Powered by Blogger.
RSS

အာကာသတွင်း မျက်ရည်ကျရင် ဘယ်လိုဖြစ်မလဲ

အာကာသတွင်း ဆွဲငင်အားမဲ့ အခြေအနေသည် ကမ္ဘာသားတို့အတွက် ကိုးရိုးကားရား ဖြစ်စေသော ဖြစ်စဉ်တစ်ရပ် ဖြစ်သည်။ ယင်းအခြေအနေတွင် မျက်ရည်ကျမိလျှင် အဘယ်သို့ ဖြစ်မည် ဆိုသည့် အဖိုးတန် သင်ခန်းစာကို အမေရိကန် အာကာသယာဉ်မှူး ဒရူးဖျူစတယ်လ်က မေလ ၂၅ ရက်နေ့က လက်တွေ့ခံစားပြီး ထုတ်ဖော်ပေးလိုက်ပြီ ဖြစ်သည်။

''အာကာသထဲမှာတော့ မျက်ရည်ဆိုတာ အောက်ကိုပြုတ်ကျတာမျိုး မဟုတ်ဘူး။ မျက်လုံးအတွင်းမှာပဲ စုပြီးဝိုင်းနေတာမျိုးပါ''ဟု မျက်ရည်ကျခဲ့သည့် ဖျူစတယ်နှင့်အတူ အာကာသတွင်း လမ်းလျှောက်မှုကို ဦးဆောင်သူ အယ်လီဆန်ဘိုလင်ဂါ က ဆိုသည်။

၂၅ ရက်နေ့က အမေရိကန် အာကာသယာဉ်မှူးနှစ်ဦး နိုင်ငံတကာ အာကာသစခန်းပြင်ပ ထွက်ပြီး အာကာသလမ်းလျှောက်မှု ပြုကာ စခန်းကို ပြင်ဆင်မှုများ ပြုလုပ်စဉ် ယင်းဖြစ်စဉ် ဖြစ်ခဲ့ခြင်း ဖြစ်သည်။ ဖျူစတယ်၏ ဦးထုပ်တွင်းတွင် ဦးထုပ်ကို သန့်စင်စဉ်က ကျန်ခဲ့သော သန့်စင်ဆေးရည် အနည်းငယ် မပြောင်ဘဲ ကျန်ခဲ့သည်။

''သန့်စင်ဆေးရည်ကို သေသေချာချာ ပြန်မသုတ်ရင် အဲဒါတွေက မျက်လုံးထဲ ၀င်တတ်တယ်ဆိုတာ အရင်ကလည်း ခဏခဏ ဖြစ်ခဲ့ပါတယ်။ ဒါက ပန်းကန်ဆေးဆပ်ပြာလိုပဲလေ။ ဆပ်ပြာ မျက်လုံးထဲဝင်သွားရင် ဘယ်လိုခံစားရမလဲ၊ အဲဒီလို မျိုးပဲပေါ့''ဟု ဘိုလင်ဂါ က ဆိုသည်။ဖျူစတယ်သည် အာကာသ၀တ်စုံတွင် ပါဝင်သော ဖိအားပြောင်းချိန်တွင် နှာခေါင်းကို ပိတ်ရသည့် ဗယ်လ်ဆာဗာဆိုသော ရေမြှုပ်ကိရိယာဖြင့် မျက်လုံးကို သုတ်ပစ်ခဲ့ရသည်ဟု ဆိုသည်။

Source: First Eleven

  • Digg
  • Del.icio.us
  • StumbleUpon
  • Reddit
  • RSS

GEORING နှင့် မိတ်ဆက်ခြင်း

GEORING ဆိုသည်မှာ HERMES ဟု အမည်ရသော ပတ်လမ်းအတွင်း ၀န်ဆောင်မှုပေးခြင်းစနစ် (On-Orbit Servicing System) ၏ ရှေ့ပြေးအစီအစဉ် ဖြစ်သည်။ ဥရောပတွင် ပတ်လမ်းအတွင်း ၀န်ဆောင်မှုပေးခြင်းစက်မှုလုပ်ငန်း (On-Orbit Servicing Industry) ၏ အစကနဦးအစီအစဉ် အဖြစ်လည်း ရည်ရွယ်ထားသည်။ GEORING အား ပတ်လမ်းအတွင်း ၀န်ဆောင်မှု လုံလောက်စွာပေးနိုင်ရန် element system (၅) ခုဖြင့် ဖွဲ့စည်းထားသည်။ အဆိုပါ ၀န်ဆောင်မှုများမှ တစ်ချို့သည် လက်ရှိဂြိုဟ်တုများအတွက်ဖြစ်ပြီး အနာဂတ်ဂြိုဟ်တုများအတွက်ပါ ၀န်ဆောင်မှု လုံလောက်စွာပြုလုပ်နိုင်ရန် ဆောင်ရွက်ထားသည်။ HERMES ပတ်လမ်းအတွင်း ၀န်ဆောင်မှုစနစ်၏ အဓိက element များမှာ အောက်ပါအတိုင်းဖြစ်သည်_

(၁) လောင်စာဆီများကို သိုလှောင်သိမ်းဆည်းထားနိုင်သော HERMES tanker အာကာသယာဉ်၊

(၂) Tanker အာကာသယာဉ်မှ သတ်မှတ်ထားသော ဂြိုဟ်တုဆီသို့ သွားရောက်နိုင်သော catcher-transporter အာကာသယာဉ်၊

(၃) ချိတ်ဆက်ခြင်း လုပ်ငန်းစဉ်များ (docking operations) အတွင်း ချိတ်ဆက်မည့် ဂြိုဟ်တု (target satellite) ကို စစ်ဆေးမည့် inspector အာကာသယာဉ်၊

(၄) Engine-Module (အမည်အားဖြင့် KINITRON) ဟုခေါ်ဝေါ်ကာ အသေးစား အာကာသယာဉ်တစ်ခုဖြစ်ပြီး ဂြိုဟ်တုဟောင်းများ၏ ပုံမှန်တည်နေရာ ထိန်းသိမ်းခြင်းလုပ်ငန်း (Station Keeping) ကို လုပ်ဆောင်သည်။

(၅) Apogee သို့သွားရောက်ရန် အထူးပြုလုပ်ထားသော ဒုံးပျံစက်များ (Special Apogee Kick Motor) သည် ဂြိုဟ်တုများကို ပို့ဆောင်ရာ၌ မြင့်မားသော တွန်းကန်အား (high thrust) အားအလိုရှိသည့် mission များတွင် အသုံးပြုသည်။

ဂရိနတ်ဘုရားတစ်ပါး၏ အမည်ကိုယူထားသော HERMES စီမံကိန်းကို ကုမ္ပဏီများ စုပေါင်းဖွဲ့စည်းထားသော အဖွဲ့တစ်ခုမှ ပြုလုပ်နေသည်။ အဆိုပါ အဖွဲ့တွင် ဥရောပ၏ အဓိက အာကာသ ကုမ္ပဏီများ ပါဝင်သည်။

Source: Satellite&Space

  • Digg
  • Del.icio.us
  • StumbleUpon
  • Reddit
  • RSS

Spacebus (Thales Alenia Space)

Spacebus satellite bus ကို ပြင်သစ်နိုင်ငံရှိ Thales Alenia Space ကုမ္ပဏီမှ ထုတ်လုပ်ပြီး geostationary(GEO) communication satellite များတွင် အသုံးပြုသည်။ ၁၉၈၅ ခုနှစ်တွင် လွှတ်တင်ခဲ့သော Arabsat-1A မှစတင်၍ သြဂုတ်လ ၄ ရက် ၂၀၁၀ အထိ ဂြိုဟ်တု ၅၉ ခုကို ထုတ်လုပ်ခဲ့သည်။ ယင်း satellite bus ၏ မူကွဲများအနေဖြင့် Spacebus 100 ၊ Spacebus 300 ၊ Spacebus 2000 ၊ Spacebus 3000 ၊ Spacebus 4000 နှင့် Ekspress-4000 တို့ကို ထုတ်လုပ်ခဲ့သည်။ ယင်း၏ သက်တမ်းမှာ ၁၅ နှစ်ဖြစ်သည်။ Spacebus 4000 သည် ITAR-free satellite အမျိုးအစားဖြစ်သည်။

အဆိုပါ Spacebus 4000 ကို အသုံးပြုထားသော Eutelsat W3C (ITAR-free) ဂြိုဟ်တုကို Eutelsat ကုမ္ပဏီမှ Thales Alenia Space ကုမ္ပဏီသို့ မှာယူခဲ့ပြီး ၂၀၁၁ ခုနှစ်တွင် Long March 3B လွှတ်တင်ရေး ဒုံးပျံဖြင့် လွှတ်တင်မည် ဖြစ်သည်။

Source:
http://sites.google.com/site/9spacestudy/

  • Digg
  • Del.icio.us
  • StumbleUpon
  • Reddit
  • RSS

Endeavour အာကာသလွန်းပျံယာဉ် နောက်ဆုံးခရီးစဉ်

နောက်ဆုံးခရီးစဉ်အဖြစ် အာကာသအတွင်းသို့ ထွက်ခွာပျံသန်းသွားသည့် Endeavour အာကာသလွန်းပျံယာဉ်အား တွေ့ရစဉ်။ ယခုခရီးစဉ်အပြီးတွင် Endeavour အာကာသလွန်းပျံယာဉ်ကို ပျံသန်းမှု အနားပေးမည်ဖြစ်ပြီး ပြတိုက်တွင် ထိန်းသိမ်းပြသသွားမည် ဖြစ်သည်။ (မေ ၁၆)

ပြီးခဲ့သည့် နှစ်ပါတ်အကြာက ပြဿနာအချို့ကြောင့် ပျံသန်းရေးဆိုင်းငံ့ခဲ့ရသော နာဆာအဖွဲ့၏ Endeavour လွန်းပျံယဉ်သည် ပြင်ဆင်မှုများ ပြုလုပ်ပြီးနောက် မေလ ၁၆ ရက် နံနက်ပိုင်းတွင် ၎င်း၏ နောက်ဆုံးအာကာသခရီးစဉ်ကို စတင်ထွက်ခွာနိုင်ပြီ ဖြစ်သည်။ Endeavour လွန်းပျံယာဉ်နှင့်အတူ အာကာသယဉ်မှူးခြောက်ဦး လိုက်ပါသွားကြောင်း သိရသည်။ ယခုပျံသန်းသည့် အာကာသခရီးစဉ်အပြီးတွင် Endeavour အာကာသလွန်းပျံယာဉ်ကို လော့စ်အိန်ဂျလိ ပြတိုက်တွင် သိမ်းဆည်း ပြသထားမည် ဖြစ်သည်။

၁၆ ရက်ကြာမြင့်မည့် ခရီးစဉ်အတွင်း နိုင်ငံတကာအာကာသစခန်းတွင် ဒေါ်လာ ၂ ဘီလျံကုန်ကျမည့် စမ်းသပ်ချက်များကို ပြုလုပ်သွားမည် ဖြစ်သည်။ Endeavour သည် နာဆာမှ လွှတ်တင်သော လွန်းပျံယဉ်များအနက် အသေးစားမျှသာဖြစ်ပြီး Challenger အာကာသလွန်းပျံယာဉ်အစား ဆောက်လုပ်ထားခြင်း ဖြစ်သည်။ Challenger အာကာသလွန်းပျံယာဉ်မှာ ၁၉၈၆ ခုနှစ်က လွှတ်တင်ရာတွင် မတော်တဆ ပျက်ကျခဲ့သည်။ တနင်္လာနေ့တွင် လွှတ်တင်သည့် Endeavour ၏ နောက်ဆုံး အာကာသခရီးစဉ်ကို ကနေဒီ အာကာသစခန်းမှ အဖွဲ့များသာမက လာရောက်ကြည့်ရှုသူ ၄၅၀၀၀ ထက်မနည်း စောင့်ကြည့်ခဲ့ကြသည်။ Endeavour အာကာသလွန်းပျံယာဉ်နှင့်အတူ လိုက်ပါမည့် အာကာသယာဉ်မှူများအား ပြီးခဲ့သည့် သောကြာနေ့ ညနေပိုင်းက အမေရိကန်သမ္မတ အိုဘားမားနှင့် မိသားစုက လာရောက်တွေ့ဆုံခဲ့သေးကြောင်း သိရသည်။

endeavour

endeavour

endeavour

endeavour

endeavour

endeavour

endeavour

endeavour

endeavour

endeavour


Credit: Planet

  • Digg
  • Del.icio.us
  • StumbleUpon
  • Reddit
  • RSS

A2100 (Lockheed Martin)

ပါဝင်သည့် အစိတ်အပိုင်းများ ရိုးရှင်းခြင်း ၊ ပတ်လမ်းအတွင်း ယုံကြည်စိတ်ချရမှု (on-orbit reliability) မြင့်မားခြင်းစည့် အချက်များသည် A2100 sateliite bus ဒီဇိုင်း၏ အားသာချက်များ ဖြစ်သည်။ A2100 bus ၏ ထုတ်လုပ်နိုင်သော လျှပ်စစ် ပါဝါမှာ ၁၅ ကီလိုဝပ် အထိရှိသည်။ Lockheed Martin ကုမ္ပဏီသည် အဆိုပါ A2100 bus အား မှာယူသည့်နေ့မှ (၁၈) လအတွင်း ပြုလုပ်ပေးနိုင်သည်။

A2100 series ကို အောက်ပါအတိုင်း အမျိုးအစား (၄) မျိုးခွဲခြားထားသည်။

(၁) A2100A – 1 to 4 kW

(၂) A2100AX – 4 to 15 kW

(၃) A2100AX အမျိုးအစားအား အဆင့်မြှင့်တင်ထားသော A2100AXS

(၄) Mobile communications လုပ်ငန်းစဉ်များအတွက် A2100AXX

စစ်ဖက်ဆိုင်ရာ ဂြိုဟ်တုများအတွက် A2100M ဒီဇိုင်းကိုလည်း ပြုလုပ်ပေးနိုင်သည်။

A2100 satellite bus အား အသုံးပြုထားသည့် ဂြိုဟ်တုတစ်ခုမှာ Vinasat-1 ဂြိုဟ်တုဖြစ်သည်။ ၂၀၀၆ ခုနှစ် မေလ ၁၂ ရက်၌ လက်မှတ်ထိုးခဲ့သော သဘောတူစာချုပ်အရ Lockheed Martin Commercial Space Systems ကုမ္ပဏီသည် ဗီယက်နမ်နိုင်ငံ၏ ဂြိုဟ်တုစီမံကိန်း တစ်ခုလုံးအား ထုတ်လုပ်မှုအဆင့်မှ လွှတ်တင်ခြင်းအဆင့်သို့ ရောက်ရှိသည့်တိုင်အောင် တာဝန်ယူခဲ့သည်။ Lockheed Martin ကုမ္ပဏီနှင့် ဂြိုဟ်တု တည်ဆောက်ခြင်းအတွက် ဒေါ်လာ ၁၆၈ သန်း တန်ဖိုးရှိ စာချုပ်ချုပ်ဆိုခဲ့သည်။ အဆိုပါ ဂြိုဟ်တုအား ၂၀၀၈ ခုနှစ် ဧပြီလ ၁၈ ရက်တွင် Ariane 5 လွှတ်တင်ရေးဒုံးပျံဖြင့် လွှတ်တင်ခဲ့သည်။ ဗီယက်နမ်နိုင်ငံသည် ထပ်မံ၍ Lockheed Martin ကုမ္ပဏီဖြင့်ပင် စာချုပ်ကာ Vinasat-2 ဂြိုဟ်တုအား ၂၀၁၂ ခုနှစ်တွင် လွှတ်တင်မည် ဖြစ်သည်။

Source: Satellite&Space

  • Digg
  • Del.icio.us
  • StumbleUpon
  • Reddit
  • RSS

LS 1300 (Space System/Loral)

LS 1300 satellite bus သည် Space System/Loral ကုမ္ပဏီမှ ထုတ်လုပ်သော geostationary satellite bus အမျိုးအစား ဖြစ်သည်။ LS 1300 satellite bus သည် ယင်း၏ power နှင့် communications စွမ်းရည်ကြီးမားခြင်း၊ သက်တမ်းရှည်ကြာခြင်းတို့ကြောင့် customer များ ၀ယ်ယူမှုများပြားနေသော bus တစ်ခုဖြစ်ကြောင်း သိရှိရသည်။ LS 1300 satellite bus ၏ ထုတ်လုပ်နိုင်သော power မှာ ၅ ကီလိုဝပ်မှ ၂၅ ကီလိုဝပ်အတွင်းရှိပြီး transponder အရေအတွက် (၁၂) ခုမှ (၁၅၀) ခုကို သယ်ဆောင်နိုင်သည်။ bus ၏ အလေးချိန်မှာ အများဆုံး ၆၇၀၀ ကီလိုဂရမ် အထိရှိသည်။ သို့သော် LS satellite bus များသည် (၅) မီတာ အချင်းရှိသော payload fairing လိုအပ်သည်။ LS 1300 satellite bus များအား Zenit 3SL ၊ Proton နှင့် Ariane 5 စသည့် လွှတ်တင်ရေးဒုံးပျံများဖြင့် ပစ်လွှတ်သည်။

Intelsat Corporation သည် Space Systems/Loral နှင့် Intelsat 17 ဂြိုဟ်တုအား LS 1300 satellite bus ကို အသုံးပြု၍ ထုတ်လုပ်ရန် စာချုပ်ချုပ်ဆိုခဲ့သည်။ အဆိုပါ Intelsat 17 ဂြိုဟ်တုသည် အရှေ့လောင်ဂျီတွဒ် ၆၆ ဒီဂရီ၌ တည်ရှိသော Intelsat 702 ဂြိုဟ်တုအား အစားထိုးရန် ၂၀၁၀ ခုနှစ် နိုဝင်ဘာလ ၂၆ ရက်နေ့တွင် Ariane 5 လွှတ်တင်ရေးဒုံးပျံဖြင့် လွှတ်တင်ခဲ့ခြင်း ဖြစ်သည်။

Source:
http://sites.google.com/site/9spacestudy/

  • Digg
  • Del.icio.us
  • StumbleUpon
  • Reddit
  • RSS

Launch Vehicle


၁၉၅၀ ခုနှစ်မှစ၍ ဆိုဗီယက်ပြည်ထောင်စုနှင့် အမေရိကန် အစိုးရအာကာသအေဂျင်စီတို့မှ တိုက်ချင်းပစ်ဒုံးများ၏ပုံစံကို အခြေပြုတည်ဆောက်ထားသည့် ဂြိုဟ်တုလွှတ်တင်ရေးဒုံးပျံများဖြင့် ဆက်သွယ်ရေးနှင့် စူးစမ်းလေ့လာရေးဂြိုဟ်တုများကို ပတ်လမ်းနိမ့်ဂြိုဟ်တုပတ်လမ်းသို့ အပြိုင်အဆိုင်လွှတ်တင်ခဲ့ကြသည်။ ၁၉၆၀ ခုနှစ်တွင် လနှင့်အခြားဂြိုဟ်များသို့ စူးစမ်းလေ့လာရေးဂြိုဟ်တုများ ပစ်လွှတ်ရာမှ ပိုမိုအားကောင်းသော လွှတ်တင်ရေးဒုံးပျံများ ပေါ်ထွက်လာခဲ့သည်။ ထိုသို့ပေါ်ထွက်လာခြင်းကြောင့် ပတ်လမ်းမြင့်ဂြိုဟ်တုပတ်လမ်းဖြစ်သော GEO ဂြိုဟ်တုပတ်လမ်းသို့ ဂြိုဟ်တုများကို လွှတ်တင်နိုင်ခဲ့ကြသည်။ ၁၉၇၀ ခုနှစ်မှ ယနေ့ခေတ်တိုင် ဆက်သွယ်ရေးဂြိုဟ်တုများကို GEO ပတ်လမ်းသို့ လွှတ်တင်အသုံးပြုနေကြသည်။ ယခုအချိန်တွင် အလေးချိန်ပမာဏများစွာ သယ်ဆောင်နိုင်၍ အားကောင်းသောလွှတ်တင်ရေးဒုံးပျံများသာမက ဂြိုဟ်တုအများအပြားကို တစ်ကြိမ်တည်း ပူးတွဲပစ်လွှတ်နိုင်သည့် လွှတ်တင်ရေးဒုံးပျံများလည်း ပေါ်ထွက်လာခဲ့သည်။

ဂြိုဟ်တုအား သယ်ဆောင်ပစ်လွှတ်ပေးမည့် လွှတ်တင်ရေးဒုံးပျံအား အောက်ပါအချက်များအပေါ်မူတည်၍ ရွေးချယ်သည်-

၁။ လွှတ်တင်ရေးဒုံးပျံ၏ သယ်ဆောင်နိုင်သော အလေးချိန်ပမာဏ၊

၂။ လွှတ်တင်ရေးဒုံးပျံ၏ နောက်ဆုံးပစ်လွှတ်မှု လေးကြိမ် ( သို့ ) ဆယ်ကြိမ်ဆက် အောင်မြင်မှု / ပစ်လွှတ်မှုဆိုင်ရာ သက်တမ်းတစ်လျှောက် အောင်မြင်သော သမိုင်းကြောင်းရှိမှု၊

၃။ လွှတ်တင်ရေးဒုံးပျံ၏ သယ်ယူပို့ဆောင်ပေးမည့် ဈေးနှုန်း၊

၎။ ပစ်လွှတ်ချိန်တွင် အသုံးပြုသော ဆက်သွယ်ထိန်းချုပ်မှုဆိုင်ရာ ကွန်ယက်များ၏ အရည်အသွေးနှင့် ပြည့်စုံကောင်းမွန်စိတ်ချရမှု။

ယခုကာလတွင် အစိုးရပိုင်းဆိုင်ရာ ဂြိုဟ်တုလွှတ်တင်ခြင်းများ သာမက နိုင်ငံတကာမှပေးပို့လာသော ဂြိုဟ်တုများအား အခကြေးငွေယူ၍ လွှတ်တင်ပေးသော ဂြိုဟ်တုလွှတ်တင်ရေးဆိုင်ရာ အဖွဲ့အစည်းများသည် ဈေးကွက်စီးပွားရေးတစ်ရပ်အနေဖြင့် အပြိုင်အဆိုင်ပေါ်ထွက်လာခဲ့ကြသည်။ ယခုအချိန်တွင် ယင်းဂြိုဟ်တုလွှတ်တင်ခြင်းဆိုင်ရာ ဈေးကွက်တွင် နည်းပညာအသစ်များ အပြိုင်အဆိုင်အသုံးပြုကာ ကျယ်ပြန့်လာခဲ့သည်။

GEOလွှတ်တင်ရေးဒုံးပျံ၏ ပထမအဆင့်တွင် ဂြိုဟ်တုအားထည့်သွင်းသယ်ဆောင်သွားမည့် ဒုံးပျံထိပ်ဖူးအခွံ (rocket fairing) နှင့် ဂြိုဟ်တုအား နောက်ဆုံးသတ်မှတ်ပတ်လမ်းသို့ ပို့ဆောင်ပေးမည့် upper stage (သို့) ဂြိုဟ်တုနှင့်တွဲဆက်ထားသည့် apogee rocket motor ( ARM ) တို့ပါရှိ၍ ယင်းပထမအဆင့်အောက်တွင် အားကောင်းသောအင်ဂျင်များကို အဆင့်ဆင့်တပ်ဆင်ထားသည်။


လွှတ်တင်ရေးဒုံးပျံဖွဲ့စည်းပုံနှင့် Payload fairings များတပ်ဆင်ထားရှိပုံ

လွှတ်တင်ရေး အဖွဲ့အစည်းများစွာရှိသကဲ့သို့ ယင်းတို့၏လွှတ်တင်ရေးဒုံးပျံဒီဇိုင်း၊ လွှတ်တင်မှုပုံစံ ၊ သယ်ဆောင်နိုင်သော အလေးချိန်ပမာဏနှင့် ဈေးနှုန်း စသည်တို့မှာလည်း ကွဲပြားသည်။

Credit: http://sites.google.com/site/9spacestudy/

  • Digg
  • Del.icio.us
  • StumbleUpon
  • Reddit
  • RSS
Related Posts Plugin for WordPress, Blogger...