Powered by Blogger.
RSS

Ariane 5 လွှတ်တင်ရေးဒုံးပျံဖြင့် SES-2 နှင့် Arabsat-5C ဂြိုဟ်တုတို့အား အောင်မြင်စွာလွှတ်တင်နိုင်ခဲ့

Ariane 5 လွှတ်တင်ရေးဒုံးပျံဖြင့် SES-2 နှင့် Arabsat-5C ဂြိုဟ်တုတို့အား အောင်မြင်စွာလွှတ်တင်နိုင်ခဲ့
စက်တင်ဘာလ၊ ၂၁ရက်၊၂၀၁၁ ခုနှစ်

၂၀၁၁ခုနှစ်၊ စက်တင်ဘာလ ၂၁ ရက်၊ ဗုဒ္ဓဟူးနေ့တွင် SES-2 ဂြိုဟ်တုနှင့် Arabsat-5C ဂြိုဟ်တုတို့အား ပြင်သစ်ဂီယာနာနိုင်ငံ ကိုရူးဒုံးပျံလွှတ်တင်ရေးစခန်းမှနေ၍ Ariane 5 လွှတ်တင်ရေးဒုံးပျံဖြင့် GEO ( တည်ငြိမ်ပတ်လမ်း) သို့ အောင်မြင်စွာလွှတ်တင်ခဲ့ကြောင်းသိရသည်။ ယင်းလွှတ်တင်မှုသည် Ariane အမျိုးအစား လွှတ်တင်ရေးယာဉ်များ၏ ၂၀၄ ကြိမ်မြောက်ပစ်လွှတ်မှုဖြစ်ပြီး အကြိမ် ၆၀ ပစ်လွှတ်ခဲ့သော Ariane 5 လွှတ်တင်ရေးယာဉ်၏ ၄၆ ကြိမ်မြောက် အောင်မြင်စွာလွှတ်တင်နိုင်ခြင်းလည်း ဖြစ်သည်။ Ariane 5 လွှတ်တင်ရေးယာဉ်သည် ဂြိုဟ်တုနှစ်လုံးအားသယ်ဆောင်၍ သတ်မှတ်နေရာအရောက်တွင် Arabsat-5C ဂြိုဟ်တုအား ဦးစွာခွဲထုတ်ခဲ့ပြီးနောက် ၈ မိနစ်အကြာတွင် SES-2 ဂြိုဟ်တုအား ခွဲထုတ်ပေးခဲ့သည်။

SES-2 ဂြိုဟ်တုအား ကနေဒါနိုင်ငံရှိ ဂြိုဟ်တုဝန်ဆောင်မှုဆောင်ရွက်သည့် SES ကုမ္ပဏီမှပိုင်ဆိုင်ပြီး မြောက်အမေရိကတိုက်အပေါ်ရှိ ဂြိုဟ်တုတည်နေရာ အနောက်လောင်ဂျီတွဒ် ၈၇ ဒီဂရီတွင်ထားရှိမည်ဖြစ်သည်။ Orbital Science မှထုတ်လုပ်သော GEOstar 2.4 bus ကိုအခြေခံထားသော SES-2 ဂြိုဟ်တုတွင် C-band transponder ၂၄လုံး နှင့် Ku-band transponder ၂၄ လုံးပါဝင်ပြီး အလေးချိန်အားဖြင့် ၃၁၅၂ ကီလိုဂရမ်ရှိမည်ဖြစ်သည်။ အမေရိကန်၊ ကနေဒါနှင့် ကာရစ်ဘီယမ်ဒေသများအား ဂြိုဟ်တုဝန်ဆောင်မှုပေးနိုင်ရန် ရည်ရွယ်ထားသည်။ ယင်းဝန်ဆောင်မှုများအပြင် SES-2 ဂြိုဟ်တုတွင် အမေရိကန်လေတပ်၏ ဒုံးပျံအန္တရာယ်ကာကွယ်ရေး၌ အသုံးပြုမည့် Infrared Payload ( CHIRP) ကိုလည်း တင်ဆောင်ထားသည်။

ဆော်ဒီအာရေဗျနိုင်ငံရှိ Arabsat ဂြိုဟ်တုဝန်ဆောင်မှုကုမ္ပဏီက ပိုင်ဆိုင်သော Arabsat-5C ဂြိုဟ်တုအား အာဖရိကနှင့် အရှေ့အလယ်ပိုင်းဒေသများအား ရုပ်သံထုတ်လွှင့်ခြင်း၊ တယ်လီဖုန်းဆက်သွယ်ခြင်း၊ အင်တာနက် နှင့် VSAT ၀န်ဆောင်မှုများပေးနိုင်ရန် ရည်ရွယ်ထားသည်။ Arabsat-5C ဂြိုဟ်တုသည် Astrium မှ ထုတ်လုပ်သော Eurostar E3000 Bus ကိုအသုံးပြုထားပြီး C-band နှင့် Ka-band transponder များတပ်ဆင်ထားကာ အလေးချိန်အားဖြင့် ၄၆၃၀ ကီလိုဂရမ်ရှိသည်။

http://groups.google.com/group/satellitestudygroup?hl=en

  • Digg
  • Del.icio.us
  • StumbleUpon
  • Reddit
  • RSS

အာကာသစခန်းမှယာဉ်မှူးသုံးဦး ကမ္ဘာမြေသို့ပြန်လည်ဆင်းသက်လာ


ရုရှားနိုင်ငံက အပြည်ပြည်ဆိုင် ရာအာကာသစခန်းသို့ လူလိုက်ပါ ဆိုယုဇ်ဒုံးယာဉ်လွှတ်တင်မည့်ရက်ကို ထပ်မံရွှေ့ဆိုင်းလိုက်ချိန်တွင် ယာဉ် မှူးခြောက်ဦးအနက် သုံးဦးမှာ စခန်း တွင် ကျန်ရှိနေသည့် ဆိုယုဇ်ယာဉ် ဖြင့် ကမ္ဘာမြေပေါ်သို့ စက်တင်ဘာလ ၁၆ ရက်နေ့တွင် ပြန်လာခဲ့ကြောင်း သိရသည်။

ဆိုယုဇ်ယာဉ်သည် ဆိုဗီယက် နိုင်ငံဟောင်း ကာဇက်စတန်တွင် ဆင်းသက်ခဲ့ခြင်းဖြစ်ပြီး ရုရှားအာ ကာသယာဉ်မှူးနှစ်ဦးနှင့်အမေရိကန် အာကာသယာဉ်မှူးတို့လိုက်ပါလာခဲ့ သည်ဟုသိရသည်။

စခန်းတွင် အမေရိကန်၊ ရုရှား နှင့် ဂျပန်မှတစ်ဦးစီကျန်ရှိနေပြီး ၎င်းတို့ပြန်လာရေးအတွက်မှာမူ ရုရှားက ထပ်မံလွှတ်တင်မည့် ဆိုယုဇ်ဒုံးယာဉ် များကိုသာ စောင့်ဆိုင်းရမည်ဖြစ် သည်။ အမေရိကန်က အာကာသ လွန်းပြန် ယာဉ်များကို အနားပေး လိုက်ပြီး ယာဉ်သစ်မထုတ်နိုင်မီတွင် ဆိုယုဇ်ယာဉ်များကိုသာ လိုက်ပါခွင့် အခကြေးငွေပေးပြီး အသုံးပြုရန် စီစဉ်ထားခဲ့သည်။ သို့ရာတွင် ကုန် တင်ရန်နှင့်လူပို့ဆောင်ရန် သုံးနိုင် သော ဆိုယုဇ်ဒုံးယာဉ်များမှာ စက် ချွတ်ယွင်းမှုများကြောင့်ဆိုကာ အာ ကာသစခန်းသို့ထွက်ခွာရန် ရက် အကြိမ်ကြိမ်ရွှေ့ဆိုင်းနေသောကြောင့် အခက် ကြုံနေရသည်။

ဆိုယုဇ်ယာဉ်များသည် ဒုံးပျံနှင့် အတူ ထိပ်ဖူးအဖြစ် ကမ္ဘာမြေမှထွက် ခွာသွားပြီး ပြန်လည်ဆင်းသက်သော အခါတွင်လည်း ယင်းထိပ်ဖူးပိုင်း ဖြင့် ပြန်ဆင်းသက်ရခြင်းဖြစ်ပြီး အမေရိကန် လွန်းပြန်ယာဉ်များကဲ့သို့ စတိုင်ကျစွာ လေယာဉ်ဆင်းသလို ဆင်းသက်နိုင်ခြင်း မရှိပေ။ ဘူးလုံး ကြီးအသွင်ရှိသော ဆိုယုဇ်ယာဉ် သည် လေထီးဖြင့်ကျလာပြီး နေရာ အတိအကျထိန်းချုပ်ရန် ခက်ခဲသည်။ သို့ရာတွင် ကုန်ကျစရိတ် သက်သာ သောကြောင့် ယနေ့အချိန်အထိ သုံး နေခြင်းဖြစ်ပြီး နိုင်ငံတကာ အာကာ သစခန်းနှင့် ဆက်သွယ်ရန် တစ်ခု တည်းသော ယာဉ်ဖြစ်နေသည်။

နိုဝင်ဘာလ ၁၄ ရက်နေ့တွင် မှ နောက်ထပ် ဆိုယုဇ်ဒုံးယာဉ်ကို လွှတ်တင်မည်ဟု ရုရှားကကြေညာ ထားပြီးစခန်းတွင် ကျန်ရစ်သူသုံးဦး မှာ ၂၂ ရက်တွင် ကမ္ဘာပေါ် ပြန်ဆင်း ရန် မျော်လင့်ထားသည်။ လွှတ်တင် မှုကိုထပ်ရွှေ့မည်ဆိုပါက စခန်းတွင် ကျန်သူများ ရိက္ခာပြတ်လပ်မှုကြုံရ နိုင်ပြီး အရေးပေါ် ကယ်ဆယ်ရေး အစီအစဉ်များလုပ်ပေးရမည့် အခြေ အနေ ရောက်သွားနိုင်သည်။

Ref: Reuters,AFP

  • Digg
  • Del.icio.us
  • StumbleUpon
  • Reddit
  • RSS

နေနှစ်စင်းကိုပတ်နေသောဂြိုဟ်တွေ့ရှိ



ပြင်ပ စကြ၀ဠာများထဲတွင် ပထမဆုံးအကြိမ်အဖြစ် နေနှစ်စင်း ကို ပတ်နေသောဂြိုဟ်ကို နာဆာ၏ ကက်ပလာ တယ်လီစကုပ်ဖြင့် တွေ့ရှိ ခဲ့ကြောင်း သိရသည်။

Kepler-16b ဟု အမည်ပေး ထားသော ဂြိုဟ်သည် မိမိတို့ နေစကြ ၀ဠာရှိ စနေဂြိုဟ်ကဲ့သို့သော လူမနေ နိုင်သည့် အေးခဲသော ဓာတ်ငွေ့စု ကြီးသာ ဖြစ်သည်ဟု သိရသည်။

ယင်းဂြိုဟ်သည် ကမ္ဘာမြေနှင့် အလင်းနှစ် ၂၀၀ ခန့်အကွာတွင် ရှိ သည်ဟုသိရသည်။ (အလင်းနှစ်ဆို သည်မှာ ကမ္ဘာကနေကိုတစ်ပတ် ပတ်သော ကာလ(တစ်နှစ်) အတွင်း အလင်းရောက်ရှိသည့် မိုင်ပေါင်း ၅၈၈၀,၀၀၀,၀၀၀,၀၀၀ မိုင်ကို ဆိုလို သည်) ယခင်ကတည်းက နေနှစ်စင်းကိုပတ်သည့် ဂြိုဟ်ရှိနိုင်ကြောင်း သုံး သပ်ခဲ့ကြဖူးပြီး သိပ္ပံ ၀တ္ထုဇာတ်လမ်း များတွင် ပါဝင်ခဲ့သော်လည်း ယခု အခါတွင်မှ ပထမဆုံးတွေ့ရှိခြင်း ဖြစ် သည်။

ယင်းဂြိုဟ်တွင် နေ၀င်ချိန်၊ နေထွက်ချိန်ကို နှစ်ခါစီ ကြုံတွေ့ရ သည်။ ယင်းနေတို့သည်လည်း အချင်းချင်း ၄၁ ရက်လျင် တစ်ပတ် နှုန်းဖြင့် ပတ်နေကြပြီး ဂြိုဟ်က နေ နှစ်စင်းကိုပတ်ရန် ကြာချိန်တစ်နှစ် မှာ ၂၂၉ ရက်ဖြစ်သည်။

Ref: AFP

  • Digg
  • Del.icio.us
  • StumbleUpon
  • Reddit
  • RSS

ဂြိုဟ်တုလွှ​တ်တင်ရေးဒုံး​ပျံ Dnepr-1




အာကာသအတွင်းသို့ ဂြိုဟ်တုများလွှတ်တင်နိုင်ရန်အတွက် အသုံးပြုသော လွှတ်တင်ရေးဒုံးပျံ တစ်ခုဖြစ်သည့် Dnepr-1 ဒုံးပျံသည် တိုက်ချင်းပစ်ဒုံးပျံ အမျိုးအစားမှ ဆင်းသက်လာခြင်းဖြစ်သည်။ Dnepr ဟူသောအမည်သည် ရုရှားနိုင်ငံမှဖြစ်ဖျားခံ၍ ယူကရိန်း၊ ဘီလာရုစ် အစရှိသည့်နိုင်ငံများအား ဖြတ်သန်းကာ ပင်လယ်နက်အတွင်းသို့ စီးဝင်သွားသော Dnieper မြစ်ကိုအစွဲပြု မှည့်ခေါ်ထားခြင်းဖြစ်သည်။ International Space Company Kosmotras မှ ပိုင်ဆိုင်သော Dnepr-1 လွှတ်တင်ရေးဒုံးပျံသည် ၁၉၉၉ ခုနှစ်၊ ဧပရယ်လ ၂၁ ရက်နေ့တွင် ယင်း၏ ပထမဦးဆုံးသော လွှတ်တင်မှုအဖြစ် ၃၅ ကီလိုဂရမ်သာရှိသော UoSAT-12 အသေးစားဂြိုဟ်တု ( mini-satellite ) အား ပတ်လမ်းနိမ့်ပတ်လမ်း ( Low Earth Orbit ) သို့ အောင်မြင်စွာ ပစ်လွှတ်ပေးနိုင်ခဲ့သည်။ Dnepr-1 ဂြိုဟ်တုလွှတ်တင်ရေးဒုံးပျံသည် အသေးစားဂြိုဟ်တုအများအပြားအား ပတ်လမ်းနိမ့်ပတ်လမ်းအတွင်းသို့ ပို့ဆောင်ပေးခြင်းကို အဓိကပြုလုပ်သည်။ အများအားဖြင့် ဂြိုဟ်တုအလေးချိန် ၃၀၀ကီလိုဂရမ် အောက်နှင့် ၅ ကီလိုဂရမ်အောက်ရှိသော ဂြိ်ုဟ်တုအများအပြားကို တစ်ပြိုင်တည်းလွှတ်တင်ခြင်းဖြစ်သည်။ ( တည်ငြိမ်ပတ်လမ်းအတွင်းရှိ ဂြိုဟ်တုများသည် အများအားဖြင့် ပျှမ်းမျအလေးချိန် ၄၆၀၀ ကီလိုဂရမ်ခန့်ရှိကြသည်။)
Dnepr-1 လွှတ်တင်ရေးဒုံးပျံသည် တိုက်ချင်းပစ်ဒုံးပျံအမျိုးအစားမှ ဆင်းသက်လာခြင်းဖြစ်ပြီး hypergolic လောင်စာရည်( hypergolic liquid propellent ) သုံး အင်ဂျင်အဆင့် သုံးဆင့် ( three-stage) ပါရှိသော ဒုံးပျံဖြစ်သည်။ ယင်းဒုံးပျံအား ကာဇက်စတန်နိုင်ငံ ဘိုင်ကိုနော ဒုံးပျံပစ်လွှတ်ရေးစခန်း ( သို့ ) Dombarovsky ဒုံးပျံပစ်လွှတ်ရေးစခန်း မှ ပစ်လွှတ်သည်။



Dnepr-1 လွှတ်တင်ရေးဒုံးပျံသည် ပတ်လမ်းနိမ့်ပတ်လမ်း အတွင်းသို payload အလေးချိန် ၃၆၀၀ ကီလိုဂရမ်အထိ့ ပို့ဆောင်ပေးနိုင်ပြီး Sun-Synchronous ပတ်လမ်းအတွင်းသို့ payload အလေးချိန် ၂၃၀၀ ကီလိုဂရမ်ပို့ဆောင်ပေးနိုင်သည်။ Dnepr-1 လွှတ်တင်ရေးဒုံးပျံသည် အဓိက payload ဂြိုဟ်တုအပြင် အခြားသော အသေးစားဂြိုဟ်တုများကိုပါ တစ်ပြိုင်တည်းထည့်သွင်း လွှတ်တင်ပေးနိုင်သည်။ Dnepr-1 လွှတ်တင်ရေးဒုံးပျံသည် စီးပွားဖြစ်လွှတ်တင်မှု ၁၄ ကြိမ်ပစ်လွှတ်ခဲ့ပြီး ၂၀၀၆ ခုနှစ်၊ ဇူလှိုင်လ ၂၆ ရက်နေ့တွင် ဘီလာရုစ်၊ အီတလီ၊ ရုရှား၊ အမေရိကန်၊ တောင်ကိုရီးယား ၊ နော်ဝေးနှင့် ဂျပန်နိုင်ငံတို့၏ အသေးစားဂြိုဟ်တုများစုပေါင်းလွှတ်တင်စဉ် တစ်ချိန်သာ ပျက်စီးဆုံးရှုံးမှုဖြစ်ပေါ်ခဲ့သည်။ လွှတ်တင်ပြီး ၇၄ စက္ကန့်အကြာတွင် ဒုံးပျံအင်ဂျင်၏ combustion chamber 4 ချို့ယွင်းမှုဖြစ်ပေါ်ကာ ဘိုင်ကိုနောဒုံးပျံပစ်လွှတ်ရေးစခန်း၏ ၁၅၀ ကီလိုမီတာ အကွာ၊ ကာဇက်စတန်နိုင်ငံ၏ လူနေထိုင်ခြင်းမရှိသည့် ဒေသသို့ပျက်ကျခဲ့ခြင်းဖြစ်သည်။ လောင်စာများ မီးလောင်ပေါက်ကွဲမှုကြောင့် အဆိပ်အတောက်များဖြစ်ပေါ်ခဲ့ပြီး ရုရှားအစိုးရမှ ယင်းအဖြစ်အပျက်အတွက် လျော်ကြေးငွေ အမေရိကန်ဒေါ်လာ ၁.၁ သန်း ပေးလျော်ခဲ့ရသည်။


Credit : Satellite​&Space

  • Digg
  • Del.icio.us
  • StumbleUpon
  • Reddit
  • RSS

အာဆီယံနိုင်ငံများက ပိုင်ဆိုင်သော ဆက်သွယ်ရေးဂြိုဟ်တုများ (Asean Nations’ Communications Satellite)


အာဆီယံနိုင်ငံများက ပိုင်ဆိုင်သော ဆက်သွယ်ရေးဂြိုဟ်တုများ၏ အကြောင်းအရာ အချက်အလက်များကို အပိုင်းလိုက်ခွဲ၍ ဖော်ပြသွားပါမည်။ အာဆီယံနိုင်ငံများအနက် အင်ဒိုနီးရှား၊ မလေးရှား၊ ဖိလစ်ပိုင်၊ စင်ကာပူ၊ ထိုင်း နှင့် ဗီယက်နမ်နိုင်ငံတို့သည် ကိုယ်ပိုင်ဆက်သွယ်ရေးဂြိုဟ်တုများရှိကြသည်။ လာအိုနိုင်ငံသည် ၂၀၁၃ ခုနှစ်တွင် နိုင်ငံပိုင်ဆက်သွယ်ရေးဂြိုဟ်တု တစ်ခုကို တရုတ်နိုင်ငံအကူအညီဖြင့် လွှတ်တင်မည်ဖြစ်ကြောင်း သိရှိရသည်။ ကျန်ရှိသော အာဆီယံနိုင်ငံများအနက် မြန်မာနှင့် ကမ္ဘောဒီးယားနိုင်ငံတို့သည် ကိုယ်ပိုင်ဆက်သွယ်ရေးဂြိုဟ်တုလွှတ်တင်ရန် စိတ်ပါဝင်စားလျက်ရှိပြီး ဘရူနိုင်းနိုင်ငံသည် ဆက်သွယ်ရေးဂြိုဟ်တုစီမံကိန်းပြုလုပ်ရန် စိတ်ပါဝင်စားမှုမရှိသေးကြောင်း တွေ့ရှိရသည်။ ကမ္ဘောဒီးယားနိုင်ငံသည် ၂၀၁၃ ခုနှစ်တွင် ဂြိုဟ်တုလွှတ်တင်မည်ဟု သတင်းထုတ်ပြန်ခဲ့သော်လည်း ယခုအချိန်ထိ မည့်သည့်အဖွဲ့အစည်းကိုမှ စာချုပ်ချုပ်ဆိုရခြင်းမရှိသေးကြောင်း သိရှိရသည်။ အာဆီယံနိုင်ငံများအနက် အင်ဒိုနီးရှားနိုင်ငံက ကိုယ်ပိုင်ဆက်သွယ်ရေးဂြိုဟ်တု စုစုပေါင်း (၁၅) ခုဖြင့် အများဆုံး ပိုင်ဆိုင်ထားသည်။ မလေးရှားနိုင်ငံနှင့် ထိုင်းနိုင်ငံတို့သည် ဂြိုဟ်တု (၄) ခုစီပိုင်ဆိုင်၍ နောက်ထပ်ဂြိုဟ်တုတစ်ခု ထပ်မံလွှတ်တင်ရန် မှာယူထားသည်။ စင်ကာပူနိုင်ငံက ကိုယ်ပိုင်ဆက်သွယ်ရေးဂြိုဟ်တု (၂) ခု ပိုင်ဆိုင်၍ ထပ်မံလွှတ်တင်ရန် နောက်ထပ် ဂြိုဟ်တုတစ်ခုအား မှာယူထားသည်။ ဗီယက်နမ်နိုင်ငံသည် လက်ရှိတွင် ဆက်သွယ်ရေးဂြိုဟ်တု (၁) ခုအား ပိုင်ဆိုင်ထား၍ ဂြိုဟ်တုတစ်ခုအား ထပ်မံလွှတ်တင်ရန် မှာယူထားသည်။ ဖိလစ်ပိုင်နိုင်ငံသည် ကိုယ်ပိုင်ဆက်သွယ်ရေးဂြိုဟ်တု (၁) ခုကို လွှတ်တင်ထားပြီးဖြစ်သည်။ ဖတ်ရှုသူများ ဗဟုသုတရရှိစေရန် အာဆီယံနိုင်ငံများက ပိုင်ဆိုင်သော ဆက်သွယ်ရေးဂြိုဟ်တုများ၏ အချက်အလက်များကို တတ်နိုင်သမျှ ရေးသားဖော်ပြသွားပါမည်။

Credit : Satellite​&Space

  • Digg
  • Del.icio.us
  • StumbleUpon
  • Reddit
  • RSS

နေအဖွဲ့အစည်ြး​ပင်ပသို့ ပထမဦးဆုံးေ​ရာက်ရှိသည့် အာကာသယာဉ်


နေအဖွဲ့အစည်း၏ ပြင်ပသို့ ပထမဦးဆုံးရောက်ရှိသည့် အာကာသယာဉ် Voyager 1 က ရိုက်ကူးခဲ့သော ကမ္ဘာနှင့်လတို့၏ တည်ရှိနေပုံ



ကမ္ဘာနှင့် လတို့အတူတကွ လည်ပတ်နေပုံကို ဂြိုဟ်တုတစ်ခုက ပထမဦးဆုံးရိုက်ကူးထားသော ပုံဖြစ်သည်။ ယင်းပုံအား Voyager 1 အာကာသယာဉ်က ၁၉၇၇ ခုနှစ် စက်တင်ဘာလ ၁၈ ရက်နေ့ တွင် ကမ္ဘာနှင့် မိုင်ပေါင်း ၇.၂၅ သန်း (ကီလိုမီတာ ၁၁.၆၆ သန်း) အကွာအဝေးမှ ရိုက်ကူခဲ့ခြင်းဖြစ်သည်။ အဆိုပါပုံအား Voyager 1 အာကာသယာဉ်ပေါ်တွင် ပါရှိသည့် ကင်မရာ filter များက ရိုက်ကူးခဲ့ သည့် ဓာတ်ပုံ (၃) ပုံအား NASA ၏ Jet Propulsion Laboratory (JPT) တွင် ပြန်လည်ပေါင်းစည်း၍ ထုတ်ယူခဲ့ခြင်းဖြစ်သည်။ ပုံတွင်မြင်တွေ့နေရသည့် လ၏ အရောင်မှာ ပိုမိုတောက်ပမှုရှိစေရန် အရောင်တင်ထားခြင်းဖြစ်သည်။ အဘယ့်ကြောင့်ဆိုသော် ကမ္ဘာသည် လထက်အဆပေါင်းမြောက်မြားစွာ ပိုမိုတောက်ပသောကြောင့် ဓာတ်ပုံကြည့်ရှုသူများ ရှင်းလင်းပြတ်သားစွာ မြင်သာစေရန် ပြန်လည် အရောင်တင်ထားခြင်းဖြစ်သည်။ Voyager 1 အာကာသယာဉ်အား ၁၉၇၇ ခုနှစ် စက်တင်ဘာလ ၅ ရက်နေ့တွင် အမေရိကန်နိုင်ငံ ဖလော်ရီဒါပြည်နယ်ရှိ Cape Canaveral လွှတ်တင်ရေးစခန်းမှ Titan III E/Centaur လွှတ်တင်ရေးဒုံးပျံဖြင့် လွှတ်တင်ခဲ့ခြင်းဖြစ်သည်။ ၇၂၂ ကီလိုဂရမ်ရှိသော Voyager 1 အာကာသယာဉ်အား နေအဖွဲ့အစည်းနှင့် ယင်းပြင်ပရှိ အာကာသကို လေ့လာရန်လွှတ်တင်ခဲ့ခြင်းဖြစ် သည်။ Voyager 1 အာကာသယာဉ်သည် နေအဖွဲ့အစည်း၏ ပြင်ပကိုလေ့လာရန်လွှတ်တင်ထားသော အာကာသယာဉ် (၅) စင်းအနက်မှ (၁) စင်းဖြစ်ပြီး လွှတ်တင်သည့်နေ့မှ ယနေ့အထိ နှစ်ပေါင်း ၃၃ နှစ်ကျော် တာဝန်ထမ်းဆောင်နေသော အာကာသယာဉ်ဖြစ်သည်။ Voyager 1 အာကာသယာဉ်သည် လက်ရှိအချိန်တွင် နေမှအကွာအဝေး ၁၁၇.၈၄၃၆ AU (Astronomical Units)၊ ကီလိုမီတာအားဖြင့် ၁.၇၆၂၉၁၅×၁၀၁၀ ကီလိုမီတာ အကွာအဝေးသို့ ရောက်ရှိနေပြီး စကြာဝဠာအတွင်းတွင် အဝေးဆုံးရောက်ရှိနေသော လူသားများပြုလုပ်သည့်အရာဝတ္ထုတစ်ခုဖြစ်သည်။




Voyager 1 အာကာသယာဉ်၏ ပုံဖြစ်သည်။ ယင်းအာကာသယာဉ်၏ ထူးခြားချက်မှာ နေရောင်ခံပြားများ ပါဝင်ခြင်းမရှိဘဲ အာကာသယာဉ်၏ ပါဝါကို ယာဉ်ပေါ်တွင်ပါရှိသည့် Radioisotope Thermoelectric Generator (RTG) မှ ထုတ်ယူသုံးစွဲခြင်းဖြစ်သည်။

Credit : Satellite​&Space

  • Digg
  • Del.icio.us
  • StumbleUpon
  • Reddit
  • RSS

ကမ္ဘာ့ ပထမဆုံး အာကာသဆိပ်ကို ၉ဝ ရာခိုင်နှုန်း တည်ဆောက် ပြီးစီး

Virgin ကုမ္ပဏီ၏ အာကာသယာဉ်များ ပျံတက်ရန် ကမ္ဘာ့ ပထမဆုံး ပုဂ္ဂလိက အာကာသဆိပ်ကို ၉ဝ ရာခိုင်နှုန်း တည်ဆောက် ပြီးစီးပြီ ဖြစ်ကြောင်း စက်တင်ဘာလ ၆ ရက်နေ့ သတင်းများက ဖော်ပြသည်။ Virgin ကုမ္ပဏီ၏ ပထမဦးဆုံး အာကာသ ခရီးစဉ်ကို ၂ဝ၁၃ ခုနှစ်တွင် စတင်မည် ဟု ဆိုသည်။ သူဌေးကြီး ဆာရစ်ချက် ဘရန်ဆန်၏ Virgin Galactic ကုမ္ပဏီသည် နယူး မက္ကဆီကို ပြည်နယ် လက်စ်ခရူဆေး ဒေသရှိ မြေ အကျယ် ၁၈ဝဝ ဧကတွင် အာကာသဆိပ်ကို တည်ဆောက်နေခြင်း ဖြစ်သည်။

တည်ဆောက်မှုမှာ ၉ဝ ရာခိုင်နှုန်း ပြီးစီး နေပြီ ဖြစ်ရာ အပြည့်အစုံ ပြီးစီးရန် အတွက် လ အနည်းငယ်သာ လိုတော့သည် ဟု ဆိုသည်။ အဆိုပါ ကုမ္ပဏီမှ ပြောရေးဆို ခွင့်ရ အမျိုးသမီးက ကုမ္ပဏီ၏ ပထမဆုံး အာကာသ ခရီးစဉ်ကို ၂ဝ၁၃ ခုနှစ်၏ ပထမ သုံးလပတ် အတွင်း စတင် နိုင်လိမ့်မည် ဟု ဆိုသည်။

  • Digg
  • Del.icio.us
  • StumbleUpon
  • Reddit
  • RSS
Related Posts Plugin for WordPress, Blogger...