်။

ISRO မှ နောက်ဆုံးလွှတ်တင်ခဲ့သည့် mission နှစ်ခုတွင် ပျက်စီးဆုံးရှုံးမှုများနှင့် ကြုံတွေ့ခဲ့ရသည်။ အဆိုပါ ပျက်စီးဆုံးရှုံးမှုနှစ်ခုတွင် geosynchronous ပတ်လမ်း ဂြိုဟ်တု လွှတ်တင်ရေးဒုံးပျံ (Geosynchronous Satellite Launch Vehicle – GSLV) ပစ်လွှတ်မှု မအောင်မြင်ခြင်းသည်လည်း တစ်ခုအပါအ၀င် ဖြစ်သည်။ အဆိုပါ ပျက်စီးဆုံးရှုံးမှု နှစ်ခုပေါင်းတွင် ရူပီး (၆) ဘီလီယံခန့် ဆုံးရှုံးခဲ့သည့်အတွက် ISRO အဖွဲ့သည် ဒုံးပျံပစ်လွှတ်မှုကို စေ့စပ်သေချာစွာ ပြုလုပ်လျက် ရှိသည်။

ပစ်လွှတ်မည့် ဂြိုဟ်တု (၃) ခုမှာ အိန္ဒိယနိုင်ငံပိုင် Resourcesat – 2 ဂြိုဟ်တု (၁၂၀၀ ကီလိုဂရမ်)၊ အင်ဒိုနီးရှားနှင့် ရုရှားနိုင်ငံ ပူးပေါင်းတည်ဆောက်ထားသော Youthsat ဂြိုဟ်တု (၉၃ ကီလိုဂရမ်) နှင့် စင်ကာပူနိုင်ငံ၏ X-sat (၁၀၃ ကီလိုဂရမ်) တို့ဖြစ်သည်။ အဆိုပါ ဂြိုဟ်တုများကို အစောပိုင်းက ဖေဖော်ဝါရီလတွင် လွှတ်တင်မည်ဟု ရည်ရွယ်ခဲ့သော်လည်း ရွှေ့ဆိုင်းခဲ့ရသည်။ ၄င်းတို့သည် ကမ္ဘာမြေ၏ရုပ်ပုံများနှင့် အခြားအချက်အလက်များကို ရယူ၍ မြေပြင်သို့ ပြန်လည် ပို့ဆောင်ပေးမည် ဖြစ်သည်။ အဆိုပါ remote sensing နည်းပညာကဏ္ဍတွင် အ်ိန္ဒိယနိုင်ငံသည် ထိပ်ဆုံးမှ ဦးဆောင်လျက်ရှိသည်။

အသစ်လဲလှယ်မည့် gas motor သည် ဒုံးပျံ ဒုတိယအဆင့် မောင်းနှင်မှုကို ထိန်းသိမ်းပေးမည် ဖြစ်ပြီး ဒုံးပျံအား ၄င်း၏ လမ်းကြောင်းအတိုင်း မှန်ကန်စွာသွားနိုင်ရန် ထိန်းသိမ်းပေးမည်ဟု ပြောရေးဆိုခွင့်ရှိသူမှ ပြောကြားခဲ့သည်။ အဆိုပါ gas motor အား ဒုံးပျံမှ ထွက်ရှိသည့် ဓာတ်ငွေ့ပူများဖြင့် မောင်းနှင်မည်ဟု သိရှိရသည်။

၄၄ မီတာ (၁၄၄.၃၅ ပေ) ရှည်သော PSLV ဒုံးပျံသည် အဆင့်လေးဆင့်ပါသော ဒုံးပျံဖြစ်၍ ပထမအဆင့်နှင့် တတိယအဆင့်ကို လောင်စာခဲများဖြင့် မောင်းနှင်မည်ဖြစ်ပြီး ဒုတိယအဆင့်နှင့် စတုတ္ထအဆင့်တို့ကို လောင်စာရည်များဖြင့် မောင်းနှင်မည် ဖြစ်သည်။

အိန္ဒိယနိုင်ငံသည် အကြီးမားဆုံး remote sensing ဂြိုဟ်တု အစုအဖွဲ့ကို ပိုင်ဆိုင်ထား၍ resolution အမျိုးမျိုးဖြင့် ရိုက်ကူးထားသော ပုံရိပ်များကို ဖြန့်ဝေလျက်ရှိသည်။ လက်ရှိလုပ်ငန်း ဆောင်ရွက်နေသော remote sensing ဂြိုဟ်တုများမှာ Cartosat-2B ၊ Oceansat-2 ၊ RISAT-2 ၊ Cartosat-2A ၊ IMS-1 ၊ Cartosat-2 ၊ Resourcesat-1 နှင့် TES ဂြိုဟ်တုတို့ ဖြစ်သည်။

ပြောရေးဆိုခွင့်ရှိသူမှ ဆက်လက်ပြောကြားရာ၌ ယခုလွှတ်တင်မည့် Resourcesat-2 ဂြိုဟ်တုသည် လက်ရှိ လုပ်ငန်းဆောင်ရွက်နေသော Resourcesat-1 ဂြိုဟ်တု၏ သက်တမ်း မကုန်မီအထိ ပူးတွဲဆောင်ရွက်မည် ဖြစ်သည်ဟု ပြောကြားခဲ့သည်။ Resourcesat-1 ဂြိုဟ်တုသည် ၂၀၀၃ ခုနှစ်တွင် လွှတ်တင်ခဲ့၍ ၄င်း၏ မူလသက်တမ်းဖြစ်သော (၅) နှစ် သက်တမ်းထက်ကျော်လွန်၍ လုပ်ငန်းဆောင်ရွက်နေသော ဂြိုဟ်တုတစ်ခု ဖြစ်သည်။

အိန္ဒိယအာကာသအေဂျင်စီမှ လွှတ်တင်ရန် စီမံထားသည့် အခြားဂြိုဟ်တုများမှာ RISAT ၊ Megha-Tropiques ၊ INSAT-3D နှင့် Astrosat (အာကာသအတွင်း လှည့်ပတ်နေသော အရာဝတ္ထုများအား နက္ခတ္တဗေဒဖြင့် လေ့လာမည့် ဂြိုဟ်တု) တို့ ဖြစ်ကြသည်။

  • Digg
  • Del.icio.us
  • StumbleUpon
  • Reddit
  • RSS
Related Posts Plugin for WordPress, Blogger...