Powered by Blogger.
RSS

မြန်မာ့သမိုင်းနှင့် နက္ခတ္တပညာ လေ့လာစရာ


ကျွန်တော်အနေဖြင့်- နက္ခတ္တ ပညာကို စိတ်ဝင်စား ခြင်း ဖြစ်အောင် ပေးပို့ ခဲ့သော အခြေအနေများ ရှိခဲ့ပါသည်။ ထိုအချက် များစွာတို.အထဲမှ- အချက်တစ်ခုမှာ- မြန်မာ့ သမိုင်းနှင့် နက္ခတ္တ ပညာ တို.ဆက်စပ်နေမှု ပင် ဖြစ်ပါသည်။
မြန်မာ့သမိုင်းတွင်- တနည်းအားဖြင့် ရာဇ၀င်တို့ တွင်- နက္ခတ္တပညာ၏ အခန်းတွင် လွန်စွာ မှ အရေးပါသော နေရာမှ ရပ်တည်ခဲ့ပါသည်။

ယင်းတို.အနက်- စိတ်ဝင်စားစရာ ကောင်းသော အချက်တို့မှာ-
ပေါက္ကံ (ပုဂံ) ဘုရင် အနော်ရထာမင်း- (အမှန်အား ဖြင့် အနော်ရထာ ဆိုသော မြန်မာ အမည်သည် “အနုရုဒ္ဓါ” ကို မြန်မာမှု ပြုထားခြင်း ဖြစ်သည်။) သည် နတ်ရွာ စံခါနီး အချိန်တွင်- နန်းတော် ရှိ ဗေဒင် ပညာရှိ အပေါင်းတို့က ဘုရင်၏ စန်းပြတ်၊ လွန်းပြတ် ဖြစ်နေသည်ကို သတိပြုမိ၍ (စန်း ခေါ် တနင်္လာကိုလည်းကောင်း၊ လဂ်ကို လည်းကောင်း ဂြိုဟ်ဆိုးများ၏ အင်အား သက်ရောက် မှု များ ထင်ရှားနေ၍) ဘုရင် ဖြစ်သူအား- သတိပေးထားချိန် တွင်- နန်းတော် ယာယီတိုင် တူးရာတွင်- သေနေသော ဖားဖိုအား၊ ဖားမ က ပိုးထားသည်ကို တွေ့ရ၍ - အတိတ်နိမိတ် များ မကောင်းဟု စိုးရိမ်နေခဲ့ကြရပါသည်။

ထိုအချိန်တွင်ပင်- ကျွဲတစ်ကောင်- သောင်းကျန်း လွန်းသည်၊ မည်သူမျှ- ဖမ်းဆီး၍ မရဟူသော သတင်းဘုရင့် ထံသို့- ရောက်ရှိလာပါသည်။ အနော်ရထာ မင်းမြတ်သည်- နောင်တော် စုက္ကတေးမင်းကို လှံချင်းယှဉ်၊ စီးချင်းထိုးခဲ့သော လက်ရုံး ရည်၊ နှလုံးရည် နှင့် ပြည့်ဝသည့် ဘုရင်ဖြစ်သည်။

သာမာန်ကိစ္စ ဟု၍ အပေါ့အတန်-သဘောထားကာ အခြား တစ်ယောက် ယောက်ကို စေခိုင်းရမည့် အစား- ဤကိစ္စကို ငါကိုယ်တိုင် လုပ်မှ ဖြစ်မည်ဟု ရာဇ မာန်ဖြင့် ကိုယ်တိုင် ဖမ်းဆီး ခဲ့ရာမှ- ဘုရင့် ဆင်တော် ပင်လျှင် ကျွဲရိုင်း၏ ဒဏ်ကို မခံနိုင်ပဲ- အူအခွေလိုက် ပွင့်ထွက် သဖြင့်- ဆင်, က-ကို ခါချခဲ့သဖြင့် ဘုရင်ကိုယ်တိုင် ဆင်ပေါ်မှ ကျကာ- အနိစ္စ ရောက် နတ်ရွာ စံခဲ့ရပါသည်။

ပထမ မြန်မာနိုင်ငံတော် တည်ထောင်ခဲ့သူ အနော်ရထာ မင်းမြတ် ၏ ကံကြမ္မာကို နတ်ရွာစံ မသေဆုံးခင်ကပင်- သူ၏ ဇာတာက ဖေါ်ပြ နေပါတော့ ၏။

ဘုရင့်နောင် မင်းတရားနှင့် သူ၏ဇာတာ
အင်မတန်- စိတ်ဝင်စား စရာကောင်းသော အခြားဇာတာ နှင့် ဖြစ်ရပ်မှာကား- ဘုရင့်နောင် မင်းတရား၏ ဇာတာ ဖြစ်ပါသည်။ ဘုရင့်နောင်တွင်- ရှင်ဘုရင် ဘွဲ.မပါ- အမည် သုံးမျိုး ရှိပါသည်။ ၄င်းတို.မှာ- သျှင်ရဲထွဋ်၊ ကျော်ထင် နော်ရထာ နှင့် ဘုရင့်နောင် တို့ ဖြစ်ပါသည်။

တောင်ငူဘုရင် မင်းကြီးညို၏ သား ဖြစ်သူ- တပင်ရွှေထီး မင်းသား၏ အထိန်းတော်မှ မွေးလာသော ဘုရင့်နောင်သည်- တပင်ရွှေထီး၏ ညီအကို သဘွယ် လေးစား ချစ်ခင်မှု၊ ယုံကြည် အားကိုးမှုကို ရခဲ့ပါသည်။ ထို့ကြောင့်လည်း နန်းတော်တွင် တံခါးမရှိ၊ ဓါးမရှိ ၀င်နိုင် ထွက်နိုင်သော အနေအထားတွင် နေခဲ့ရာမှ- တပင်ရွှေထီး၏ အမတော် ဖြစ်သူ- ခင်ခင်ကြီး နှင့် ချစ်ကျွမ်းဝင် ခဲ့ပါတော့သည်။

တစ်နေ့တွင်- ချစ်သူတို့ဘာဝ တစ်ဦးနှင့် တစ်ဦး ကျီစားယင်း- ခင်ခင်ကြီး မှ- ၄င်းတို့ မှ သျှင်ရဲထွဋ် တို့ အား ကျေးဇူးပြုထားပုံ တို့ကို သျှင်ရဲထွဋ် မခံချင်အောင် ပြောလိုက်မိသည်။

ဤသည်တွင်- ဘုရင့်နောင် ဖြစ်လာမည့် သျှင်ရဲထွဋ် မှ- သူ့ အနေဖြင့် ဘုန်းရှိ၍ ခင်ခင်ကြီး တို့မှ- ကျေးဇူးပြု ကူညီရခြင်း ဖြစ်ကြောင်းပြောရာ- ခင်ခင်ကြီး မှ- မှူးမျိုး မတ်မျိုး အဆင့်သာ ရှိသော သျှင်ရဲထွဋ် တို့နှင့် ဘုရင့်သမီးတော် - မည်သူက ဘုန်းရှိပါမည် နည်းဟု ချေပ ခဲ့ပါသည်။

ထိုအခါ- သျှင်ရဲထွဋ် မှ- ခင်ခင်ကြီးအား- ခမည်းတော် ဖြစ်သူ မင်းကြီးညို၏ ဇာတာ၊ တပင်ရွှေထီး၏ ဇာတာနှင့် သျှင်ရဲထွဋ် ဇာတာ (၃) ခုကို ယူ ဆရာတော်အား စစ်ဆေး ကြည့်ခိုင်းရန် မှာလိုက်ပါသည်။
နောက်နေ့တွင် ဆရာတော်မှ စစ်ဆေးပြီးနောက်- “ဤဇာတာသည် မင်းဧကရာဇ် ပင် ဖြစ်ရမည်။ ကောင်းလှသည်။ - ဤဇာတာသည် ဘုန်းတန်ခိုးကြီးသော ဘုရင် ဖြစ်၍၊ ရန်ဟူသမျှ အောင်မြင် လိမ့်မည် မှန်သော်လည်း၊ အသက်မရှည်။ လက်နက် ဓားလှံ ထိပါးတတ်သည်။ - ဤဇာတာကား အထက် ဇာတာ နှစ်စောင် တို.ထက် မြင့်မြတ် ကောင်းမွန် လှသည် ဖြစ်၍ ဇာတာရှင်သည် အပြည်ပြည် ထောင်သော မင်းတို့ကို အစိုးရသော မင်းဧကရာဇ် ကြီး ဖြစ်၍၊ သားစဉ် မြေးဆက် မင်းချည်း နှင်နှင် ဖြစ်လိမ့်မည်။ ဤဇာတာ များကို မည်သူအားမျှ မပြလေနှင့်၊ ယခု အခါ ပြလျှင် ပျက်စီးတတ်သည်။” ဟု သတိပေး စကား မိန်.ကြား ခဲ့ပါသည်။

ထိုအခါ ဇာတာကို လာပြသော- အစေအပါး ဖြစ်သူမှ-“နောက်ဆုံး ဇာတာကို ထုံးနှင့် တို့ မှတ် ပေးတော်မူပါ ဘုရား” ဟု တင်လျှောက်သဖြင့် ဆရာတော်မှ- ထုံးဖြင့် မှတ်ပေး လိုက်သည်။ ထိုဇာတာသည်ကား- ဘုရင့်နောင် မင်းတရားကြီး ဖြစ်လာမည့် သျှင်ရဲထွဋ်၏ ဇာတာပင် ဖြစ်သည်။

ထို့နောက်တွင် တော့- ခင်ခင်ကြီး အနေဖြင့်- သျှင်ရဲထွဋ် ဖြင့် လူငယ်တို့ ဘာဝ အချစ်နယ် ကျွံလွန်ခဲ့မိသည်။ သမီးတော် အနေဖြင့်- အခြေအနေ မူမမှန်ကြောင်းကို ဘခင် ဖြစ်သူ မင်းကြီးညိုမှ မသင်္ကာ ဖြစ်ပြီး- မိခင် ဖြစ်သူ မိဖုရားကြီး (မိုးဗြဲ စော်ဘွားသမီး ခင်နွယ်) ကို မေးစစ်ရာမှ သိရှိပြီးနောက်- “သမီးတော် အား မိုက်မဲ စော်ကားသူ ငရဲထွဋ် အား ဖမ်းဆီး၍ သတ်စေရန်” အမိန့်တော် ချခဲ့သည်။
သို့သော်လည်း- ဆရာတော်များနှင့် ဥပုသ် ဆောက်တည် ခိုက်ဖြစ်၍- ဆရာတော်များက အမျက်ချုပ် သည်းခံရန် မှာကြားသဖြင့်- ခပ်မဆိတ် နေခဲ့၏။

ထိုအချိန်တွင် ကြက်တိုက် ပျော်မြူးနေသော- သျှင်ရဲထွဋ် မြင်တွေ.သော အိပ်ဖန်စောင့် တို့သည်- “သေပန်းပွင့်” နေသူဟု ပြောကာ- အခြေအနေကို ရှင်းပြ၍ ထွက်ပြေးရန် ပြောသော်လည်း- သျှင်ရဲထွဋ် အနေဖြင့် မျက်နှာ မပြောင်းသလို- ပြေးရန်စိတ်ကူးမရှိ။
မသေခင် ပျော်ပျော် နေမည်ဟု သဘောထားပြီး- ကြက်တိုက်မြဲ တိုက်နေခဲ့သည်။

အချိန်ကုန်မှ အိမ်ပြန်ပြီး- နောက်နေ့ စောစောတွင် ဘုရင်မျက်နှာသစ် တော်အကျကို စောင့်ဆိုင်း၍ ဘုရင်အား ခစားလေတော့သည်။
ဤနေရာတွင်- ဘုရင်အား သျှင်ရဲထွဋ် တင်လျှောက်ပုံမှာလည်း- စိတ်ဝင်စားစရာ ကောင်းပါသည်။

“ဘုန်းတော်ကြီးသော အရှင်မြတ် ဖြစ်ပါ၍-ရာဇ၀တ် ဘေးမှ ပုန်းရှောင် သော်လည်း လွတ်ကင်းနိုင်မည် မဟုတ်သဖြင့်၊ အရှင်မင်းမြတ်၏ မိန့်တော်သံကို နာခံရန် ရှေ.တော်သို. ၀င်လာခြင်း ဖြစ်ပါသည်။ ကျွန်တော်၏ ဇာတာကို ကြည့်၍ ဆုံးဖြတ်တော် မူစေလိုပါသည်”

ဟု လျှောက်တင် ၍ ဇာတာကို ဆက်သ လိုက်သည်။

ဘုရင် မင်းကြီးညိုသည်- ဗေဒင် လွန်စွာ တတ်ကျွမ်းသူ ဖြစ်ရာ- ဇာတာကို ကြည့်လိုက်သည် နှင့်- ဟု နှလုံးဖြူသော အလား “ငရဲထွဋ် နင့်ဇာတာ ကောင်းလှသည်။ ကောင်းမွန်စွာ သိမ်းဆည်းထား လေ” ဟု မိန့်ဆိုလျှက် ဇာတာကို လှမ်းပေးလိုက်သည် သည်ဟု ဆိုထားပါသည်။

ဤမျှ ထူးခြားသော ဇာတာပိုင်ရှင်- သျှင်ရဲထွဋ် သည်-

“ဤဇာတာသည် ဘုန်းသမ္ဘာကြီးလှသော ဘုရင် ဧကရာဇ် ဇာတာ မျိုး ဖြစ်ချေသည်။ ငါ၏ သားတော် တပင်ရွှေထီးသည် ငရဲထွဋ်ကို ညီအစ်ကို အရင်းမက ချစ်ကြည် လေးမြတ် ပေသည်။ ငရဲထွဋ်အား ရာဇ၀တ် အပြစ်ဒဏ် ပေးလိုက်လျှင် ငါ၏ သားတော်မှာ စိတ်ဒုက္ခ ကြီးစွာ ရောက်ပေတော့မည်။ ထိုမှ တစ်ပါး- ငါ၏ သားတော် ထီးနန်း အုပ်ချုပ် မင်းလုပ်သော အခါ၌ ငရဲထွဋ် ကဲ့သို.သော ဖွားဖက် လူယုံတော် ရှိမှ ဖြစ်ချေမည်။ ငါ့သားတော် တွင် လည်း အခြား ညီတော် နောင်တော် သီးခြားမရှိ၊ တပင် ရွှေထီး ဆိုသည့် အတိုင်း တစ်ပါး ထီးထီး ရှိချေတော့မည်။ ငါ၏ သားတော် ၏ အားကိုးရာ ဖြစ်စေတော့။ သင်း၏ ဇာတာသည်လည်း လွန်စွာ ကောင်းသည် ဖြစ်၍ အားကိုးလောက်သော အာဇာနည် တစ်ယေက် ဖြစ်ချိမ့်မည်။ သမီးတော်မှာ- တပင် ရွှေထီးထက်ပင် အသက်ကြီးပေသည်။ ငရဲထွဋ် နှင့်မှ သက်တူရွယ်မျှ ဖြစ်သည်။ ငရဲထွဋ်လည်း ဧကရာဇ် တစ်ဆူ ဖြစ်မည့်သူပင်၊ ငါ၏ သမီးတော် သားတော်များ ဒုက္ခမရောက်စေသင့်- ၄င်းတို. အလိုရှိသည့် အတိုင်း ပြည့်စုံစေတော့ အံ့ ”


- သာမာန် အဆင့်တွင်- မင်း၏ သေဒဏ်ကို ချမှတ်ခြင်း ခံရသော်လည်း- ကြောက်လန့် တကြား ထွက်ပြေးခဲ့သူ မဟုတ်။
-တိုက်ပွဲ တစ်ပွဲတစ်ပွဲတွင်- ပေါင်ကို ထုတ်ချင်းပေါက် အောင် ထိုးစိုက်နေသော လှံကို မနှုတ်ပဲ- ဖြတ်ရုံသာ ဖြတ်၍- တိုက်ပွဲကို ဆက်လက် ဆင်နွှဲခဲ့သည်။
-တပင်ရွှေထီး- နားသ မင်္ဂလာအတွက် -ရန်သူ. နယ်မြေ ဖြစ်သော ပဲခူး-ရွှေမော်ဓော ဘုရားကို သွားရန်- သူရဲကောင်းရွေးရာတွင် လက်သည်းခွံ အကြား-တို.သံစိုက်ကာ တူနှင့် ရိုက်သွင်း၍ သွေးမတွန့် ကြောင်း ကိုယ်တိုင် အစစ်ခံ၍- သူရဲကောင်းတို.ကိုလည်း ထိုနည်း အတိုင်း ရွေးကာ- အစီအရင်ကို အောင်မြင်အောင် ခေါင်းဆောင် ဆောင်ရွက်ခဲ့သည်။
- မိမိထက် အဆမတန် များသော ရန်သူတို့ကို တိုက်ခိုက်ရန် အတွက်- နောက်ကြောင်း ပြန်လှည့် လိုသော စိတ်များ ပျောက်စေရန် ဖောင်ဖျက် တိုက်ပွဲ ၀င်ပြီး အောင်လံထူခဲ့သည်။
- ငယ်ရွယ်၍- ရူးမိုက်မှုတို.ကြောင့် သေရည် အရက်၏ ကျေးကျွန်ဖြစ်ပြီး- တိုင်းပြည် ကိစ္စကို အာရုံမစိုက်သော- ဘုရင်ဖြစ်သူ တပင်ရွှေထီးကို နန်းချပြီး ဘုရင်လုပ်ရန်- မှူးကြီး မတ်ရာတို့က ကြိမ်ဖန်များစွာ တိုက်တွန်းသော်လည်း- မိမိ၏ အောင်မြင်မှု အတွက်- သစ္စာမဖေါက်ခဲ့။
-မင်းမျိုးမဟုတ်သော အနွယ်မှ- မင်းဖြစ်လာခဲ့သည်။
- တောင်ငူ မြို.ကို အုပ်ချုပ်သော မင်း အဖြစ်မှ- ထိုင်းနိုင်ငံ (ဆူကိုထိုင်း- (မြန်မာ အခေါ် သောက္ကတဲ) - ဇင်းမယ်၊ အယုဒ္ဓယ တို့သာမက၊ ကမ္ဘောဒီးယား၊ လာအို တို့အပါ အ၀င် မဲခေါင်မြစ်၏ အနောက်ဘက် တစ်ခြမ်းလုံးကို အုပ်ချုပ်နိုင်ခဲ့သော ဧကရာဇ် မင်း အဖြစ်ကို ရောက်ခဲ့သည်။
- တိုင်းပြည်ကို တည်ထောင်ရန် အတွက် စစ်တိုက်ရသော်လည်း- ရန်သူတို.အပေါ်တွင် မရက်စက်သည့် အပြင်- သိမ်းပိုက်ရာ နိုင်ငံမှ ဘုရင်တို့၏ သားသမီးများကို မွေးစားကာ ပညာ သင်ပေးခဲ့သဖြင့်- ထိုင်းနိုင်ငံမှ ၄င်းအား “ဖုကျနာ ဆစ်ဗ် (အရပ် - ဆယ်မျက်နှာ နှင့် ပြည့်စုံသောသူ)” ဟု ခေတ်အဆက်ဆက် ရိုသေ လေးစားခဲ့ရသည်။

ဤသည်ကား မြန်မာ့ သမိုင်းတွင်- မြန်မာ့ နက္ခတ္တ ပညာသည်- မည်မျှ တိကျ မှန်ကန်ခဲ့သနည်း ဆိုသည်ကို ဖေါ်ပြနေသော အချက်ပင် ဖြစ်ပါသည်။

ထူးခြားသော သူတို့တွင်- ထူးခြားသော စိတ်ဓါတ် ရှိသည်။ ထူးခြားသော လက်ရုံးရည်၊ နှလုံးရည် ရှိသည်။ ထိုအချက်တို.၏ နောက်ကွယ်တွင်ကား- ထူးခြားသော ဇာတာ ရှိနေပါ တော့သည်။

နျူမာန် (မိုးတား)

  • Digg
  • Del.icio.us
  • StumbleUpon
  • Reddit
  • RSS

ဂျူပီတာဂြိုလ်ကို လေ့လာရန် ဂျူနို အာကာသယာဉ် လွှတ်တင်



Cape Canaveral က အာကာသယာဉ် လွှတ်တင်မှု

ဒေါ်လာ သန်းတထောင် အကုန်အကျခံပြီး Jupiter ကြာသပတေးဂြိုလ်လေ့လာရေး စီမံကိန်း စတင် ဆောင်ရွက်နေရာမှာ အမေရိကန် ပြည်ထောင်စု Florida ဖလော်ရီဒါ ပြည်နယ်က Cape Canaveral အာကာသစခန်း ကနေ Juno ဂျူနိုအမည်ရှိ နေရောင်ခြည် စွမ်းအင်သုံး လူမပါတဲ့ အာကာသယာဉ်ကို လွှတ်တင်လိုက်ပါပြီ။

အာကာသယာဉ်ရဲ့ ဓါတ်ငွေ့ ယိုစိမ့်နိုင်တဲ့ အနေအထားတွေကို အင်ဂျင်နီယာတွေက စစ်ဆေးနေတာကြောင့် သတ်မှတ်ထားတဲ့ အချိန် ထက် တနာရီ နောက်ကျပြီး လွှတ်တင်ခဲ့ ရပါတယ်။

နေစကြာသဌာ အတွင်း အကြီးဆုံးဖြစ်တဲ့ Jupiter ကြာသာပတေးဂြိုလ်ဆီရောက်ဖို့ ဂျူနို အာကာသယာဉ် ဟာ လမ်းခရီးမှာ ငါးနှစ်အချိန်ကြာမြင့် လိမ့်မယ်လို့ ဆိုပါတယ်။

ဒီဂြိုလ်ကို လေ့လာခြင်းအားဖြင့် ကမ္ဘာ အပါအဝင် တခြား ဂြိုလ်တွေအားလုံး ဘယ်လိုဖွဲ့စည်းနေသလဲ ဆိုတဲ့ နက်နဲတဲ့ အကြောင်းအရာတွေကို နားလည်နိုင်မှာ ဖြစ်တယ်လို့ စီမံကိန်းခေါင်းဆောင် သိပွံပညာရှင် Scott Bolton စကော့ ဘော်လ်တွန်က ပြောပါတယ်။

  • Digg
  • Del.icio.us
  • StumbleUpon
  • Reddit
  • RSS

အသွင်ပြောင်းလာတဲ့ အာကာသ သိပ္ပံ သုတေသန အစီအစဉ်

ဓာတ်ပုံ NASA

အာကာသယာဉ်မှူးတွေ အာကာသထဲမှာ လမ်းလျှောက်ပြီး နိုင်ငံတကာ အာကာသစခန်းမှာ အလုပ်လုပ်နေကြစဉ်။ မေလ ၂၅၊ ၂၀၁၁။

နှစ်ပေါင်း ၃၀ ကြာ အမေရိကန် အာကာသ စူးစမ်း လေ့လာရေးအစီအစဉ်ကို ရပ်နားလိုက်ပြီးတဲ့နောက် အနာဂတ် အာကာသစူးစမ်းလေ့လာမှုတွေကို တမျိုးပြောင်းပြီး လုပ်ဆောင်လာနေကြပါပြီ။ အထူးသဖြင့်တော့ အာကာသထဲမှာ ရှိနေတဲ့ နိုင်ငံတကာ အာကာသစခန်းဟာ သိပ္ပံဆိုင်ရာ သုတေသနလုပ်ငန်းတွေကို လုပ်ဆောင်ရာမှာ အကောင်းဆုံးနေရာတခုအဖြစ် ပညာရှင်တွေက ပြောဆိုလာနေကြတာပါ။

  • Digg
  • Del.icio.us
  • StumbleUpon
  • Reddit
  • RSS

ဆိုယုဇ်ဒုံးယာဉ် တစ်ခေတ်ဆန်းပြီဟု ရုရှား ကြေညာ


w64303အမေရိကန် အာကာသ လွန်းပြန်ယာဉ်၏ နောက်ဆုံးခရီးစဉ် အဆုံးသတ်သွားပြီးနောက် ရုရှားတစ်နိုင်ငံတည်းသာ နိုင်ငံတကာ အာကာသစခန်းသို့ လူစေလွှတ်နိုင်သည့်ယာဉ် ပိုင်ဆိုင်ထားတော့သောကြောင့် ဆိုယုဇ် (Union) ဒုံးယာဉ် တစ်ခေတ်ဆန်းပြီဟု ဇူလိုင်လ ၂၁ ရက်နေ့တွင် ထုတ်ပြန် ကြေညာခဲ့သည်။

အမေရိကန်၏ လွန်းပြန်ယာဉ်များကဲ့သို့ မြေပြင်ပေါ်သို့ စတိုင်ကျကျ ဆင်းသက်နိုင်ခြင်း မရှိသည့် ရုရှား၏ ဒုံးယာဉ်စနစ်သည် အာကာသတွင်း ပထမဆုံး လူရောက်ရှိသည့် ခေတ်ကာလနှင့်များစွာ ကွာခြားမှု မရှိပေ။ ၁၉၆၁ ခုနှစ်က ကမ္ဘာပတ်လမ်း အတွင်း ယူရီဂါဂါရင်ကို ဆိုဗီယက်ပြည်ထောင်စုက ပို့လွှတ်နိုင်ပြီး နောက်ပိုင်း အနှစ် ၅၀ အတွင်း အပြောင်းအလဲ အနည်းငယ်သာ ရှိခဲ့သည်။

သက်သောင့်သက်သာ မရှိသော်လည်း ကုန်ကျစရိတ် သက်သာခြင်းက အဓိကအချက် ဖြစ်ခဲ့သော်လည်း ယင်းကြောင့် မဟုတ်ကြောင်း၊ ယုံကြည်စိတ်ချရနိုင်စွမ်း ရှိခြင်းကြောင့်သာ ဖြစ်ကြောင်း ရုရှားက ထုတ်ပြန်ထားသည်။

ယနေ့မှစပြီး လူသား အာကာသတွင်း စေလွှတ်မှုတွင် ဆိုယုဇ်၏ခေတ်၊ ယုံကြည်စိတ်ချရမှု၏ခေတ် စတင်ပြီဟု ရုရှား အာကာသအေဂျင်စီ(ရော့စ်ကော့စ်မော့စ်)က ကြေညာခဲ့သည်။ ရုရှားက သူ၏ ဒုံးယာဉ်များ ခေတ်မမီတော့ ဆိုသည်မှာ မဟုတ်မှန် ကြောင်း ငြင်းဆိုထားပြီး နောက်ဆုံးထုတ် TMA-M မိုဒယ် ဆိုယုဇ်ဒုံးယာဉ်ကို ယခုနှစ်မှ စတင်ပြီး သုံးစွဲနေပြီ ဖြစ်ကြောင်း ထုတ်ပြန်ထားသည်။ နာဆာ၏ လွန်းပြန်ယာဉ်များသည် နှစ်ကြိမ် ပျက်ကျခဲ့ဖူးသလို ဆိုယုဇ် ဒုံးယာဉ်များမှာလည်း နှစ်ကြိမ် ပျက်ကျခဲ့ဖူးသည်။ သို့ရာတွင် ဆိုယုဇ် ဒုံးယာဉ်များ ပျက်ကျမှုမှာ ဆိုဗီယက်ပြည်ထောင်စုခေတ်ကသာ ဖြစ်ပြီး ၁၉၆၇ နှင့် ၁၉၇၁ တို့က ဖြစ်သောကြောင့် နောက်ပိုင်းကာလတွင် ပျက်မကျခြင်းကို ရုရှားက အမွှမ်းတင် ပြောခဲ့ခြင်း ဖြစ်သည်။

၁၉၆၇ ပျက်ကျမှုတွင် တစ်ဦး၊ ၁၉၇၁ ခုနှစ် ပျက်ကျမှုတွင် သုံးဦးသာ သေဆုံးခဲ့ဖူးသည်။


Source: First Eleven

  • Digg
  • Del.icio.us
  • StumbleUpon
  • Reddit
  • RSS

လွန်းပြန်ယာဉ် အတ္တလန္တိတ် ကမ္ဘာမြေပေါ် ပြန်လည် ဆင်းသက်ပြီးနောက် လွန်းပြန်ယာဉ် တစ်ခေတ် အဆုံးသတ်


w64301
ဇူလိုင်လ ၂၁ ရက်နေ့ နံနက်ပိုင်းက ကနေဒီ အာကာသ စင်တာသို့ ပြန်လည် ဆင်းသက်လာသည့် အတ္တလန္တိတ် အာကာသ လွန်းပြန်ယာဉ်

အမေရိကန် အာကာသလွန်းပြန်ယာဉ် အတ္တလန္တိတ်သည် အာကာသစခန်းသို့ နောက်ဆုံး ခရီးစဉ် သွားရောက်ပြီးနောက် ဇူလိုင်လ ၂၁ ရက်နေ့တွင် ကမ္ဘာမြေပေါ် ပြန်လည် ဆင်းသက်လာခြင်းနှင့်အတူ လွန်းပြန်ယာဉ် တစ်ခေတ် အဆုံးသတ်သွားခဲ့ပြီ ဖြစ်ကြောင်း သိရသည်။

အနှစ် ၃၀ ကြာမြင့်ခဲ့သည့် အမေရိကန် အာကာသ စူးစမ်းရှာဖွေရေးသမိုင်း၏ အရေးပါသော အခန်းကဏ္ဍ တစ်ရပ်သည် အတ္တလန္တိတ် လွန်းပြန်ယာဉ် ကနေဒီ အာကာသစင်တာတွင် ဇူလိုင်လ ၂၁ ရက်၊ နံနက် ၅ နာရီ ၅၇ မိနစ်တွင် ပြန်လည် ဆင်း သက်လာခြင်းနှင့်အတူ အဆုံးသတ်သွားခဲ့ပြီ ဖြစ်သည်။ အပြည်ပြည်ဆိုင်ရာ အာကာသစခန်း(အိုင်အက်စ်အက်စ်) သို့ သွားရောက်နိုင်မည့် တစ်မျိုးတည်းသောယာဉ် အဖြစ် လက်ရှိအချိန်တွင် ရုရှား ဆိုယုဇ်ဒုံးယာဉ်များသာ ကျန်ရှိတော့မည် ဖြစ်သည်။

''အာကာသလွန်းပြန်ယာဉ်ဟာ ကျွန်တော်တို့ရဲ့ ကမ္ဘာကြီးအပေါ် ရှုမြင်မှုကို ပြောင်းလဲပစ်ခဲ့ပါတယ်။ စကြ၀ဠာကြီးအပေါ် ရှုမြင်မှုကိုလည်း ပြောင်းလဲပစ်ခဲ့ပါတယ်။ ဒီကနေ့မှာ ခံစားချက်တွေ တစ်ပုံတစ်ပင် ရှိနေကြပေမဲ့လည်း
အငြင်းပွားစရာမရှိတဲ့ တစ်ချက်တော့ ရှိနေပါတယ်။ အဲဒါက အမေရိကဟာ စူးစမ်းရှာဖွေမှုကို ဘယ်တော့မှ ရပ်တန့်သွားမှာ မဟုတ်ဘူး ဆိုတာ ပါပဲ''ဟု လွန်းပြန်ယာဉ်မှူး ခရစ်ဖာဂူဆန်က ပြောကြားခဲ့သည်။

''အာကာသ လွန်းပြန်ယာဉ်ကြီးစီးပြီး အာကာသယာဉ်မှူး ဖြစ်ချင်ကြတဲ့ ကလေးတွေရဲ့အိပ်မက်ကတော့ ဖြစ်လာတော့မှာ မဟုတ်ပါဘူး။ ဒါပေမဲ့ တစ်နေ့မှာတော့ အင်္ဂါဂြိုဟ်ပေါ်မှာ သူတို့ လမ်းလျှောက်နိုင်ကြဦးမှာပါ''ဟု နာဆာ အုပ်ချုပ်ရေးမှူး ချားလ်စ်ဘိုလ်ဒမ်က ပြောကြားခဲ့သည်။

လွန်းပြန်ယာဉ်များသမိုင်း
အာကာသလွန်းပြန်ယာဉ်သည် ကမ္ဘာ့ ပထမဆုံး အကြိမ်ကြိမ် ပြန်သုံးနိုင်သည့် အာကာသသွား လူစီးယာဉ် ဖြစ်ခဲ့ပြီး ၁၉၈၁ ခုနှစ် စတင် လွှတ်တင်စဉ်က စပြီး လွန်းပြန်ယာဉ် ငါးစီး အထိ သုံးစွဲခဲ့သည်။
အနှစ် ၄၀ ကျော်အတွင်း အမေရိကန်ဒေါ်လာ ၁၉၆ ဘီလျံ သုံးစွဲကာ တည်ဆောက်ခဲ့သော လွန်းပြန်ယာဉ်များသည် ၁၉၈၁ ခုနှစ်၊ ဧပြီလ ပထမဆုံး ခရီးစဉ်မှစပြီး နိုင်ငံပေါင်း ၁၆ နိုင်ငံမှ အာကာသသူရဲ ၃၅၅ ဦးကို ပို့ဆောင်ပေးခဲ့ပြီး ဖြစ်သည်။ အာကာသအတွင်း မိုင်ပေါင်း ၅၄၂ သန်းမျှ ခရီးနှင်ခဲ့ကြသည့် ယာဉ်ငါးစီးမှာ အတ္တလန္တိတ်၊ ချယ်လင်ဂျာ၊ ကိုလံဘီယာ၊ ဒစ္စကာဗာရီ၊ အန်ဒဲဗားတို့ ဖြစ်သည်။ ၂၀၀၃ တွင် ကိုလံဘီယာ၊ ၁၉၈၆ တွင် ချယ်လင်ဂျာတို့ ပေါက်ကွဲ ပျက်စီးကာ ယာဉ်ပေါ်ပါသူ စုစုပေါင်း ၁၄ ဦး သေဆုံးစေခဲ့ဖူးသည်။ ကျန်သုံးစီမှာမူ ပြတိုက်များတွင် အပြီးတိုင် နားခိုတော့မည် ဖြစ်သည်။

အနာဂတ်အတွက် ဘာဆက်လုပ်မလဲ
အနာဂတ်တွင် အာကာသစခန်းသို့ လူပို့လွှတ်ရေး အတွက် ရုရှား ဆိုယုဇ် ဒုံးယာဉ်များကိုသာ အားကိုးရတော့မည် ဖြစ်သည်။ ကုန်ကျစရိတ် သက်သာသော ပုဂ္ဂလိကယာဉ်များ သုံးစွဲရန် အမေရိကန် အစိုးရက လိုလားနေပြီး လက်ရှိ အချိန်တွင် လူခုနစ်ဦးအထိ ပို့ဆောင်ပေးနိုင်သော ယာဉ်တစ်မျိုးကို ထုတ်လုပ်ပေးရန် ဘိုးအင်းကုမ္ပဏီက အဆိုပြုထားသည်။ အမေရိကန်သမ္မတ ဘာရက်အိုဘားမားက ကမ္ဘာပတ်လမ်းအတွင်း ရှိသည့် အပြည်ပြည်ဆိုင်ရာ အာကာသစခန်းထက် ဝေးသော နေရာများသို့ စေလွှတ်နိုင်ရန်နှင့် ကုန်ကျစရိတ် ပိုမို သက်သာရန် ဆိုသော အချက်နှစ်ချက်နှင့် လျော်ညီသည့် တီထွင်မှုမျိုး လိုအပ်နေသည်ဟု ထုတ်ဖော် ပြောကြားထားသည်။ဇူလိုင်လ ၂၁ ရက်နေ့ နံနက်ပိုင်းက ကနေဒီ အာကာသ စင်တာသို့ ပြန်လည် ဆင်းသက်လာသည့် အတ္တလန္တိတ် အာကာသ လွန်းပြန်ယာဉ်

w64302
လွန်ခဲ့သော အနှစ် ၃၀ က ပထမဆုံး လွန်းပြန်ယာဉ် လွှတ်တင်မှုကို လာရောက် ကြည့်ရှုခဲ့ကြသည့် ဖခင်ဖြစ်သူ ကင်နက်ဘရေးနှင့် သားဖြစ်သူ ခရစ်ဘရေး၊ ဇူလိုင်လ ၈ ရက်နေ့က လွန်းပြန်ယာဉ် နောက်ဆုံးအကြိမ် လွှတ်တင်မှုကို လာရောက် ကြည့်ရှုခဲ့ကြသည့် ယင်းသားအဖ နှစ်ဦး၊ ပုံနှစ်ပုံ နှိုင်းယှဉ်ပြီး ဘရေး သားအဖက အွန်လိုင်းဓာတ်ပုံဝက်ဘ်ဆိုက် Flickr တွင် တင်ထားခဲ့မှုမှာ အင်တာနက်တွင် ပျံ့နှံ့ပြီး ကမ္ဘာကျော်သွားခဲ့သည့် လွန်းပြန်ယာဉ်များနှင့် လူများ၏ အနှစ် ၃၀ သမိုင်းကို ထင်ဟပ်စေခဲ့သည့် သမိုင်းဝင်ဓာတ်ပုံ အဖြစ် မှတ်ယူခံခဲ့ရသည်။


Source: First Eleven

  • Digg
  • Del.icio.us
  • StumbleUpon
  • Reddit
  • RSS

ဂြိုပ်ာသားတို့ ကို လာမည့် အနှစ်၂၀အတွင်း တွေ့ နိုင်မည်ပာု နက္ခတ္တဗေဒပညာရှင်တဦး ခန့် မှန်း

ပြင်ပတွင်တွေ့ ရသောတကယ့်အစစ်အမှန်ဂြိုပ်ာသားဓါတ်ပုံများ



(ဤအဖြူအမဲဓါတ်ပုံလေးပုံသည် မက္ကဆီကိုနိုင်ငံရှိ ကျေးရွာတရွာတွင် လူခြေတိတ်ချိန် လှည့်လည်သွားနေသော ဂြိုပ်ာသားများပုံကို လူတဦးမှ ချောင်းမြောင်းရိုက်ကူးထားခြင်းဖြစ်ပါသည်။)

ဂြိုပ်ာသားတို့ ဧ။်ယဉ်ကျေးမှုကို လာမည့်အနှစ်၂၀အတွင်း လူသားများ ထိတွေ့ ခွင့်ရတော့မည်ဖြစ်ကြောင်း ရုရှားထိပ်တန်းနက္ခတ္တဗေဒပညာရှင်တဦးက ခန့် မှန်းခဲ့ သည်။ ပါမောက္ခ အန်ဒရေဖင်ကယ်စတိန်းက သက်ဆိုင်ရာနေများကို လည်ပတ်နေသော လူတို့ သိရှိထားသည့် ဂြိုပ်ာများအနက် ၁၀ရာခိုင်နှုန်းမှာ ကမ္ဘာနှင့်ဆင်တူကြောင်း၊ ရေကိုတွေ့ ပါက သက်ရှိ ရှိနိုင်ပြီဖြစ်ကြောင်း သုံးသပ်ခဲ့သည်။

"သက်ရှိမူလအစဆိုတာ အက်တမ်တွေ ပေါင်းစည်းဖြစ်ပေါ်သလိုပဲ ရှောင်လွှဲမရနိုင်ပါဘူး။ သက်ရှိတွေ တခြားဂြိုပ်ာမှာလည်း သက်ရှိ ရှိနေပါတယ်။ အနှစ်၂၀အတွင်း သူတို့ ကိုကျွန်တော်တို့ တွေ့ ပါလိမ့်မယ်။" ပာု ၎င်းကပြောကြားခဲ့သည်။ ဂြိုပ်ာသားများ မည်သည့်အသွင်ရှိနိုင်သည်ဆိုခြင်းနှင့်ပတ်သက်ပြီး အသွေးအရောင်မတူနိုင်ကြောင်း၊ လူကဲ့ သို့ ပင် ခေါင်းတလုံး၊ ခြေနှစ်ချောင်း၊ လက်နှစ်ချောင်း ရှိနိုင်ကြောင်း ပြောကြားခဲ့ သည်။ ၎င်းသည် သိပ္ပံအကယ်ဒမီ၊ ရုရှားအသုံးချနက္ခတ္တဗေဒဌာနဧ။် ညွှန်မှုးဖြစ်ပြီး စစ်အေးခေတ်ကတည်းက ဂြိုပ်ာသားများနှင့် ဆက်သွယ်ရန် ဆိုဗီယက်ဧ။် ကြိုးပမ်းမှုများတွင် ပါဝင်ခဲ့သည်။

Ref: Daily Mail

  • Digg
  • Del.icio.us
  • StumbleUpon
  • Reddit
  • RSS

နာဆာ၏ အာကာသ စီမံကိန်း အနှစ် ၃၀ ပြည့် အဖြစ် အန္တလန္တိတ် လွန်းပြန်ယာဉ်၏ နောက်ဆုံး ခရီးစဉ်ကို ဇူလိုင် ၈ ရက်တွင် လွှတ်တင်


b41402

b41403အမေရိကန် အာကာသ အေဂျင်စီ နာဆာ၏ အာကာသစီမံကိန်း အနှစ် ၃၀ ပြည့်ရန် နီးကပ်လာချိန်၌ အတ္တလန္တိတ် လွန်းပြန်ယာဉ်၏ နောက်ဆုံး ခရီးစဉ်ကို ဇူလိုင် ၈ ရက်တွင် လွှတ်တင်ရန် စီစဉ်ထားကြောင်း နာဆာမှ တာဝန်ရှိသူ တစ်ဦးက ပြောကြားသည်။

ယင်းလွန်းပြန်ယာဉ်သည် ကနေဒီ အာကာသစခန်းသို့ ရောက်ရှိနေပြီ ဖြစ်ပြီး လိုက်ပါမည့် အာကာသယာဉ်မှူး လေးဦးက အမေရိကန်နိုင်ငံ၏ ၂၃၅ နှစ်မြောက် လွတ်လပ်ရေးနေ့ကို ဦးညွှတ်ခဲ့သလို အာကာသ လွန်းပြန်ယာဉ်များ၏ အင်ဂျင်နီယာ များကိုလည်း ဂုဏ်ပြုခဲ့သည်။ လွန်းပြန်ယာဉ် လွှတ်တင်မည့် အခမ်းအနားသို့ လူ ၇၅၀၀၀၀ မှ တစ်သန်းကြား လာရောက် ကြည့်ရှုမည်ဟု ခန့်မှန်းထားပြီး သတင်းမီဒီယာ အဖွဲ့ဝင် ၂၅၀၀ ခန့်က ယင်းအခမ်းအနားကို မှတ်တမ်းတင်နိုင်ရန် ခွင့်ပြုချက် တောင်းခံထားသည်။

ပြီးခဲ့သော ဖေဖော်ဝါရီလက ဒစ္စကာဗာရီ လွန်းပြန်ယာဉ်၊ မေလက အန်ဒဲဗား လွန်းပြန်ယာဉ် တို့ကို ၎င်းတို့၏ နောက်ဆုံးခရီးစဉ် အပြီး အနားပေးခဲ့ပြီး ဖြစ်သည်။ လွန်းပြန်ယာဉ်တွင် အနည်းဆုံး အာကာယာဉ်မှူး ခြောက်ဦး လိုက်ပါလေ့ ရှိသော်လည်း ယခု ခရီးစဉ်တွင် အာကာသယာဉ်မှူး လေးဦးသာ လိုက်ပါမည် ဖြစ်ကြောင်း သိရသည်။ အတ္တလန္တိတ် လွန်းပြန်ယာဉ်သည် နိုင်ငံတကာ အာကာသစခန်း ISS သို့ လိုအပ်သော ပစ္စည်းများ ပို့ဆောင်ပြီး ကမ္ဘာမြေသို့ ပြန်ရောက်ပြီးနောက် ခရီးစဉ် အဆုံးသတ်မည် ဖြစ်သည်။

အမေရိကန် ပုဂ္ဂလိက ကုမ္ပဏီများက ကိုယ်ပိုင် အာကာသယာဉ်များ ထုတ်လုပ်ပြီး လွှတ်တင်ခြင်း မပြုလုပ်နိုင်သေးမီ အမေရိကန် အာကာသ ယာဉ်မှူးများသည် ရုရှား၏ ဆိုယုဇ် အာကာသယာဉ်ဖြင့်သာ အာကာသ စခန်းသို့ သွားလာရမည် ဖြစ်သည်။ ကမ္ဘာမြေ အနိမ့်ပိုင်း လမ်းကြောင်းသို့ ထပ်ခါထပ်ခါ သွားနေခြင်းထက် ဂြိုဟ်သိမ်များနှင့် အင်္ဂါဂြိုဟ်သို့ သွားရောက်ရေး ပိုမို အာရုံစိုက်ရန် အိုဘားမား အစိုးရက နာဆာကို တိုက်တွန်းခဲ့သည်။

အမေရိကန် နာဆာအဖွဲ့ရဲ့ နှစ် ၃၀ အကာသလွန်းပြန်ယာဉ် စီမံကိန်း နောက်ဆုံးမစ်ရှင်အဖြစ် သောကြာနေ့က အတ္တလန်တစ် အာကာသလွန်းပြန်ယာဉ်ကို လွှတ်တင်ခဲ့သည်။

ဖလော်ရီဒါရှိ ကနေဒီ အာကာသစခန်း အနီးရှိ လမ်းများ၊ ကမ်းခြေများတွင် လူတစ်သန်းကျော် နောက်ဆုံး လွန်းပြန်ယာဉ်လွှတ်တင်မှုကို စောင့်ကြည့်ခဲ့ကြသည်။ တိမ်တိုက်တွေရဲ့ကြား ထိုးဖောက်ပျောက်ကွယ်မသွားမီ လွန်းပြန်ယာဉ်မှာ ၄၈ စက္ကန့်အထိ မြင်တွေ့ခဲ့ကြရသည်။

  • Digg
  • Del.icio.us
  • StumbleUpon
  • Reddit
  • RSS
Related Posts Plugin for WordPress, Blogger...