Powered by Blogger.
RSS

Endeavour အာကာသလွန်းပျံယာဉ် နောက်ဆုံးခရီးစဉ်

နောက်ဆုံးခရီးစဉ်အဖြစ် အာကာသအတွင်းသို့ ထွက်ခွာပျံသန်းသွားသည့် Endeavour အာကာသလွန်းပျံယာဉ်အား တွေ့ရစဉ်။ ယခုခရီးစဉ်အပြီးတွင် Endeavour အာကာသလွန်းပျံယာဉ်ကို ပျံသန်းမှု အနားပေးမည်ဖြစ်ပြီး ပြတိုက်တွင် ထိန်းသိမ်းပြသသွားမည် ဖြစ်သည်။ (မေ ၁၆)

ပြီးခဲ့သည့် နှစ်ပါတ်အကြာက ပြဿနာအချို့ကြောင့် ပျံသန်းရေးဆိုင်းငံ့ခဲ့ရသော နာဆာအဖွဲ့၏ Endeavour လွန်းပျံယဉ်သည် ပြင်ဆင်မှုများ ပြုလုပ်ပြီးနောက် မေလ ၁၆ ရက် နံနက်ပိုင်းတွင် ၎င်း၏ နောက်ဆုံးအာကာသခရီးစဉ်ကို စတင်ထွက်ခွာနိုင်ပြီ ဖြစ်သည်။ Endeavour လွန်းပျံယာဉ်နှင့်အတူ အာကာသယဉ်မှူးခြောက်ဦး လိုက်ပါသွားကြောင်း သိရသည်။ ယခုပျံသန်းသည့် အာကာသခရီးစဉ်အပြီးတွင် Endeavour အာကာသလွန်းပျံယာဉ်ကို လော့စ်အိန်ဂျလိ ပြတိုက်တွင် သိမ်းဆည်း ပြသထားမည် ဖြစ်သည်။

၁၆ ရက်ကြာမြင့်မည့် ခရီးစဉ်အတွင်း နိုင်ငံတကာအာကာသစခန်းတွင် ဒေါ်လာ ၂ ဘီလျံကုန်ကျမည့် စမ်းသပ်ချက်များကို ပြုလုပ်သွားမည် ဖြစ်သည်။ Endeavour သည် နာဆာမှ လွှတ်တင်သော လွန်းပျံယဉ်များအနက် အသေးစားမျှသာဖြစ်ပြီး Challenger အာကာသလွန်းပျံယာဉ်အစား ဆောက်လုပ်ထားခြင်း ဖြစ်သည်။ Challenger အာကာသလွန်းပျံယာဉ်မှာ ၁၉၈၆ ခုနှစ်က လွှတ်တင်ရာတွင် မတော်တဆ ပျက်ကျခဲ့သည်။ တနင်္လာနေ့တွင် လွှတ်တင်သည့် Endeavour ၏ နောက်ဆုံး အာကာသခရီးစဉ်ကို ကနေဒီ အာကာသစခန်းမှ အဖွဲ့များသာမက လာရောက်ကြည့်ရှုသူ ၄၅၀၀၀ ထက်မနည်း စောင့်ကြည့်ခဲ့ကြသည်။ Endeavour အာကာသလွန်းပျံယာဉ်နှင့်အတူ လိုက်ပါမည့် အာကာသယာဉ်မှူများအား ပြီးခဲ့သည့် သောကြာနေ့ ညနေပိုင်းက အမေရိကန်သမ္မတ အိုဘားမားနှင့် မိသားစုက လာရောက်တွေ့ဆုံခဲ့သေးကြောင်း သိရသည်။

endeavour

endeavour

endeavour

endeavour

endeavour

endeavour

endeavour

endeavour

endeavour

endeavour


Credit: Planet

  • Digg
  • Del.icio.us
  • StumbleUpon
  • Reddit
  • RSS

A2100 (Lockheed Martin)

ပါဝင်သည့် အစိတ်အပိုင်းများ ရိုးရှင်းခြင်း ၊ ပတ်လမ်းအတွင်း ယုံကြည်စိတ်ချရမှု (on-orbit reliability) မြင့်မားခြင်းစည့် အချက်များသည် A2100 sateliite bus ဒီဇိုင်း၏ အားသာချက်များ ဖြစ်သည်။ A2100 bus ၏ ထုတ်လုပ်နိုင်သော လျှပ်စစ် ပါဝါမှာ ၁၅ ကီလိုဝပ် အထိရှိသည်။ Lockheed Martin ကုမ္ပဏီသည် အဆိုပါ A2100 bus အား မှာယူသည့်နေ့မှ (၁၈) လအတွင်း ပြုလုပ်ပေးနိုင်သည်။

A2100 series ကို အောက်ပါအတိုင်း အမျိုးအစား (၄) မျိုးခွဲခြားထားသည်။

(၁) A2100A – 1 to 4 kW

(၂) A2100AX – 4 to 15 kW

(၃) A2100AX အမျိုးအစားအား အဆင့်မြှင့်တင်ထားသော A2100AXS

(၄) Mobile communications လုပ်ငန်းစဉ်များအတွက် A2100AXX

စစ်ဖက်ဆိုင်ရာ ဂြိုဟ်တုများအတွက် A2100M ဒီဇိုင်းကိုလည်း ပြုလုပ်ပေးနိုင်သည်။

A2100 satellite bus အား အသုံးပြုထားသည့် ဂြိုဟ်တုတစ်ခုမှာ Vinasat-1 ဂြိုဟ်တုဖြစ်သည်။ ၂၀၀၆ ခုနှစ် မေလ ၁၂ ရက်၌ လက်မှတ်ထိုးခဲ့သော သဘောတူစာချုပ်အရ Lockheed Martin Commercial Space Systems ကုမ္ပဏီသည် ဗီယက်နမ်နိုင်ငံ၏ ဂြိုဟ်တုစီမံကိန်း တစ်ခုလုံးအား ထုတ်လုပ်မှုအဆင့်မှ လွှတ်တင်ခြင်းအဆင့်သို့ ရောက်ရှိသည့်တိုင်အောင် တာဝန်ယူခဲ့သည်။ Lockheed Martin ကုမ္ပဏီနှင့် ဂြိုဟ်တု တည်ဆောက်ခြင်းအတွက် ဒေါ်လာ ၁၆၈ သန်း တန်ဖိုးရှိ စာချုပ်ချုပ်ဆိုခဲ့သည်။ အဆိုပါ ဂြိုဟ်တုအား ၂၀၀၈ ခုနှစ် ဧပြီလ ၁၈ ရက်တွင် Ariane 5 လွှတ်တင်ရေးဒုံးပျံဖြင့် လွှတ်တင်ခဲ့သည်။ ဗီယက်နမ်နိုင်ငံသည် ထပ်မံ၍ Lockheed Martin ကုမ္ပဏီဖြင့်ပင် စာချုပ်ကာ Vinasat-2 ဂြိုဟ်တုအား ၂၀၁၂ ခုနှစ်တွင် လွှတ်တင်မည် ဖြစ်သည်။

Source: Satellite&Space

  • Digg
  • Del.icio.us
  • StumbleUpon
  • Reddit
  • RSS

LS 1300 (Space System/Loral)

LS 1300 satellite bus သည် Space System/Loral ကုမ္ပဏီမှ ထုတ်လုပ်သော geostationary satellite bus အမျိုးအစား ဖြစ်သည်။ LS 1300 satellite bus သည် ယင်း၏ power နှင့် communications စွမ်းရည်ကြီးမားခြင်း၊ သက်တမ်းရှည်ကြာခြင်းတို့ကြောင့် customer များ ၀ယ်ယူမှုများပြားနေသော bus တစ်ခုဖြစ်ကြောင်း သိရှိရသည်။ LS 1300 satellite bus ၏ ထုတ်လုပ်နိုင်သော power မှာ ၅ ကီလိုဝပ်မှ ၂၅ ကီလိုဝပ်အတွင်းရှိပြီး transponder အရေအတွက် (၁၂) ခုမှ (၁၅၀) ခုကို သယ်ဆောင်နိုင်သည်။ bus ၏ အလေးချိန်မှာ အများဆုံး ၆၇၀၀ ကီလိုဂရမ် အထိရှိသည်။ သို့သော် LS satellite bus များသည် (၅) မီတာ အချင်းရှိသော payload fairing လိုအပ်သည်။ LS 1300 satellite bus များအား Zenit 3SL ၊ Proton နှင့် Ariane 5 စသည့် လွှတ်တင်ရေးဒုံးပျံများဖြင့် ပစ်လွှတ်သည်။

Intelsat Corporation သည် Space Systems/Loral နှင့် Intelsat 17 ဂြိုဟ်တုအား LS 1300 satellite bus ကို အသုံးပြု၍ ထုတ်လုပ်ရန် စာချုပ်ချုပ်ဆိုခဲ့သည်။ အဆိုပါ Intelsat 17 ဂြိုဟ်တုသည် အရှေ့လောင်ဂျီတွဒ် ၆၆ ဒီဂရီ၌ တည်ရှိသော Intelsat 702 ဂြိုဟ်တုအား အစားထိုးရန် ၂၀၁၀ ခုနှစ် နိုဝင်ဘာလ ၂၆ ရက်နေ့တွင် Ariane 5 လွှတ်တင်ရေးဒုံးပျံဖြင့် လွှတ်တင်ခဲ့ခြင်း ဖြစ်သည်။

Source:
http://sites.google.com/site/9spacestudy/

  • Digg
  • Del.icio.us
  • StumbleUpon
  • Reddit
  • RSS

Launch Vehicle


၁၉၅၀ ခုနှစ်မှစ၍ ဆိုဗီယက်ပြည်ထောင်စုနှင့် အမေရိကန် အစိုးရအာကာသအေဂျင်စီတို့မှ တိုက်ချင်းပစ်ဒုံးများ၏ပုံစံကို အခြေပြုတည်ဆောက်ထားသည့် ဂြိုဟ်တုလွှတ်တင်ရေးဒုံးပျံများဖြင့် ဆက်သွယ်ရေးနှင့် စူးစမ်းလေ့လာရေးဂြိုဟ်တုများကို ပတ်လမ်းနိမ့်ဂြိုဟ်တုပတ်လမ်းသို့ အပြိုင်အဆိုင်လွှတ်တင်ခဲ့ကြသည်။ ၁၉၆၀ ခုနှစ်တွင် လနှင့်အခြားဂြိုဟ်များသို့ စူးစမ်းလေ့လာရေးဂြိုဟ်တုများ ပစ်လွှတ်ရာမှ ပိုမိုအားကောင်းသော လွှတ်တင်ရေးဒုံးပျံများ ပေါ်ထွက်လာခဲ့သည်။ ထိုသို့ပေါ်ထွက်လာခြင်းကြောင့် ပတ်လမ်းမြင့်ဂြိုဟ်တုပတ်လမ်းဖြစ်သော GEO ဂြိုဟ်တုပတ်လမ်းသို့ ဂြိုဟ်တုများကို လွှတ်တင်နိုင်ခဲ့ကြသည်။ ၁၉၇၀ ခုနှစ်မှ ယနေ့ခေတ်တိုင် ဆက်သွယ်ရေးဂြိုဟ်တုများကို GEO ပတ်လမ်းသို့ လွှတ်တင်အသုံးပြုနေကြသည်။ ယခုအချိန်တွင် အလေးချိန်ပမာဏများစွာ သယ်ဆောင်နိုင်၍ အားကောင်းသောလွှတ်တင်ရေးဒုံးပျံများသာမက ဂြိုဟ်တုအများအပြားကို တစ်ကြိမ်တည်း ပူးတွဲပစ်လွှတ်နိုင်သည့် လွှတ်တင်ရေးဒုံးပျံများလည်း ပေါ်ထွက်လာခဲ့သည်။

ဂြိုဟ်တုအား သယ်ဆောင်ပစ်လွှတ်ပေးမည့် လွှတ်တင်ရေးဒုံးပျံအား အောက်ပါအချက်များအပေါ်မူတည်၍ ရွေးချယ်သည်-

၁။ လွှတ်တင်ရေးဒုံးပျံ၏ သယ်ဆောင်နိုင်သော အလေးချိန်ပမာဏ၊

၂။ လွှတ်တင်ရေးဒုံးပျံ၏ နောက်ဆုံးပစ်လွှတ်မှု လေးကြိမ် ( သို့ ) ဆယ်ကြိမ်ဆက် အောင်မြင်မှု / ပစ်လွှတ်မှုဆိုင်ရာ သက်တမ်းတစ်လျှောက် အောင်မြင်သော သမိုင်းကြောင်းရှိမှု၊

၃။ လွှတ်တင်ရေးဒုံးပျံ၏ သယ်ယူပို့ဆောင်ပေးမည့် ဈေးနှုန်း၊

၎။ ပစ်လွှတ်ချိန်တွင် အသုံးပြုသော ဆက်သွယ်ထိန်းချုပ်မှုဆိုင်ရာ ကွန်ယက်များ၏ အရည်အသွေးနှင့် ပြည့်စုံကောင်းမွန်စိတ်ချရမှု။

ယခုကာလတွင် အစိုးရပိုင်းဆိုင်ရာ ဂြိုဟ်တုလွှတ်တင်ခြင်းများ သာမက နိုင်ငံတကာမှပေးပို့လာသော ဂြိုဟ်တုများအား အခကြေးငွေယူ၍ လွှတ်တင်ပေးသော ဂြိုဟ်တုလွှတ်တင်ရေးဆိုင်ရာ အဖွဲ့အစည်းများသည် ဈေးကွက်စီးပွားရေးတစ်ရပ်အနေဖြင့် အပြိုင်အဆိုင်ပေါ်ထွက်လာခဲ့ကြသည်။ ယခုအချိန်တွင် ယင်းဂြိုဟ်တုလွှတ်တင်ခြင်းဆိုင်ရာ ဈေးကွက်တွင် နည်းပညာအသစ်များ အပြိုင်အဆိုင်အသုံးပြုကာ ကျယ်ပြန့်လာခဲ့သည်။

GEOလွှတ်တင်ရေးဒုံးပျံ၏ ပထမအဆင့်တွင် ဂြိုဟ်တုအားထည့်သွင်းသယ်ဆောင်သွားမည့် ဒုံးပျံထိပ်ဖူးအခွံ (rocket fairing) နှင့် ဂြိုဟ်တုအား နောက်ဆုံးသတ်မှတ်ပတ်လမ်းသို့ ပို့ဆောင်ပေးမည့် upper stage (သို့) ဂြိုဟ်တုနှင့်တွဲဆက်ထားသည့် apogee rocket motor ( ARM ) တို့ပါရှိ၍ ယင်းပထမအဆင့်အောက်တွင် အားကောင်းသောအင်ဂျင်များကို အဆင့်ဆင့်တပ်ဆင်ထားသည်။


လွှတ်တင်ရေးဒုံးပျံဖွဲ့စည်းပုံနှင့် Payload fairings များတပ်ဆင်ထားရှိပုံ

လွှတ်တင်ရေး အဖွဲ့အစည်းများစွာရှိသကဲ့သို့ ယင်းတို့၏လွှတ်တင်ရေးဒုံးပျံဒီဇိုင်း၊ လွှတ်တင်မှုပုံစံ ၊ သယ်ဆောင်နိုင်သော အလေးချိန်ပမာဏနှင့် ဈေးနှုန်း စသည်တို့မှာလည်း ကွဲပြားသည်။

Credit: http://sites.google.com/site/9spacestudy/

  • Digg
  • Del.icio.us
  • StumbleUpon
  • Reddit
  • RSS

'ကန်'စစ်တပ်မှာ ရေဒါလွတ်ရဟတ်ယာဉ် ရှိနေပြီလား



အိုစမာဘင်လာဒင်အား သတ်ဖြတ်မှု စစ်ဆင်ရေးအတွင်း အမေရိကန် အထူး ရေတပ် (SEAL)အသုံးပြုသည့် ရဟတ် ယာဉ်သည် ၎င်းတို့ပိုင် ဆိုင်သော အများ သိ ရဟတ်ယာဉ်မျိုးနှင့် မတူကြောင်း ကျွမ်းကျင် သူများက ပြောဆိုလိုက်သဖြင့် ရေဒါဖမ်းမမိသည့် ရဟတ်ယာဉ် ကောလာဟလများ ထွက်ပေါ်လာသည်။ စစ်ဘက်ဆိုင်ရာ လေကြောင်း ကျွမ်း ကျင်သူများက အိုစမာဘင်လာဒင်အား အောင်မြင်စွာ သုတ်သင် နိုင်ခဲ့ခြင်း၏ တစ်စိတ်တစ်ပိုင်းသည် လူမသိသေး သော ရေဒါလွတ် ရဟတ်ယာဉ်များ ကြောင့်လည်းဖြစ်သည်ဟု ခန့်မှန်းနေ ကြသည်။ ယင်းရဟတ်ယာဉ်တစ်စင်း သည် ပျက်စီးသွားခဲ့ကာ ပါကစ္စတန် တွင် ကျန်ရစ်ခဲ့သည်။ ဘင်လာဒင်၏နေအိမ်ဝင်းအတွင်း ပျက်ကျခဲ့သည့်
ရဟတ်ယာဉ်အား အမေရိကန်တပ်ကဖျက်ဆီးပစ်ခဲ့သော်လည်းရဟတ် ယာဉ်အမြီးပိုင်းသည် အုတ်နံရံ၏ အခြားတစ်ဖက်တွင် ကျန်ရစ်ခဲ့ခြင်း ဖြစ်သည်။

ကျန်ရှိနေသော အမြီးပိုင်းပုံများအားကြည့်ရှုကာ လေကြောင်းကျွမ်းကျင် သူများက ရဟတ်ယာဉ်သည် ဘလက်ခ်ဟော့ခ် ရဟတ်ယာဉ်အမျိုးအစားနှင့်ရေဒါလွတ် တိုက်လေယာဉ်နှစ်မျိုးရောနေသည့် အမှတ် လက္ခဏာများကို တွေ့ရှိရသည်ဟုဆိုသည်။

အမေရိကန်စစ်တပ်တွင် ရေဒါလွတ် ရဟတ်ယာဉ်အမျိုးအစား ရှိသည်ဟုအများက သိရှိမထားသော်လည်း ပါကစ္စတန်နိုင်ငံ အဘိုတာ ဘတ်မြို့ရှိ ဘင်လာဒင်၏ အိမ်ဝင်းရှိရာသို့ ရေဒါများ တွင် မဖမ်းမိစေဘဲ အမေရိကန်စစ်သား များအား ဆောင်ကြဉ်းခဲ့သည့် ရဟတ် ယာဉ်များမှာမူ ရေဒါလွတ်ရဟတ်ယာဉ် အမျိုးအစားလက္ခဏာများ ရှိနေသည်။

"ဒါ တွေ့နေကျ ဘလက်ခ်ဟော့ခ် မျိုးမဟုတ်ဘူး။ ဒီရဟတ်ယာဉ်က အက်ဖ်-၁၁၇ ရေဒါလွတ် တိုက်လေ ယာဉ်တွေမှာတွေ့ရတဲ့ ထောင့်ချိုးတွေ အနားစောင်းတွေ ပါနေတယ်" ဟု အငြိမ်းစား အထူးစစ်ဆင်ရေးလေယာဉ် မှူးတစ်ဦးကပြောသည်။

ရေဒါလွတ်ရဟတ်ယာဉ်နှင့် ရေဒါ လွတ်တိုက်လေယာဉ်တို့သည် တူညီမှု များ ရှိလင့်ကစား ဦးတည်ချက်မတူညီ သည့် ဒီဇိုင်းများရှိ သည်။ ရေဒါလွတ် လေယာဉ်သည် ရေဒါတွင် ဖမ်းမမိစေ ရန်ရည်ရွယ်ပြီး ရေဒါလွတ်ရဟတ် ယာဉ်မှာ အသံတိတ်ဆိတ်ရန် ဦးတည် ထားသည်။ ရဟတ်ယာဉ်များသည် ရေဒါ၏အောက်မှ ပျံသန်းနိုင်သည့်စွမ်းရည်ရှိထားပြီးဖြစ်ကာ ၎င်းတို့တွင်လှုပ်ရှားနေသည့် အစိတ် အပိုင်းများများစွာပါရှိသည့်အတွက် ရေဒါတွင်ဖမ်းမမိစေရေးမှာ များစွာခက်ခဲလှသည်။

ကျင့်သားမရသည့် နားများအတွက် ရေဒါလွတ်ရဟတ်ယာဉ်သံသည် အမေရိကန်ဒေါ်လာသန်း ၁၅၀ တန်စစ်ရဟတ်ယာဉ်တစ်စင်း ဆိုခြင်းထက်သာမန်မြက်ရိတ်စက်သံနှင့် ပိုတူလေသည်။ အမေရိကန်စစ်တပ်၏ နောက်ဆုံးသိရသော ရေဒါလွတ်ရဟတ်ယာဉ်
စီမံကိန်း RAH-66 Comanche သည် မည်သည့်စစ်ဆင်ရေးမျှ မလုပ်မီ ၂၀၀၄ ခုနှစ်အတွင်း ဖျက်သိမ်းခဲ့သည်။ ဖျက် သိမ်းခဲ့စဉ်က ဒေါ်လာ ခုနစ်ဘီလျံနီးပါး သုံးစွဲခဲ့သည့် ယင်းအစီအစဉ်သည် အနာဂတ် ရေဒါလွတ်ယာဉ်များတွင် ဆက်လက်အသုံးချသွားမည်ဟု စစ်ဘက်ဆိုင်ရာ အရာရှိများကပြောသည်။

ပျက်စီးသွားသည့် ရဟတ်ယာဉ်နှင့် စပ်လျဉ်း၍ ပင်တဂွန်သည် ရေငုံနှုတ် ပိတ်ရှိနေပြီး စီအိုင်အေဒါရိုက်တာ လီယွန်ပနက်နာက ဘင်လာဒင်စစ်ဆင် ရေးတွင် ဘလက်ခ်ဟော့ခ် ရဟတ်ယာဉ်များကို သုံးစွဲခဲ့သည်ဟုသာဆိုသည်။ ပါကစ္စတန်အရာရှိများက ရဟတ် ယာဉ်ပျက် အပိုင်းအစများအား ကုန်တင်ကားများပေါ်တင်ဆောင်ကာ မိုးကာများ ဖုံးအုပ်လျက် သယ်ဆောင်သွား ကြသည်။ ပါကစ္စတန်သည် တရုတ်နိုင်ငံနှင့် ရင်းနှီးသော ဆက်ဆံရေးရှိနေ သဖြင့် အမေရိကန်တို့ဘက်မှ ရဟတ် ယာဉ်အပျက်များ မည်သို့အဆုံးသတ် မည်ဆိုသည့်ကိစ္စအား စိုးရိမ်မကင်းဖြစ် သွားရသည်။

Source: Myanmar Times

  • Digg
  • Del.icio.us
  • StumbleUpon
  • Reddit
  • RSS

လကမ္ဘာအကြောင်း သိကောင်းစရာ




လဟာဘယ် လောက်ကြီးပြီးတော့ ဘယ်လောက်ဝေးသလဲ ဆိုတာကို ကျွန်တော်တို့  အရင် လေ့လာကြည့်မယ်နော်..။

တကယ်တော့ လဟာ ကမ္ဘာ့ အရွယ်အစားထက် လေးပုံပုံ တစ်ပုံလောက်ပဲရှိတယ်..၊ လဟာ (ကျွန်တော်တို့ ကမ္ဘာကနေ ) မိုင်ပေါင်း ၂၃၀,၀၀၀ လောက် အကွာမှာ ရှိပြီး ကျွန်တော်တို့ ရဲ့  အနီးဆုံးမှာရှိတဲ့ အရာဖြစ်ပါတယ်..၊ အာကာသ ဝေါဟာရ သတ်မှတ်ချက်များအရ ဒီ အကွာဝေးကို ( အရမ်းကို) လုံးဝ နီးကပ်တယ်လို့ သုံးသပ်သတ်မှတ်ရပါတယ်..။


လရဲ့ မျက်နှာပြင်ဟာ ဘာနဲ့ တူတာလဲဆိုတာကိုကော ကျွန်တော်တို့  လေ့လာကြည့်မယ်နော်..။



၁၉၆၉ ခုနှစ်မှာ လူသားတွေဟာ လရဲ့  မျက်နှာပြင်ပေါ်ကို ပထမဦးဆုံးအကြိမ်ဆင်းသက်ခဲ့တယ်...။ဒီတော့ လဟာ

ဘာနဲ့  တူသလဲဆိုတာ ကို ကျွန်တော်တို့  သိခဲ့ကြရတယ်..၊လမှာ ကရိတ်တာ(ဥက္ကာခဲကျလို့  ဖြစ်သွားတဲ့ချိုင့်ကြီး) တွေလို့ ခေါ်တဲ့ ချိုင့်ခွက် ထောင်ပေါင်းများစွာ ဖုံလွမ်းနေပြီး...ကျောက်ဆောင်ထူထပ်ကြမ်းတမ်းတဲ့ မျက်နှာပြင်ရှိတယ်..။

သိပံပညာရှင် တွေကတော့ လရဲ့ ချိုင့်ခွက်ကြီးတွေဟာ ဥက္ကာပျံ တွေနဲ့  အာကာသမှ အခြားအစအန တွေ လပေါ်ပြုတ်ကျလို့  ဖြစ်ပေါ်ခဲ့တာလို့  ယုံကြည်ယူဆကြတယ်.။ လပေါ်မှာ ကျယ်ဝန်း ချောမွတ် ပြေပြစ်တဲ့နေရာ အချို့ လည်းရှိပါသေးတယ်..။အဲ့ဒီညီညာတဲ့နေရာတွေကို သမုဒ္ဒရာတွေ..၊ပင်လယ်တွေ၊ ရေကန်ကြီးတွေ လို့ေ ခ်ါဝေါ်ကြတယ်..။သူတို့ အရွယ်အစား ဘယ်လောက်ကြီးသလဲဆိုတဲ့ အပေါ်မူတည်ပြီး ခေါ်ဝေါ်တာဖြစ်ပါတယ်..။ သူတို့  ထဲ မှာ ကျောက်ဆောင်တွေနဲ့  မြေကြီးတွေသာပါဝင်ပါတယ်..။ ဒါပေမယ့် ရေတော့မရှိဘူး...။

လဟာ ကမ္ဘာနဲ့  ဘယ်ပုံဘယ်နည်းတွေ ကွာခြားသလဲဆိုတာကိုလည်း ထပ်မံလေ့လာကြည့်မယ်နော်..။

လဟာကမ္ဘာထက်အများကြီး ပိုသေးတယ်ဆိုတဲ့ အချက်ပြင် ကမ္ဘာနဲ့  လအကြား အခြားများစွာသော ကွဲ ပြားခြားနားချက်တွေ ရှိ(သေး)တယ်၊ ပထမဦးဆုံး အချက်က လမှာ ရေမရှိဘူး ၊တိမ်တွေ မရှိဘူး ၊ ဘယ်လို အာကာသလေထုအမျိုးအစား မှမရှိဘူး၊(လပေါ်မှာ) သက်ရှိသတ္တ၀ါတွေမရှိဘူး.၊ လပေါ်မှာ ဆွဲအားကလည်း အများကြီးပိုမိုနည်းပါးတယ်..၊ ကမ္ဘာ့ ဆွဲအားရဲ့  ခြောက်ပုံတစ်ပုံပဲ ရှိတယ်..လို့ ပြောကြပါတယ်..။

နောက်ပြီးတော့ လဟာပုံသဏ္ဍန်ပြောင်းလဲတယ်လို့ ထင်ရတဲ့ အချက်.. လသာတာကို ကျွနုပ်တို့  တွေ့ မြင်ရတယ် ၊ ဘာကြောင့် ဆို နေရဲ့ အလင်းရောင်က လမျက်နှာပြင်ပေါ် ကျရောက်ကန်ထွက်ပြီး ကမ္ဘာဆီသို့  အလင်းပြန်(ရောင်ပြန်ဟပ်)လို့ ဖြစ်ပါတယ်..။ လက ကမ္ဘာကိုပတ်ပြီ ၊ကမ္ဘာက နေကို ပတ်နေတဲ့အတွက် လရဲ့  ထွန်းတောက်တဲ့ မျက်နှာပြင် အစိတ်အပိုင်း အမျိုးမျိုး ကို ကျွန်တော်တို့ တွေ့ မြင်နေရတာဖြစ်ပါတယ်..။

ဒါဘာကြောင့် လရဲ့ ပုံပန်းသဏ္ဍန်ဟာ သေးငယ်ပါလွှာတဲ့ လခြမ်းကွေးလေတစ်ခုကနေ ပြည့်၀၀ိုင်းစက်နေတဲ့ လပြည့်ဝန်းကြီးတစ်ခုအဖြစ် ပြောင်းလဲ သွားတယ်လို့  ထင်ရတဲ့ အချက်ပါပဲ။ အဲ့ဒီပုံ သဏ္ဍန်တွေကို (လကွယ်မှ လပြည့်ထိ အဆင့်ဆင့် ပြောင်းလဲသော) လသဏ္ဍန် အဆင်ဆင့် လို့ ခေါ်ပါတယ်...။




  • Digg
  • Del.icio.us
  • StumbleUpon
  • Reddit
  • RSS

နေမုန်တိုင်း နှင့် ၄င်း၏ ဖြစ်ပေါ်လာပုံ

နေမုန်တိုင်းဆိုတာကတော့ နေကိုလွှမ်းခြုံထားတဲ့ဓာတ်ငွေ့လွှာအတွင်းမှာ ဖြစ်ပေါ်တတ်သောပြင်းထန်သော ပေါက်ကွဲမှုတစ်မျိုးကို ခေါ်ဆိုခြင်းဖြစ်ပါတယ်။
နေမုန်တိုင်းတွေ ဘယ်လိုဖြစ်ပေါ်လာသလဲဆိုတာကတော့ နေရဲ့ ပါဝင်ပစ္စည်းများကြောင့်ဖြစ်ပါတယ်။ ဟိုက်ဒြိုဂျင်နဲ့ ဟီလီယမ်ဓာတ်ငွေ့များနဲ့ အဓိကဖွဲ့စည်းထားတဲ့နေမှာ ယင်းဓာတ်ငွေ့နှစ်မျိုး လောင်ကျွမ်းခြင်းကြောင့်ဖြစ်ပေါ်လာတဲ့ ဘေးထွက်ပစ္စည်းအနေနဲ့အပူစွမ်းအင်ရယ်၊ အလင်းရောင်ရယ်၊ ဓာတ်ဆောင်မှုန် (charged particles)ရယ်၊ ဓာတ်ရောင်ခြည်ဖြာထွက်မှု (X-rays, Gamma rays, etc.) ရယ်ရှိကြပါတယ်။၎င်းဘေးထွက်ပစ္စည်းများအနက်မှ ဒြပ်ထုမရှိသောဘေးထွက်ပစ္စည်းများဖြစ်ကြတဲ့ အလင်းရောင်ရယ်၊ ဓာတ်ရောင်ခြည်ရယ်၊ အပူစွမ်းအင်ရယ်ဟာ နေမှ အချိန်ပြည့် ဖြာထွက်နေပြီး ဓာတ်ဆောင်မှုန်ကတော့ နေအတွင်းပိုင်းမှာပဲ တည်ရှိပါတယ်။နေမုန်တိုင်းဆိုတာကတော့ ဒြပ်ထုရှိတဲ့ ဓာတ်ဆောင်မှုန်(charged particles) များနေမှအရှိန်အဟုတ်ပြင်းစွာ လွင့်ကန်ထွက်လာခြင်းဖြစ်ပါတယ်။ဒါဟာ နေရဲ့ အတွင်းပိုင်းမှာ ရှိတဲ့ သံလိုက်စက်ကွင်းကြောင့်ဖြစ်ပါတယ်။ နေထဲမှာ လှည့်ပတ်ရွေ့လျားနေတဲ့ ဓာတ်ဆောင်မှုန်တွေနဲ့အတူ သံလိုက်စက်ကွင်းဟာလည်း လိုက်ပြောင်းနေပါတယ်။တစ်ချိန်တည်းမှာပဲ နေရဲ့ corona အလွှာအတွင်းမှာရှိနေတဲ့ ဓာတ်ဆောင်မှုန်တွေဖြစ်ကြတဲ့ Proton နဲ့ electron တို့ဟာလည်း အလွန်မြင့်မားတဲ့အပူချိန်ကြောင့် နေရဲ့ဆွဲအားမှလွတ်ထွက်နိုင်သော စွမ်းအင်အရှိန် (escape velocity) ကိုရရှိနေကြပါတယ်။ “သံလိုက်စက်ကွင်းများသည်ဓာတ်ဆောင်မှုန်များအား လမ်းကြောင်းပြောင်းနိုင်ကြသည်” (တွန်းနိုင်ဆွဲနိုင်ကြသည်) (Charged particles can be deflected by magnetic fields) ဆိုတဲ့သဘော ကြောင့် သံလိုက်စက်ကွင်းတွေတစ်နေရာရာမှာစုမိလာပြီး ပြင်းအားများ သွားတဲ့အခါမျိုးတွေမှာ ဓာတ်ဆောင်မှုန် တွေကိုနေထဲကနေ အပြင်ကိုတွန်းထုတ်နေသကဲ့သို့ ဖြစ်နေပါတယ်။အဲ့ဒီမှာ အဘက်ဘက်သို့ ဓာတ်ဆောင်မှုန် စီးကြောင်း (နေမုန်တိုင်း) ပေါ်ပေါက်တိုက်ခတ်လာခြင်းဖြစ်ပါတယ်။

နေရဲ့အတွင်းပိုင်းမှာ စုမိသွားတဲ့ သံလိုက်စက်ကွင်းပြင်းအားပေါ်ကို လိုက်ပြီးနေမုန်တိုင်းတွေရဲ့ အရွယ်အစားတွေကွာခြားကြပါတယ်။ နေမှစတင်တိုက်ခတ်တဲ့အချိန်မှာ နေမုန်တိုင်းရဲ့စွမ်းအင် ထုတ်လွှတ်မှုဟာ 6*1025Joules မျှရှိပါတယ်။ဒါဟာ နေမှတစ်စက္ကန့်မှာထုတ်လွတ်နေတဲ့ စွမ်းအင်စုစုပေါင်းရဲ့ ခြောက်ပုံတစ်ပုံမျှရှိသော ပမာဏဖြစ်ပါတယ်။ ဒါကြောင့် နေမုန်တိုင်းက သယ်ဆောင်ထားတဲ့စွမ်းအင်ဟာ အင်မတန်မြင့်မားပြင်းထန်တယ်လို့ ပြောလို့ရပါတယ်။ ကမ္ဘာ ပတ်လမ်းသို့နေမုန်တိုင်းရောက်ရှိချိန်မှာ တိုက်ခတ်နှုန်းဟာ တစ်စက္ကန့်လျှင် 185435 မိုင်မျှရှိပြီး ဓာတ်ဆောင်မှုန် အရွေအတွက်ဟာလည်း ကုဗစင်တီမီတာတိုင်းအတွက် တစ်မှုန် မှ ဆယ်မှုန် အထိ ရှိပါတယ်။နေမုန်တိုင်း တိုက်ခတ်တဲ့နှုန်း (velocity)၊ ဓာတ်ဆောင်မှုန်သိပ်သည်းဆ (charged particle density)၊နဲ့ တိုက်ခတ်တဲ့ အကြိမ်ရေတို့ဟာ sunspot activity ပေါ်လိုက်ပြီးပြောင်းလဲပါတယ်။နေမုန်တိုင်းက သယ်ဆောင်လာတဲ့စွမ်းအင် စုပေါင်းပမာဏဟာ နေမုန်တိုင်းတိုက် ခတ်တဲ့အကြိမ်ရေနဲ့ ပြောင်းပြန်အချိုးကျပါတယ်။ဆိုလိုတာကတော့ နေမုန်တိုင်းငယ်များဟာ နေမုန်တိုင်းကြီးများ ထက်ပိုမိုတိုက်ခတ်ပါတယ်။

  • Digg
  • Del.icio.us
  • StumbleUpon
  • Reddit
  • RSS
Related Posts Plugin for WordPress, Blogger...