Powered by Blogger.
RSS

မြန်မာနိုင်ငံ၏ ကိုယ်ပိုင်ဂြိုဟ်တု လွှတ်တင်နိုင်ရေး လုပ်ငန်းများ အတန်သင့် ခရီးရောက်လျှက်ရှိ

| Labels:


ကာကွယ်ရေး ၀န်ကြီးဌာနနှင့် ဆက်သွယ်ရေး၊ စာတိုက်နှင့် ကြေးနန်းဝန်ကြီးဌာနတို့ ပူးပေါင်းဦးဆောင်ကာ မြန်မာနိုင်ငံ၏ ကိုယ်ပိုင် ဆက်သွယ်ရေး ဂြိုဟ်တု လွှတ်တင်ရန် ဆောင်ရွက်မှုများ စတင်နေပြီ ဖြစ်ကြောင်း သတင်းရရှိသည်။ လက်ရှိ၌ အဖွဲ့ဝင် ၅ ဦးပါသော ဆက်သွယ်ရေး ဂြိုဟ်တု လွှတ်တင်ရေး ဗဟိုကော်မတီနှင့် အဖွဲ့ဝင် ၇ ဦးပါရှိသော လုပ်ငန်းအဖွဲ့ကို ဖွဲ့စည်းခဲ့ပြီး အဆိုပါအဖွဲ့၏ ပထမဆုံး ခြေလှမ်းအဖြစ် ထိုင်းနိုင်ငံမှ Thaicom ကုမ္ပဏီနှင့် ဂြိုဟ်တုလွှတ်တင်ရေး နည်းပညာဆိုင်ရာ နားလည်မှု စာချွန်လွှာကို နေပြည်တော်၌ လက်မှတ်ရေးထိုး အောင်မြင်ခဲ့ပြီးကြောင်း သိရသည်။

မြန်မာပြည်တွင်း၌ လက်ရှိ MRTV, MRTV-3, MRTV-4, MWD, MITV စသည့် အစိုးရပိုင် ရုပ်သံလိုင်း ၅ ခုနှင့် အခပေး ရုပ်သံလိုင်း Sky Net တို့ ရှိကြပြီး အဆိုပါ ရုပ်သံလိုင်းများ အတွက် ဆက်သွယ်ရေးဂြိုဟ်တု ငှားရမ်း အသုံးပြု နေရသဖြင့် နှစ်စဉ် နိုင်ငံခြားဝင်ငွေ ယိုဖိတ်မှု ရှိနေသောကြောင့် ကိုယ်ပိုင်ဂြိုဟ်တု လွှတ်တင်ရန် စီစဉ်ရခြင်း ဖြစ်ကြောင်း ကြားသိရသည်။




MRTV-4 ၏ နာမည်ကျော် စကားနပန်း အစီအစဉ်

မြန်မာနှင့်အတူ အိမ်နီးချင်း အာဆီယံနိုင်ငံ တစ်ခုဖြစ်သော ကမ္ဘောဒီးယား သည်လည်း အဆိုပါ ကုမ္ပဏီဖြင့်ပင် ချိတ်ဆက်ပြီး ကိုယ်ပိုင်ဂြိုဟ်တု လွှတ်တင်ရန် ကြိုးပမ်းနေကြောင်း၊ လွန်ခဲ့သော ရက်ပိုင်းက စင်ကာပူနိုင်ငံသည် ပြည်တွင်းဖြစ် ဂြိုဟ်တုကို အောင်မြင်စွာ လွှတ်တင်နိုင်ခဲ့ကြောင်း အင်တာနက် သတင်းများ အရ သိရသည်။

Source: mmdailynews

  • Digg
  • Del.icio.us
  • StumbleUpon
  • Reddit
  • RSS
Read User's Comments0

DongFangHong 4 (DFH-4) (တရုတ်)

| Labels:


DFH-4 satellite bus သည် တရုတ်နိုင်ငံ ဆက်သွယ်ရေးဂြိုဟ်တုများ၏ တတိယမျိုးဆက်ဖြစ်ပြီး တရုတ်နိုင်ငံ၏ ပထမဦးဆုံး Direct Broadcasting system ပါရှိသော bus အမျိုးအစားဖြစ်သည်။ DFH-4 satellite bus ၏ performance အား A2100AX ၊ LS 1300 နှင့် Spacebus 3000 တို့၏ performance နှင့် တူညီစေရန် ထုတ်လုပ်ထားသည်ဟု တရုတ်နိုင်ငံမှ ဖော်ပြထားသည်။ ယင်း bus ၏ အလေးချိန်မှာ ၅၂၀၀ ကီလိုဂရမ်ဖြစ်ပြီး payload ထည့်သွင်းနိုင်သော အလေးချိန်မှာ ၆၀၀ ကီလိုဂရမ်မှ ၈၀၀ ကီလိုဂရမ် အထိရှိသည်။ C/Ku/Ka/L band များကို အသုံးပြုနိုင်ပြီး သက်တမ်းမှာ ၁၅ နှစ်ဖြစ်သည်။ သက်တမ်းကုန်ဆုံးချိန် (End of Life-EOL) တွင် လျှပ်စစ်ပါဝါ ၁၀.၅ ကီလိုဝပ် ကို ထုတ်လုပ်နိုင်သည်။

အဆိုပါ DFH-4 satellite bus အား အသုံးပြုခဲ့သည့် ဆက်သွယ်ရေးဂြိုဟ်တုများမှာ အောက်ပါအတိုင်းဖြစ်သည်-

(၁) Sinosat-2 (တရုတ်နိုင်ငံမှ ပိုင်ဆိုင်သောဆက်သွယ်ရေးဂြိုဟ်တုဖြစ်ပြီး ၂၀၀၆ ခုနှစ် အောက်တိုဘာလ ၂၉ ရက်နေ့တွင် လွှတ်တင်ခဲ့သည်။)

(၂) Nigcomsat-1 (နိုင်ဂျီးရီးယားနိုင်ငံမှ ပိုင်ဆိုင်သောဆက်သွယ်ရေးဂြိုဟ်တုဖြစ်ပြီး ၂၀၀၇ ခုနှစ် မေလ ၁၄ ရက်နေ့တွင် လွှတ်တင်ခဲ့သည်။)

(၃) Venesat-1 (ဗင်နီဖွဲလားနိုင်ငံမှ ပိုင်ဆိုင်သောဆက်သွယ်ရေးဂြိုဟ်တုဖြစ်ပြီး ၂၀၀၈ ခုနှစ် နိုဝင်ဘာလ ၃၀ ရက်နေ့တွင် လွှတ်တင်ခဲ့သည်။)

(၄) Sinosat-6 (တရုတ်နိုင်ငံမှ ပိုင်ဆိုင်သောဆက်သွယ်ရေးဂြိုဟ်တုဖြစ်ပြီး ၂၀၁၀ ခုနှစ် စက်တင်ဘာလ ၅ ရက်နေ့တွင် လွှတ်တင်ခဲ့သည်။)

Sinosat-2 ဂြိုဟ်တုသည် solar array များဖြန့်ထုတ်ခြင်း မပြုနိုင်သောကြောင့် အလုံးစုံဆုံးရှုံးမှု ဖြစ်ပွားခဲ့သည်။ Nigcomsat-1 ဂြိုဟ်တုသည် ၂၀၀၈ ခုနှစ် နိုဝင်ဘာလ၌ solar array တွင် နည်းပညာဆိုင်ရာ မှားယွင်းမှုကြောင့် ပျက်စီးဆုံးရှုံးခဲ့ရသည်။ အဆိုပါ ဂြိုဟ်တုသည် တရုတ်နိုင်ငံ၏ အာကာသကန်ထရိုက်တာများမှ ပြင်ပနိုင်ငံတစ်ခုအား ဂြိုဟ်တုဒီဇိုင်းပြုလုပ်ပေးခြင်း ၊ထုတ်လုပ်ပေးခြင်းနှု့် လွှတ်တင်ပေးခြင်း (Satellite/Launch package) တို့ကို ပထမဦးဆုံး ပြုလုပ်ပေးခဲ့သော ဂြိုဟ်တုဖြစ်ပြီး အဆိုပါသဘောတူညီမှု၏ တန်ဖိုးမှာ ဒေါ်လာ ၃၁၁ သန်းရှိသည်။ အဆိုပါ ဂြိုဟ်တုအား နိုင်ဂျီးရီးယားနိုင်ငံက telecommunications ၊ broadcasting ၊ broadband service များပြုလုပ်ရန်မှာယူခဲ့ခြင်းဖြစ်သည်။ တရုတ်နိုင်ငံသည် လက်ရှိတွင် DFH-4 satellite bus ကိုအသုံးပြုပြီး Paksat-1R ၊ Nigcomsat-1R နှင့် Laosat-1 ဂြိုဟ်တုတို့ကို တည်ဆောက် လျက် ရှိသည်။

  • Digg
  • Del.icio.us
  • StumbleUpon
  • Reddit
  • RSS
Read User's Comments0

သေဆုံးနေသည့် ဂြိုဟ်သား အလောင်းကို ဆိုက်ဘေးရီးယား ဒေသ ရေခဲပြင်ထဲ ၌ တွေ့ရှိရ ဟုဆို

| Labels:




ဆိုက်ဘေးရီးယား ဒေသရဲ့ ခဲနေတဲ့ စွန့်ပစ် အရည်တွေထဲ ကနေ ဂြိုဟ်သား တစ်ဦးရဲ့ အလောင်းကို လမ်းလျှောက် ထွက်လာသူ နှစ်ဦးက တွေ့ရှိခဲ့တယ်လို့ ဆိုပါတယ်။ ရုရှားနိုင်ငံ အာကက်စကီမြို့ အနီး ရေခဲပြင်မှာ တစ်ဝက် နစ်နေတဲ့ ရုပ်အလောင်းကို တွေ့ရှိ ခဲ့ရပြီး အဲဒီ အလောင်းဟာ ပါးစပ်ဟပြဲ၊ ရှည်သွယ်သွယ် နဲ့ ဆိုးဆိုးရွားရွား ပျက်စီးနေတယ် လို့ ဆိုပါတယ်။အဲဒီ နေရာဟာ ပန်းကန်ပြားပျံတွေ ဆင်းသက်ခဲ့တယ် လို့ နာမည်ကြီးခဲ့တဲ့ နေရာ ဖြစ်ပြီး ဂြိုဟ်သားရဲ့ အလောင်းကို တွေ့ရှိတယ် ဆိုတဲ့ သတင်းက အင်တာနက်ကနေ ကမ္ဘာတစ်လွှားကို တောမီးလို ပျံ့နှံ့သွားခဲ့တယ် လို့ ဆိုပါတယ်။

အဲဒီအလောင်းဟာ ဆိုးဆိုးရွားရွား ပျက်စီး နေပြီး ရုပ်ရှင်ထဲက အီးတီနဲ့ တူပြီး အရပ်က နှစ်ပေပဲ ရှိတယ် လို့ ဆိုပါတယ်။ အလောင်းမှာ ညာဘက် ခြေထောက် ပျောက်ဆုံး နေပြီး မျက်လုံး နေရာမှာ နက်ရှိုင်းတဲ့ အပေါက် နှစ်ပေါက်နဲ့ လူရဲ့ဦးခေါင်းခွံလို အရိုးကြီးမှာ ပါးစပ်နေရာ မှာလည်း အပေါက်ကြီး တစ်ပေါက် ရှိတယ် လို့ ဆိုပါတယ်။ ပန်းကန်ပြားပျံ ၀ါသနာရှင်တွေ က ကမ္ဘာမြေကို အလည် လာတဲ့ ဂြိုဟ်သားတွေ ဟာ မတော်တဆမှု တစ်ခု ဖြစ်ပွားခဲ့ပြီးတဲ့ နောက် အဲဒီ ဂြိုဟ်သားဟာ ကမ္ဘာမြေမှာ ကျန်ရစ်ခဲ့တာလို့ ယူဆ ကြပါတယ်။

Source: People Media Voice

  • Digg
  • Del.icio.us
  • StumbleUpon
  • Reddit
  • RSS
Read User's Comments0

ဂလက်ဆီ အားလုံးဟာ တူညီကြသလား..?

| Labels:











ဂလက်ဆီ တွေမှာ အမျိုးစား လေးမျိုး ရှိပါတယ်..၊လှည်းဘီး (သို့ ) ခရုပတ် သဏ္ဍန် စကြ၀ဠာ ၊ နှမောင်းနှစ်ခုပါသော စကြ၀ဠာ ၊ ဘဲဥပုံသဏ္ဍန် စကြ၀ဠာ ၊( ၀ိုင်းသည်၊ပြားသည် ၊ရှည်သည် လို့ တိကျစွာမှတ်ယူနိုင်တဲ့ ပုံသဏ္ဍန်မမှန်းတဲ့ စကြ၀ဠာတို့ ဖြစ်ကြပါသည်၊ ခရုပတ် သို့ မဟုတ် လှည်းဘီး စကြ၀ဠာ ဟာတစ်ခုတည်းနဲ့  အသွင်းသဏ္ဍန် တူပါတယ်..။တောက်ပတဲ့ အလယိဗဟိုတစ်ခုကနေ ရစ်လိမ်ပြီး ထွက်လာတယ်ထင်ရတဲ့ ကြီးမားတဲ့ မောင်းတံအစင်းအရစ်တွေ ရှိပါတယ်..။ နှမောင်း နှစ်ခုပါတဲ့ စကြ၀ဠာမှာ စကြ၀ဠာ အလယ်ဗဟိုကို ဖြတ်သန်းတဲ့ ဘားတန်းတစ်ခုစီရှိပါတယ်..။ ဘဲဥပုံသဏ္ဍန် စကြ၀ဠာတွေကတော့ အပြားဝိုင်း ပုံသဏ္ဍန်ကနေ အ၀ိုင်းလုံးပုံသဏ္ဍန်အထိ ပုံသဏ္ဍန်တွေ အမျိုးမျိုး ကွဲ ပြားပါတယ်..။သူတို့  ထဲမှာ ကြယ်အဟောင်းတွေ ပါဝင်ဖွဲ့ စည်းထားပါတယ်..။ ဓတ်ငွေ့ (တိမ်တိုက်) နဲ့  ဖုန်(တိမ်တိုက်)တွေ တော့ ပါဝင်ဖွဲ့  စည်းထားတာမတွေ့ ရပါဘူး..။ပုံသဏ္ဍန်မမှန်တဲ့ စကြ၀ဠာတွေမှာတော့ တိကျတဲ့ သဏ္ဍန်ရယ်လို့  မရှိပါဘူး..။(၀ိုင်းသည်..၊ပြားသည် ၊ ရှည်သည် စသည်ဖြင့် လို့  တိကျစွာ မှတ်ယူလို့ မရပါဘူး..။) အခြားအမျိုးစားတွေ ထက်စာရင်..သူတို့ ကိုတွေ့ မြင်ရမူဟာ အလွန်းနည်းပါး ပါတယ်...။(သူတို့ ရဲ့  အရည်အတွက်ဟာ ပိုမို နည်းပါးလှပါတယ်..။)




  • Digg
  • Del.icio.us
  • StumbleUpon
  • Reddit
  • RSS
Read User's Comments0

ကမ္ဘာ့ပထမဆုံး ဂြိုလ်တု

| Labels:

ဆိုဗီယက်နိုင်ငံမှ ဆက်သွယ်ရေး ဂြိုဟ်တု Sputnik-1 သည် အာကာသသို့ လူသားများမှ လွှတ်တင်ခဲ့သော ပထမဆုံး ဂြိုဟ်တုဖြစ်ခဲ့၍ ၎င်းင်းသည် ၁၉၅၇ ခုနှစ် အောက်တိုဘာလ ၄ ရက်တွင်ဖြစ်သည်။ အဆိုပါ ဂြိုဟ်တုသည် အချင်း ၂၂ လက်မရှိ၍ ၁၈၅ ပေါင် လေးသည်။ အမေရိကန်ပြည်ထောင်စုမှ ဆက်သွယ်ရေးဂြိုဟ်တု Explorer-1 ကို ၁၉၅၈ ခုနှစ် ဇန်န၀ါရီလ ၃၁ ရက်တွင်လွှတ်တင်ခဲ့ပါသည်။

  • Digg
  • Del.icio.us
  • StumbleUpon
  • Reddit
  • RSS
Read User's Comments0

အရေးပါဆုံး ဂြိုဟ်တုစနစ်များနှင့် ကျွန်ုပ်တို့၏ကမ္ဘာကြီး

| Labels:



၂၀၀၇ ခုနှစ် စက်တင်ဘာလတွင် အမေရိကန် သမတ္တ ဘုရှ် က အိမ်ဖြူတော်တွင် GPS နှင့်ပက်သက်သော သဘောတူညီမှု တစ်ခု ကို အတည်ပြုခဲ့သည်။ ယခုလက်ရှိ တစ်ကမ္ဘာလုံး အသုံးပြုနေသော ကမ္ဘာ့နေရာပြစနစ် GPS (Global Position System) အား အမေရိကန် ကာကွယ်ရေး ဝန်ကြီးဌာန တစ်ခုတည်းသာ အသုံးပြုနိုင်သော channel ကို ချန်လှပ်ပြီး ကျန် တစ်ကမ္ဘာလုံး အသုံးပြုနေသည့် channel ကို ၎င်းတို့ အနေဖြင့် လုံးခြုံရေးအတွက် သံသယ ရှိသည်ဟု ယူဆချိန်တွင် အချိန်မရွေး ပိတ်ပစ်မည် ဖြစ်ကြောင်း အတည်ပြုခဲ့သည်။

ထိုသဘောတူညီမှုကြောင့် တစ်ကမ္ဘာလုံး ထိတ်လန့်ခဲ့ကြရသည်။ အထူးသဖြင့် နိုင်ငံအသီးသီးရှိ ကာကွယ်ရေးလုပ်ငန်းများ၊ စူးစမ်းလေ့လာရေးလုပ်ငန်းများ၊ သမိုင်းပြုစုသည့်လုပ်ငန်းများ၊ ခရီးသွားလာမှု လုပ်ငန်းများနှင့် အခြားအခြားသော GPS ကို မရှိမဖြစ် အသုံးပြုနေရသော လုပ်ငန်းများအတွက် တာဝန်ရှိသူများက ပိုမိုစိုးရိမ်ခဲ့ကြသည်။ အဓိကအားဖြင့် နိုင်ငံတိုင်းအတွက် အရေးကြီးသည့် ကာကွယ်ရေးလုပ်ငန်းများ နှောင့်နှေးသွားခြင်း၊ နေရာရှာဖွေမှု အခက်အခဲများ ကြုံတွေ့ကာ ကြန့်ကြာစေခြင်းနှင့် မလိုအပ်ပဲ အချိန်၊ ခွန်အား၊ ငွေနှင့် လူအရင်းအမြစ်များ ကုန်ဆုံးခြင်းများ ဖြစ်လာပေမည်။


ဂြိုဟ်တုစနစ်များနှင့် ကျွန်ုပ်တို့ကမ္ဘာ


ဤအခြေအနေကို ကမ္ဘာအရပ်ရပ်ရှိ နိုင်ငံများကလည်း ကြိုတင်မျှော်တွေးပြီးသား ဖြစ်သည်။ မူလကတည်းက အာကာသစနစ်များတွင် ထိပ်ဆုံးရောက်နေသော ရုရှားဖက်ဒရေးရှင်း နိုင်ငံသည် GPS နှင့် အပြိုင် Glonass (Global Navigation satellite system) ကို တည်ထောင်ခဲ့ပြီးဖြစ်သည်။ ဥရောပသမဂ္ဂ ကလည်း သမဂ္ဂဝင်နိုင်ငံများ စုပေါင်း၍ Galileo ၊ အိန္ဒိယနိုင်ငံက IRNNS ၊ တရုတ်ပြည်သူ့သမတ္တနိုင်ငံမှ Beidou နှင့် ဂျပန်နိုင်ငံ မှ QZSS စသည့် နိုင်ငံများအလိုက် ဂြိုဟ်တုစနစ်တို့ကို စီမံကိန်းများ ချမှတ်၍ အကောင်အထည် ဖေါ်ခဲ့ကြသည်။ သို့သော် လောလောဆယ်မှာ NAVSTAR မှ GPS နှင့် GLONASS နှစ်ခု သာ အသုံးပြုနိုင်သေးကာ ကျန် စနစ်များမှာ အသုံးပြုနိုင်ရန် အချိန်အတော်ကြာအောင် စောင့်ရပေဦးမည်။


ကမ္ဘာကြီးနှင့် ဂြိုဟ်တုများ


GLONASS စနှစ်မှာလည်း ရုရှားဖက်ဒရေးရှင်းနိုင်ငံမှ ကန့်သက်ချက် များသောကြောင့် GPS ကိုသာ အားကိုးအားထား ပြုနေကြရသည်။ ယနေ့ကမ္ဘာတွင် ဂြိုဟ်တုစနစ်ပေါင်းများစွာ ရှိသည့်အနက် GPS ဂြိုဟ်တုစနစ်တစ်ခုတည်းသာ ဤသို့ပြဿနာ ကြုံရခြင်းဖြစ်သည်။ အခြားသော မိုးလေဝသဂြိုဟ်တု (weather satellite)၊ ဆက်သွယ်ရေးဂြိုဟ်တု (telstar communication satellite)၊ အာကာသ စူးစမ်းရှာဖွေရေးဂြိုဟ်တု (discovery satellite) စသည့် ဂြိုဟ်တု စနစ်များနှင့် ကမ္ဘာ့နေရာပြစနစ် (GPS) တွင် သုံးသော ဂြိုဟ်တုများက မည်သို့ကွာခြားသောကြောင့်နည်း? GPS စနစ်တစ်ခုတည်းကို NASA (National Aeronautics and Space Administration) မှ မကိုင်ပဲ Pentagon နှင့် အမေရိကန်သမတ္တက အဘယ်ကြောင့် ချုပ်ကိုင်ရသနည်း? GPS စနစ်က မည်မျှ အရေးပါသောကြောင့်နည်း? ယခုနှစ်ပိုင်းတွင်း အဘယ်ကြောင့် ရေပန်းစားလာရသနည်း? မည်သည့်ခုနှစ်ကတည်းက ပေါ်ပေါက်လာခဲ့သနည်း? ယဉ်တိုင်း၊ နောက်ဆုံးပေါ် အီလက်ထရောနစ် ပစ္စည်းတိုင်းတွင် အဘယ်ကြောင့်နေရာယူလာရသနည်း? အခြားနိုင်ငံများမှ GPS ကိုပြိုင်ဆိုင်မည့် ဂြိုဟ်တုစနစ်များမှာ အဘယ်နည်း? စသည့် မေးခွန်းပေါင်းများစွာ ရှိလာပေသည်။

မှန်သည်။ GPS စနစ်သည် ယနေ့ တိုးတက်လာသော ကမ္ဘာတွက် အရေးအပါဆုံး ဂြိုဟ်တုစနစ်ဖြစ်သည်။ နေရာတိုင်း အခန်းတိုင်းတွင် အသုံးဝင်သည်။ ကောင်းပြီ GPS ဂြိုဟ်တုစနစ်များအကြောင်း လေ့လာကြပါစို့။

ဂြိုဟ်တုများ


NAVSTAR GPS

NAVSTAR ၏ တံဆိပ်

NAVSTAR GPS ဆိုသည်မှာ NAVigation Satellites providing Time And Range & Global Positioning System (ဂြိုဟ်တုများ ပဲ့ထိန်းမောင်းနှင်သွားလာရန် အတွက် အချိန်နှင့် အကွာအဝေး စီစဉ်ချမှတ်ပေးခြင်းစနှစ် နှင့် ကမ္ဘာ့နေရာပြစနစ်) ဖြစ်သည်။ Positioning service နှစ်ခုရှိပြီး အမေရိကန် ကာကွယ်ရေးဝန်ကြီးဌာန တစ်ခုတည်းသာ အသုံးပြုနိုင်သော Precise Positioning Service/PPS နှင့် တစ်ကမ္ဘာလုံး အသုံးပြုနိုင်သည့် Standard Positioning Service/SPS ဟူ၍ဖြစ်သည်။ Precise Positioning Service မှာ တိကျသေချာမှု ၉၅% ရှိပြီး ပြင်ပရှိတည်နေရာအမှန်နှင့် GPS မှ ဖော်ပြသော တည်နေရာ၏ အမြင့်ဆုံးကွာဟမှုမှာ ရေပြင်ညီ (horizontal) ၁၆ မီတာနှင့် ဒေါင်လိုက် (vertical) ၂၃ မီတာ ဖြစ်သည်။ Standard Positioning Service မှာ ရေပြင်ညီ (horizontal) ၁၀၀ မီတာနှင့် (vertical) ၁၅၆ မီတာ ဖြစ်သည်။


GPS ဂြိုဟ်တု


GPS ဂြိုဟ်တု ၂၄ လုံးနှင့် ပတ်လမ်း ၆ ခု

NAVSTAR GPS စနစ် ပေါ်ပေါက်လာပုံမှာ - ၁၉၆၀ အစောပိုင်းတွင် ပင်တဂွန် Pentagon စစ်ဌာနချုပ် (အမေရိကန် ကာကွန်ရေးဝန်ကြီး ဌာနချုပ်) မှ အစီစဉ်ရေးဆွဲခဲ့သော အမေရိကန် ရေတပ် (US Navy) ၏ US Navy's TIMATION Program နှင့် အမေရိကန် လေတပ် (US Air Force) ၏ 621B Project တို့နှစ်ခု မှ စတင်ခဲ့သည်။

၁၉၇၃ ခုနှစ်တွင် GPS စနစ်ဟု ပြောင်းလဲခဲ့ပြီး အမေရိကန် တပ်မတော်တစ်ခုသာ အသုံးပြုနိုင်သည့် Channel ကို အကောင်အထည် ဖော်နိုင်ခဲ့သည်။ ပထမဆုံးဂြိုဟ်တုကို ၁၉၇၄ ခုနှစ် ဂျူလိုင် (၁၄)ရက်နေ့က အောင်မြင်စွာ လွှတ်တင်နိုင်ခဲ့သည်။ ဂြိုဟ်တု အရေအတွက်ကိုလည်း စတင် တည်ထောင်ချိန်က ၄ လုံး သာ သုံးခဲ့ရာမှ တဖြည်းဖြည်း အရေအတွက် တိုးမြှင့်နိုင်ခဲ့သည်။ ထို့နောက် နေတိုးအဖွဲ့ (NATO) ခေါ် မြောက်အတ္တလန်တိတ် စာချုပ်အဖွဲ့ဝင်နိုင်ငံများ (North Atlantic Treaty Organization)နှင့် အခြား မဟာမိတ်နိုင်ငံအချို့ကို အသုံးပြုခွင့်ပေးခဲ့သည်။ ၁၉၉၀ နှစ်လည်ပိုင်းတွင် တွင် ဂြိုဟ်တု ၂၄ လုံး စလုံး လွှတ်တင်ပြီးစီးပြီး နောက်ဆုံး ရလဒ်ကို ၁၉၉၅ အေပရယ် (၂၇)ရက်နေ့ တွင် တစ်ကမ္ဘာလုံး စတင်အသုံးပြုနိုင်ခဲ့သည်။ ၂၀၀၇ခုနှစ် ဖေဖော်ဝါရီလတွင် အရန်နှင့် ကွပ်ကဲမှုအတွက် ဂြိုဟ်တု (၆)လုံးအပါအဝင် စုစုပေါင်း ဂြိုဟ်တု အလုံး(၃၀) လွှတ်တင်ပြီးဖြစ်သည်။

အလုပ်လုပ်ဆောင်ပုံမှာ - NAVSTAR GPS စနစ်တွင် ဂြိုဟ်တု (၂၄)လုံး အသုံးပြုပြီး ပက်လမ်း (၆) ခု သက်မှတ်ကာ ပက်လမ်းတစ်ခုတွင် ဂြိုဟ်တု (၄) လုံး ကို အကွာအဝေးညီစွာဖြင့် ကမ္ဘာကို လှည့်ပက်စေသည်။ အီကွေတာ မှ ၅၅ ဒီဂရီ တိမ်းစောင်းလှည့်ပက်စေကာ ကမ္ဘာကို တစ်ပက်ပြည့်ရန် ၁၁ နာရီ ၅၈ မိနစ် ကြာမြင့်သည်။ ဂြိဟ်တု တစ်လုံးစီ၏ ကမ္ဘာမှ အကွာအဝေးမှာ ၂၀၂၀၀ ကီလိုမီတာ (၁၀၉၀၀ မိုင်) ဖြစ်သည်။ ပက်လမ်း၏ အချင်းဝတ်မှာ ၂၆၆၀၀ ကီလိုမီတာ (၁၆၅၀ မိုင်) ဖြစ်ည်။ (ကမ္ဘာ၏ အချင်းဝတ် = ၆၃၇၈.၁ ကီလိုမီတာ၊ ၃၉၆၁.၃ မိုင် ) တည်နေရာရှာဖွေမှုအတွက် ဒဗလူဂျီအက်စ် ၈၄ စနစ် (WGS 84 system) ကို အသုံးပြုသည်။ မြေပြင်ရှိ အဓိက ထိန်းချုပ်ရေးစခန်း (Master Control Station) ကို ကော်လိုရာဒို (Colorado Springs) တွင် ထားရှိပြီး စခန်းငယ်များကို ကော်လိုရာဒို (Colorado Springs)၊ ဟာဝိုင်အီကျွန်း (Hawii)၊ အတ္တလန်တိတ် သမုဒ္ဒရာတွင်းတွင် Ascension၊ အိန္ဒိယ သမုဒ္ဒရာတွင်းတွင် Dieo Garcia နှင့် ပစိဖိတ် သမုဒ္ဒရာတွင်းတွင် Kwajalein ဟူ၍ ထားရှိသည်။ ဂြိုဟ်တုများထံသို့ ပြန်လည် ထိန်းချုပ်မှု ပြုလုပ်ရန်အတွက် မြေပြင် အန်တင်နာများကိုလည်း Ascension၊ Dieo Garcia နှင့် Kwajalein တို့တွင် တည်ဆောက်ထားသည်။


မြေပြင်စခန်းတည်ရှိရာ နေရာများ


ဂြိုဟ်တု ၃ လုံး၏ အကွာအဝေး ၃ ခုမှ တည်နေရာ ရှာဖွေပုံ


တည်နေရာရှာဖွေမှု - တည်နေရာကို ရှာဖွေသက်မှတ် ပုံမှာ ပထမဆုံး ကမ္ဘာပေါ်ရှိ GPS receiver တစ်ခုဆီ သို့ Signal ရရှိသော ဂြိုဟ်တုများမှ အကွာအဝေးများကို တိုင်းတာသက်မှတ်မည်။ ထို့နောက် ရရှိသော အကွာအဝေး ကီလိုမီတာအတိုင်း အချင်းဝတ်ယူကာ စက်ဝိုင်းများကို ဝိုင်းစေပါမည်။ အကယ်၍ ဂြိုဟ်တု ၅ လုံးမှ Signal ရရှိနိုင်လျှင် စက်ဝိုင်းငါးခု ပေါ်ပေါက်လာမည်ဖြစ်ပြီး ၎င်းစက်ဝိုင်း(၅)ခု၏ ဆုံမှတ်သည် သိချင်သော receiver ၏ ယခု ရှိနေသော တည်နေရာပင်ဖြစ်သည်။ နေရာရှာဖွေမှုကို အသေးစိတ် ထပ်မံသိရှိလိုပါက http://www.meepyatite.info/2009/01/global-positioning-system.html တွင် ဖတ်ရှုနိုင်ပါသည်။ GPS စနစ်တွင် ကမ္ဘာပေါ်ရှိ အမှတ် (၁)မှတ်လျှင် ဂြိုဟ်တု အနည်းဆုံး (၅)လုံးမှ အများဆုံး (၁၀)လုံးထိ Signal ကောင်းကောင်းရရှိနိုင်ရန် စီစဉ်ထားသည်။ (ကျနော် မြန်မာနိုင်ငံတွင် အသုံးပြုစဉ်က အနည်းဆုံး ၇ လုံးနှင့် အများဆုံး ၁၂ လုံးထိ ရခဲ့သည်။)


GPS ဂြိုဟ်တု လမ်းကြောင်းများ


GPS ဂြိုဟ်တုအား သယ်ဆောင်သော ဒုံးပျံယဉ်


ဒုံးပျံယဉ်၏ အတွင်းပိုင်း


GPS signal သံသရာ


GPS ဂြိုဟ်တုများသည် L1 နှင့် L2 ဟူသော် signal နှစ်ခု ကို သယ်ဆောင်ထုတ်လွှတ်ပြီး ၎င်း signal ကို A\C binary code နှင့် P code တို့ဖြင့် data message အဖြစ် GPS receiver မှ ပြောင်းလဲရသည်။ NAVSTAR စနစ်တွင် incoming signals ဖမ်းယူမှုအတွက် Code division multiple access (CDMA) စနစ်ကို အသုံးပြုသည်။








GLONASS ( ГЛОНАСС )


GLONASS အမှတ်တံဆိပ်

GLONASS (Global'naya Navigatsionnaya Sputnikovaya Sistema) ဆိုသည်မှာ GLObal NAvigation Satellite System ဖြစ်သည်။ ရုရှားဖက်ဒရေးရှင်း နိုင်ငံမှ အစိုးရ တပ်မတော်အတွက် အသုံးပြုရန် တည်ဆောက်ထားသော စနစ်ဖြစ်သည်။ GPS စနစ်ကဲ့သို့ပင် တည်နေရာရှာဖွေ သောစနစ်ဖြစ်သည်။ သို့သော် တစ်ကမ္ဘာလုံး အသုံးမပြုနိုင်အောင် ကန့်သက်ထားသည်။

GLONASS စနစ်ကို ၁၉၇၆ ခု နှစ်တွင် စတင်စမ်းသပ်ခဲ့ပြီး ၁၉၉၅ ခုနှစ်တွင် အောင်မြင်ပြီးစီးခဲ့သည်။ သို့သော် ထိုနှစ်များအတွင်း ရုရှားနိုင်ငံ၏စီးပွားရေး အကြီးအကျယ် ကျဆင်းနေသောကြောင့် စမ်းသပ်မှုကို ရပ်တန့်ခဲ့ရသည်။ ကာလကြာရှည်စွာ ပစ်ထားသောကြောင့် ဂြိုဟ်တုစနစ်များ ယိုယွင်းပျက်စီးခဲ့ရပြီး ၂၀၀၁ ခုနှစ်တွင် အာကာသ၌ ဂြိုဟ်တု (၈) လုံးသာ ကျန်တော့သည်။ ထိုနှစ်မှာပင် အိန္ဒိယနိုင်ငံနှင့် ပူးပေါင်း၍ GLONASS ကို ပြန်လည် အသက်သွင်းခဲ့သည်။


GLONASS စနစ်


GLONASS ဂြိုဟ်တု

ဤစနစ်တွင် ဂြိုဟ်တု ၂၁ လုံးကို အသုံးပြုထားပြီး ပက်လမ်း ၃ ခုသာ ထားရှိကာ ပက်လမ်းတစ်ခုလျှင် ဂြိုဟ်တု (၇)လုံးစီ လှည့်ပက်စေပါသည်။ GLONASS ဂြိုဟ်တု တစ်လုံးစီသည် ကမ္ဘာမှ ၁၉၁၀၀ ကီလိုမီတာ (၁၁၈၆၈ မိုင်) ကွာဝေးသည်။ ဂြိုဟ်တု တစ်လုံးလျှင် ကမ္ဘာကို တစ်ပက်ပြည့်ရန် ၁၁ နာရီ ၁၅ မိနစ်ကြာမြင့်သည်။ ပက်လမ်းများကို အီကွေတာ မှ ၆၅ ဒီဂရီ တိမ်းစောင်းလျှက် ထားရှိသည်။ ဂြိုဟ်တု တစ်လုံးစီ၏ အလေးချိန်မှာ ၁၃၀၀ ကီလိုဂရမ် ခန့်လေးပြီး အရွယ်အစားမှာ အချင်းဝတ် ၁.၁၇၅ မီတာရှိသည်။ GLONASS ဂြိုဟ်တုများသည် signal နှစ်မျိုးကို သယ်ဆောင်ပြီး တစ်မျိုးမှာ Standard Precision (SP) signal ဖြစ်ပြီး နောက်တစ်မျိုးမှာ High Precision (HP) signal ဖြစ်သည်။ ကမ္ဘာမြေမှ ဖမ်းယူမှုအတွက် NAVSTAR ကဲ့သို့ CDMA လိုင်းကို အသုံးမပြုပဲ Frequency Division Multiple Access (FDMA) နည်းပညာကို အသုံးပြုသည်။


ပတ်လမ်း ၃ ခုနှင့် GLONASS ဂြိုဟ်တုများ


GLONASS ဂြိုဟ်တုအား သယ်ဆောင်သည့် ဒုံးပျံယဉ်


GLONASS ဂြိုဟ်တုအား သယ်ဆောင်သည့် ဒုံးပျံယဉ်


တည်နေရာရှာဖွေပုံမှာ NAVSTAR GPS စနစ်နှင့် အတူတူဖြစ်ပြီး ရှာဖွေမှု စနစ်တွင် Earth Parameter System 1990 (PZ-90) စနစ်ကို အသုံးပြုသည်။

GPS နှင့် GLONASS အတွက် GPS+GLONASS receiver များမှာ
  1. Ashtech’s GG24 receiver is the world’s first fully integrated GPS+GLONASS receiver.
  2. LAIPAC System’s: TF 50 GPS + GLONASS receiver.
  3. GPS/GLONASS Receiver(ARGO-16)
  4. Javad Navigation Systems
  5. Leica
  6. NovAtel
  7. Trimble
  8. Topcon’s GMS-2 တို့ဖြစ်သည်။


Galileo

GALILEO

Galileo System

European Global Satellite Navigation System ဖြစ်ပြီး ဥရောပ နိုင်ငံများတွင် ဂြိုဟ်တုစနစ် ဖွံ့ဖြိုးတိုးတက်စေရန်နှင့် NAVSTAR စနစ်ကို မမှီခိုပဲ ကိုယ်ပိုင်တစ်ခု လုပ်နိုင်ရန် ရည်ရွယ်သည်။ အီတလီ အာကာသနှင့် သိပ္ပံပညာရှင် ဂယ်လီလီယို (Galileo Galilei) ကို အစွဲပြု၍ အမည်ပေးခဲ့ခြင်းဖြစ်သည်။ ၁၉၉၉ ခုနှစ် တွင် ဂျာမဏီ၊ ပြင်သစ်၊ အီတလီ နှင့် ယူနိုက်တက်ကင်းဒွန်း နိုင်ငံရှိ အင်ဂျင်နီယာများက စတင်စဉ်းစားခဲ့ကြပြီး ပထမအဆင့် သဘောတူညီမှုကို ၂၀၀၃ ခုနှစ် မေလ ၂၆ တွင် လက်မှတ်ရေးထိုးခဲ့ကြသည်။ ၂၀၀၃ခုနှစ် စက်တင်ဘာတွင် တရုတ်ပြည်သူ့သမတ္တနိုင်ငံမှ ဂြိုဟ်တုပဲ့ထိန်းစနစ်များ တိုးတက်ရေးအတွက် ဥရောပသမဂ္ဂနှင့် ဆက်သွယ်ခဲ့ရာမှ စတင်စဉ်းစားခဲ့သည်။ ၂၀၀၇ ခုနှစ် နိုဝင်ဘာ ၃၀ တွင် ဥရောပသမဂ္ဂမှာ ပို့ဆောင်ရေးဝန်ကြီး ၂၇ ဦးတို့က သဘောတူ လက်မှတ်ရေးထိုးခဲ့ကြပြီး ၂၀၁၃ တွင် စတင်အသုံးပြုနိုင်ရန် စီမံကိန်းချခဲ့ကြသည်။


Galileo ဂြိုဟ်တု

ဤစနစ်ကို Public-Private-Partnership (PPP) ဟူ၍ သက်မှတ်ထားပြီး စနစ်ကြီး တစ်ခုလုံးအတွက် ကုန်ကျစရိတ်များကို ဂျာမဏီနိုင်ငံမှာ (၂၀.၉%)၊ ပြင်သစ်နိုင်ငံမှ (၁၇%)၊ ဗြိတိန်နိုင်ငံမှ (၁၆%)၊နှင့် အီတလီနိုင်ငံမှ (၁၅.၂%) ကျခံရန် သဘောတူခဲ့ကြသည်။ အဓိက မြေပြင်စခန်းနှစ်ခုကို ဂျာမနီနိုင်ငံ (Germany) မူးနစ်ခ်ျ မြို့ (Munich) နှင့် အီတလီနိုင်ငံ (Italy) ရိုမီ (Rome) မြို့၏အရှေ့ဖက် ၁၃၀ ကီလိုမီတာဝေးသော ဖူစီနို (Fucino)တွင် ထားရှိမည်ဖြစ်သည်။ အသုံးပြုသူများအတွက် နှစ်မျိုးနှစ်စားဖြင့် ဝန်ဆောင်မှုပေးရန် စီစဉ်ထားပြီး အခမဲ့ အခြေခံဝန်ဆောင်မှု (A free, basic service) နှင့် အာမခံအတွက် အရစ်ကျငွေပေးသွင်းရသည့် ဝန်ဆောင်မှု (A premium chargeable service with additional features) ဟူ၍ ဖြစ်သည်။ ၂၀၀၀ပြည့်နှစ်က ဥရောပသမဂ္ဂနိုင်ငံများ သဘောတူညီမှု ရယူခဲ့ကြပြီး ၂၀၀၁ခုနှစ်တွင် မြေပြင်အဆောက်အုံများ၊ ဂြိုဟ်တုနှင့် ဆက်သွယ်ရေးဆိုင်ရာ အဆောက်အုံးများကို တည်ဆောက်ရန် စတင်ခဲ့သည်။


ပတ်လမ်း ၃ ခုနှင့် ဂြိုဟ်တု အလုံး ၃၀

စုစုပေါင်းဂြိုဟ်တုအရေအတွက် ၂၇ လုံး အသုံးပြုမည်ဖြစ်သည်။ ကမ္ဘာကို ပက်လမ်း ၃ ခုဖြင့်ပက်မည်ဖြစ်ပြီး ပက်လမ်းတစ်ခုလျှင် ဂြိုဟ်တု ၁၀ လုံးစီ အကွာအဝေး တူညီစွာ လှည့်ပ်မည်ဖြစ်သည်။ ကမ္ဘာတစ်ပက်ပြည့်ရန် ၁၄ နာရီ ၂၂ မိနစ် ကြာမည်ဖြစ်သည်။ ကမ္ဘာမှာ အကွာအဝေး ၂၃၆၁၆ ကီလိုမီတာ ထိ လွှတ်တင်မည်ဖြစ်ပြီး အီကွေတာမှ ၅၆ ဒီဂရီ တိမ်းစောင်း၍ လှည့်ပက်မည်ဖြစ်သည်။ CDMA ဆက်သွယ်ရေးစနစ်ကို အသုံးပြုမည်။

GPS နှင့် Galileo အတွက် GPS+ Galileo receiver များမှာ

  1. Whistler GPS100 Galileo Global Positioning System (GPS-100, GPS 100)SKU: GPS100
    Brand: Whistler
  2. GSTB_V2 Galileo Experimental Test Receiver (GETR) Available since 2004
  3. Galileo TUR (Test User Receiver) Under Development (GPS + Galileo)

နှိုင်းယှဉ်ချက်



IRNSS

Indian Regional Navigational Satellite System (အိန္ဒိယနိုင်ငံ ဂြိုဟ်တုပဲ့ထိန်းမောင်းနှင်သည့်စနစ်) ဖြစ်သည်။ အန္ဒိယနိုင်ငံ၏ ကိုယ်ပိုင်လုံခြုံရေးအတွက်ရည်ရွယ်ပြီး ဂြိုဟ်တု (၇) လုံး လွှတ်တင်ပြီးဖြစ်သည်။ ၂၀၀၆ ခုနှစ် မေ လ တွင် အိန္ဒိယအစိုးရ၏ ခွင့်ပြုချက် ရရှိခဲ့ပြီး ၂၀၁၂ တွင် အသုံးပြုနိုင်ရန် မျှော်လင့်ထားသည်။ အိန္ဒိယရူပီးပေါင်း ၁၆ ဘီလီယံ အသုံးပြုရန်ရည်ရွယ်ထားသည်။


IRNSS ဂြိုဟ်တု
IRNSS စနစ်နှင့် အိန္ဒိယနိုင်ငံ


Beidou

Beidou ဆိုသည်မှာ တရုတ်ပြည်သူ့သမတ္တနိုင်ငံ ဂြိုဟ်တုများ မောင်းနှင်ပဲ့ထိန်းပေးသော စနစ် (Chiness Regional Satellite Navigation System) ဖြစ်သည်။ စီမံကိန်းအရ ဂြိုဟ်တုပေါင်း (၃၅) လုံး ပါဝင်၍၊ ယခုချိန်ထိ ဂြိုဟ်တု (၃) လုံး လွှတ်တင်ခဲ့ပြီးဖြစ်သည်။ Signal ဖမ်းယူမှုအတွက် CDMA လိုင်းကို အသုံးပြုမည်ဖြစ်သည်။


Beidou ဂြိုဟ်တု
Beidou ဂြိုဟ်တု နှင့် ကမ္ဘာမြေ
Beidou ဂြိုဟ်တု နှင့် တရုတ်နိုင်ငံ
Beidou ဂြိုဟ်တု နှင့် ၎င်း၏ ဒုံးပျံယဉ်



Beidou System


DORIS

Doppler Orbitography and Radio-positioning Integrated by Satellite ဖြစ်သည်။ ပြင်သစ်နိုင်ငံ မှ တည်ထောင်ထားပြီး ဂြိုဟ်ပက် လမ်းကြောင်းများကို လေ့လာစူးစမ်းရန်နှင့် ကမ္ဘာမြေပြင်ကို နေရာတိတိကျကျ ဖော်ပြနိုင်ဖို့ ကြိုးစားရန် စီမံထားသော စနစ်တစ်ခု ဖြစ်သည်။


DORIS System


QZSS

The Quasi-Zenith Satellite System ဖြစ်သည်။ GPS စနစ်မှ အချိန်များကို ဂျပန်စံတော်ချိန် သို့ ပြောင်းလဲနိုင်ရေးအတွက် ဂြိုဟ်တု (၃) လုံးဖြင့် ဖွဲ့စည်းတည်ဆောက်ထားသော စနစ်ဖြစ်သည်။ ၂၀၀၈ ခုနှစ်က ပထမဆုံး ဂြိုဟ်တု ကို လွှတ်တင်နိုင်ခဲ့ပြီးဖြစ်သည်။ စီမံကိန်းကို ၂၀၁၃ ခုနှစ်တွင် အားလုံးပြီးဖို့ မျှော်လင့်ထားသည်။ ဂျပန်နိုင်ငံအတွင်း၌သာ အသုံးပြုနိုင်မည်ဖြစ်သည်။



QZSS ဂြိုဟ်တု


QZSS System


QZSS ဂြိုဟ်တု ၃ လုံးနှင့် ပတ်လမ်း

Source: meepyatite

  • Digg
  • Del.icio.us
  • StumbleUpon
  • Reddit
  • RSS
Read User's Comments0

Space Shuttle

| Labels:

အာကာသလွန်းပျံယာဉ် (Space Shuttle) သည် လူလိုက်ပါသော အာကာသ mission များအတွက် အမေရိကန်နိုင်ငံ အမျိုးသား လေကြောင်းနှင့် အာကာသဆိုင်ရာ အုပ်ချုပ်မှုအဖွဲ့ (National Aeronautics and Space Administration – NASA) မှ ပိုင်ဆိုင်သော ပြန်လည်အသုံးပြုနိုင်သည့် စနစ်ပါရှိသော အာကာသယာဉ် (reusable launch system and orbital spacecraft) ဖြစ်သည်။ အဆိုပါ အာကာသလွန်းပျံယာဉ်ကို အာကာသပို့ဆောင်ရေးစနစ် (Space Transportation System) ဟူ၍လည်းခေါ်ဆိုသည်။ ထိုစနစ်ကို ဒုံးပျံပစ်လွှတ်မှု (rocket launch) ၊ ပတ်လမ်းဆိုင်ရာ အာကာသယာဉ် (orbital spacecraft) နှင့် ပြန်လည်ဝင်ရောက်နိုင်သည့် အာကာသယာဉ် (re-entry spaceplane) စသည်တို့ဖြင့် ဖွဲ့စည်းထားသည်။ ၁၉၈၁ ခုနှစ်တွင် စမ်းသပ်ပစ်လွှတ်မှု လေးကြိမ်ပြုလုပ်ခဲ့ပြီး ၁၉၈၂ ခုနှစ် အစပိုင်းတွင် စတင်ပစ်လွှတ်ခဲ့သည်။ အဆိုပါ အာကာသပို့ဆောင်ရေးစနစ် (STS) ကို ၂၀၁၁ ခုနှစ်၌ပစ်လွှတ်မှု ၁၃၅ ကြိမ် ပြီးမြောက်လျှင် ရပ်ဆိုင်းမည်ဟု အစီအစဉ်ပြုလုပ်ထားသည်။ ဂြိုဟ်တုပေါင်းများစွာနှင့် ဂြိုဟ်သွားအာကာသယာဉ်များစွာ တို့ကို ပို့ဆောင်လွှတ်တင်ပေးနိုင်ခဲ့သည်။ အာကာသသိပ္ပံ သုတေသနစမ်းသပ်မှုများနှင့် နိုင်ငံတကာ အာကာသစခန်းတည်ဆောက်မှုများတွင် ပါဝင်ခဲ့သည်။

NASA ၊ US ကာကွယ်ရေးဌာန ၊ ဥရောပအာကာသအေဂျင်စီ ၊ ဂျပန်နိုင်ငံ နှင့် ဂျာမနီနိုင်ငံတို့အတွက် အာကာသပတ်လမ်းအတွင်း လှည့်ပတ်နေသော mission များ ပြုလုပ်ရာတွင် အသုံးပြုခဲ့သည်။ အမေရိကန်နိုင်ငံမှ STS နှင့် လွန်းပျံယာဉ် operation များအတွက် အကုန်အကျခံခဲ့သည်။ ယခင်အနောက် ဂျာမနီမှ Spacelab D1 အတွက် အကုန်အကျခံခဲ့ပြီး လက်ရှိ ဂျာမနီနိုင်ငံမှ Spacelab D2 အတွက် အကုန်အကျခံခဲ့သည်။ အာကာသသိပ္ပံ သုတေသန ဓာတ်ခွဲခန်းဖြစ်သော SL-J အတွက် ဂျပန်နိုင်ငံမှ တစ်စိတ်တစ်ပိုင်း အကုန်အကျခံခဲ့သည်။

အာကာသလွန်းပျံယာဉ်တွင် လိမ္မော်ရင့်ရောင်ရှိသော ပြင်ပလောင်စာဆီကန် (External Tank – ET) ၊ အဖြူရောင်ရှိသော လောင်စာခဲသုံးတွန်းကန် ဒုံးပျံ နှစ်ခု (Solid Rocket Booster – SRB) ၊ အာကာသယာဉ်မှုးများနှင့် payload တို့ပါဝင်သော ပတ်လမ်းအတွင်း ၀င်ရောက်သည့် အာကာသယာဉ် (Orbiter Vehicle – OV) တို့ပါဝင်သည်။ STS စနစ်တွင် ပါရှိသော Single-stage Payload Assist Module နှင့် Two-stage Inertial Upper Stage တို့ဖြင့် အမြင့်ပေ ပိုမိုမြင့်မားသော ပတ်လမ်းများ အတွင်းသို့ payload များကို ပို့ဆောင်နိုင်သည်။ Vehicle Assembly Building ထဲ၌ အာကာသလွန်းပျံယာဉ်ကို တစ်ဆင့်ပြီးတစ်ဆင့် တပ်ဆင်၍ explosive bolt ရှစ်ခု ပါရှိသော ရွေ့လျားနိုင်သည့် ပစ်လွှတ်စင် (mobile launch platform) တွင် တပ်ဆင်သည်။ အဆိုပါ explosive bolt များသည် ပစ်လွှတ်မှု စတင်ချိန်တွင် လောင်စာခဲသုံးတွန်းကန် ဒုံးပျံများ (SRBs) စတင် အလုပ်လုပ်နိုင်ရန် ဖောက်ခွဲမှု (detonate) ကိုပြုလုပ်သည်။

ပြင်ပလောင်စာဆီကန်၊ တွန်းကန်ရေးဒုံးပျံများနှင့် ချိတ်ဆက်ပြီးသော လွန်းပျံယာဉ်သည် ရွေ့လျားပစ်လွှတ်စင်မှနေ၍ သမားရိုးကျဒုံးပျံများကဲ့သို့ပင် ထောင်လိုက်တည့်မတ်စွာ ပစ်လွှတ်သည်။ ၄င်း၏ ပစ်လွှတ်မှုကို Solid rocket Booster နှစ်ခုမှနေ၍ ပင့်တင်မှုအား (lift force) ပေးသည်။ ထို့ပြင် လွန်းပျံယာဉ်တွင် တပ်ဆင်ထားသော အဓိကအင်ဂျင်သုံးခုမှလည်း ပင့်တင်မှုအား ထုတ်လုပ်ပေးသည်။ အဆိုပါ အင်ဂျင်သုံးခုသည် ပြင်ပလောင်စာဆီကန်တွင် ထည့်သွင်းထားသော ဟိုက်ဒရိုဂျင် အရည်နှင့် အောက်စီဂျင် အရည်တို့ဖြင့် မောင်းနှင်ခြင်းဖြစ်သည်။ လွန်းပျံယာဉ်ပစ်လွှတ်မှုဖြစ်စဉ်တွင် အဆင့်နှစ်ဆင့် ပါရှိသည်။ ပထမအဆင့်အနေဖြင့် လောင်စာခဲသုံးတွန်းကန် ဒုံးပျံနှစ်ခုသည် ပစ်လွှတ်မှု စတင်ချိန်တွင် အပိုကန်အား (additional thrust) ကို ထုတ်လုပ်ပေးသည်။ ပစ်လွှတ်မှုစတင်ပြီး နှစ်မိနစ်ကြာချိန်တွင် explosive bolt များကို အသုံးပြု၍ တွန်းကန်ဒုံးပျံနှစ်ခုကို ဖြုတ်ချလိုက်သည်။ အဆိုပါ တွန်းကန်ဒုံးပျံနှစ်ခုသည် အတ္တလန္တိတ် သမုဒ္ဒရာထဲသို့ လေထီးဖြင့်ကျရောက်သည်။ ပင်လယ်ထဲရှိ ထိုဒုံးပျံနှစ်ခုကို NASA recovery သင်္ဘောဖြင့် သယ်ဆောင်ပြီး မွမ်းမံခြင်းပြုလုပ်ကာ ပြန်လည်အသုံးပြုမည် ဖြစ်သည်။ လွန်းပျံယာဉ်နှင့် ပြင်ပလောင်စာဆီကန်တို့သည် အဓိကအင်ဂျင်သုံးခု၏ ပါဝါကိုအသုံးပြုကာ ရေပြင်ညီပျံသန်းမှုလမ်းကြောင်း (horizontal flight path) အတိုင်း ဆက်လက်တက်ရောက်သွားမည် ဖြစ်သည်။ ပျံသန်းမှုအရှိန်သည် ပတ်လမ်းနိမ့် ပတ်လမ်း (low earth orbit) ထဲသို့ ၀င်ရောက်နိုင်သည့် အရှိန်ဖြစ်သည့် တစ်နာရီလျှင် ၁၇၅၀၀ မိုင် (တစ်စက္ကန့်လျှင် ၇.၈ ကီလိုမီတာ) သို့ရောက်ရှိလာလျှင် အဓိကအင်ဂျင်များကို ပိတ်ချလိုက်မည် ဖြစ်သည်။ ထို့နောက် ပြင်ပလောင်စာဆီကန်ကို လေထုထဲသို့ စွန့်ပစ်လိုက်မည်ဖြစ်ပြီး အဆိုပါ လောင်စာဆီကန်သည် လေထုထဲတွင် လောင်ကျွမ်းပျက်စီးသွားမည် ဖြစ်သည်။ ထိုသို့ ပြင်ပလောင်စာဆီကန်ကို စွန့်ပစ်ပြီးနောက် ပတ်လမ်းအတွင်းဝင်ရောက်ခြင်းအား ထိန်းကြောင်းမောင်းနှင်မည့် စနစ်ပါရှိသော အင်ဂျင်များ (orbital maneuvering system – OMS) ကိုအသုံးပြုပြီး လွန်းပျံယာဉ်၏ ပတ်လမ်းကို ထိန်းညှိပေးမည် ဖြစ်သည်။

လွန်းပျံယာဉ်သည် အာကာသယာဉ်မှုးများ ၊ ဂြိုဟ်တုများနှင့် အာကာသစခန်း အစိတ်အပိုင်းများ စသည်တို့ကို ကမ္ဘာ့လေထု အပေါ်ဆုံးအလွှာဖြစ်သော Thermosphere အတွင်း၌ ရှိသည့် ပတ်လမ်းနိမ့် ပတ်လမ်းသို့ ပို့လွှတ်ပေးသည်။ ယေဘုယျအနေဖြင့် လွန်းပျံယာဉ်တွင် အဖွဲ့ဝင် ၅ ဦးမှ ၇ ဦး အထိပါဝင်သည်။ အဆိုပါ အဖွဲ့မှ အဖွဲ့ဝင် နှစ်ဦးသည် Commander နှင့် Pilot ဖြစ်သည်။ ၄င်းတို့ နှစ်ဦးသည် အနည်းဆုံး စမ်းသပ်ပျံသန်းမှု (test flight) လေးခုကို ပြုလုပ်ပြီးထားသူများ ဖြစ်ရမည်။ လွန်းပျံယာဉ်သည် payload capacity ကို ၂၂၇၀၀ ကီလိုဂရမ် (ပေါင် ၅၀၀၀၀) အထိ သယ်ဆောင်နိုင်ပြီး ပစ်လွှတ်မှု အစီအစဉ် (launch configuration) ပေါ်မူတည်၍ ထို့ထက်ပိုပြီး သယ်ဆောင်နိုင်သည်။ လွန်းပျံယာဉ်၏ အပေါ်ပိုင်းတွင် အလျားလိုက်ပါရှိသော ကြီးမားသည့် ကုန်ပစ္စည်းများထားရှိရန် နေရာသည် လက်ရှိ အာကာသယာဉ်များနှင့် မတူသော လွန်းပျံယာဉ်၏ အားသာချက်တစ်ခု ဖြစ်သည်။ အဆိုပါ နေရာသည် Hubble အာကာသ တယ်လီစကုပ် ကဲ့သို့သော ကြီးမားသည့် ဂြိုဟ်တုများကို သယ်ယူပို့ဆောင်ပေးနိုင်ပြီး ချို့ယွင်းနေသော ဂြိုဟ်တုများကို ဖမ်းယူ၍ ကမ္ဘာမြေပေါ် ပြန်လည်ပို့ဆောင်ပေးနိုင်သည်။

လွန်းပျံယာဉ်၏ mission များပြီးဆုံးသောအခါ orbit maneuvering system (OMS) တွန်းကန်အင်ဂျင်များကို အသုံးပြု၍ ပတ်လမ်းကို တဖြည်းဖြည်းနိမ့်ဆင်းကာ ကမ္ဘာ့လေထုအလွှာ အောက်ပိုင်းသို့ ပြန်လည် ၀င်ရောက်လာသည်။ အဆိုပါ ပြန်လည်ဝင်ရောက်ခြင်းဖြစ်စဉ်အတွင်း လွန်းပျံယာဉ်သည် လေထုအလွှာ အမျိုးမျိုးကို ဖြတ်သန်းခြင်းဖြင့် ၄င်း၏ hypersonic အရှိန်ကို aerobraking ပုံစံဖြင့် လျှော့ချသည်။ လေထုလွှာအောက်သို့ ရောက်ရှိ၍ မြေပြင်သို့ ဆင်းသက်သော အဆင့်များတွင် လွန်းပျံယာဉ်သညိ glider ကဲ့သို့ပင် လေဟုန်စီး၍ ဆင်းသက်သည်။ သို့သော် reaction control system (RCS) တွန်းကန်အင်ဂျင်များနှင့် fly-by wire စနစ်များက လွန်းပျံယာဉ်ပြန်လည်ဆင်းသက်ချိန်တွင် တိကျသော ပျံသန်းမှုပုံစံရရှိစေရန် ပြုလုပ်ပေးသည်။ ထို့ကြောင့် ပြန်လည်ဆင်းသက်ရာ၌ spaceplane ကဲ့သို့ပင် ရှည်လျားသော လေယာဉ်ပြေးလမ်း လိုအပ်သည်။ လွန်းပျံယာဉ်၏ aerodynamic ပုံစံသည် လေထုအတွင်းသို့ ပြန်လည်ဝင်ရောက်ရာ၌ ဖြစ်ပေါ်လာသော အရှိန်နှင့် ဖိအားများကွဲပြားမှု ၊ hypersonic အရှိန်ဖြင့် ပျံသန်းနိုင်မှု ၊ လေထုအတွင်း အသံထက်လျော့သော အမြန်နှုန်း (subsonic) ဖြင့် ပျံသန်းနိုင်မှု အစရှိသည့် အချက်များကို အခြေခံ၍ တည်ဆောက်ထားသည်။

လွန်းပျံယာဉ်၏ အစောပိုင်းနှစ်များ

အာကာသလွန်းပျံယာဉ်အား ပုံစံထုတ်လုပ်ခြင်းနှင့် တည်ဆောက်ခြင်းလုပ်ငန်းစဉ်တို့ကို ၁၉၇၀ ခုနှစ် အစောပိုင်းနှစ်များတွင် စတင်ခဲ့သော်လည်း Apollo program မပြုလုပ်မီ ၁၉၆၀ ခုနှစ်များကပင် စိတ်ကူးစိတ်သန်းရရှိခဲ့သည်။ အာကာသမှနေ၍ လေယာဉ်တစ်စင်ကဲ့သို့ မြေပြင်ပေါ်ကို ပြန်လည်ဆင်းသက်လာနိုင်သော အာကာသယာဉ်တစ်စီး တည်ဆောက်ရန် စိတ်ကူးအား National Advisory Committee for Aeronautics မှ ၁၉၅၄ ခုနှစ်တွင် ပြုလုပ်ခဲ့သည့် aeronautic သုတေသနစမ်းသပ်မှု တစ်ခုဖြစ်သော X-15 လေယာဉ်ကို စတင်စမ်းသပ်စဉ်က ရရှိခဲ့သည်။

၁၉၅၈ ခုနှစ်တွင် X-15 လေယာဉ်၏ သဘောတရားကို အခြေခံ၍ X-series spaceplane များကို ဆက်လက် တည်ဆောက်ခဲ့သည်။ အာကာသယာဉ်မှုး အမ်းစထရောင်းသည် X-15 နှင့် X-20 လေယာဉ်များကို မောင်းနှင်ပျံသန်းရန် ရွေးချယ်ခံခဲ့ရသည်။ သို့သော X-20 လေယာဉ်သည် တည်ဆောက်သည့် အဆင့်သို့ မရောက်ရှိခဲ့ပေ။ နှစ်များစွာကြာပြီးနောက် ၁၉၆၆ ဇန်န၀ါရီလတွင် NASA မှ X-20 လေယာဉ်ပုံစံနှင့်တူသော HL-10 ဟုခေါ်သော လေယာဉ်တစ်မျိုးကို တည်ဆောက်ခဲ့သည်။ HL ၏အဓိပ္ပာယ်မှာ horizontal landing ဖြစ်သည်။

၁၉၆၀ ခုနှစ်များတွင် US လေတပ်သည် မျိုးဆက်သစ် အာကာသ သယ်ယူပို့ဆောင်ရေး စနစ်များကို သုတေသနပြုလုပ်ခြင်းအား အစဉ်တစိုက် လျှို့ဝှက်စွာ ပြုလုပ်ခဲ့သည်။ ထိုသို့ လျှို့ဝှက်စွာ ပြုလုပ်ခြင်းများတွင် ဈေနှုန်းသက်သာ၍ တစ်စိတ်တစ်ပိုင်းပြန်လည် အသုံးပြုနိုင်သော ပုံစံ (semi-reusable design) များလည်း ပါဝင်သည်။ US လေတပ်သည် ဈေးနှုန်းကြီးမားသော တစ်ခါသုံး ဒုံးပျံများ အသုံးပြုသည့် program များကို Class I ဟု သတ်မှတ်ပြီး တစ်စိတ်တစ်ပိုင်းပြန်လည် အသုံးပြုနိုင်သော ပုံစံများ အသုံးပြုသည့် program များကို Class II ဟုသတ်မှတ်၍ အပြည့်အ၀ပြန်လည်အသုံးချနိုင်သောပုံစံများ အသုံးပြုသည့် program များကို Class III ဟု ခွဲခြားသတ်မှတ်ခဲ့ကြသည်။ ၁၉၆၇ ခုနှစ်တွင် NASA ရုံးချုပ်၌ ကျင်းပခဲ့သော စာတမ်းဖတ်ပွဲတစ်ခုတွင် လူလိုက်ပါသော အာကာသယာဉ်ခရီးစဉ်များကို ပြုလုပ်ရန် ၄င်း ဋ္ဌာန၏ အုပ်ချုပ်ရေးမှုးဖြစ်သူ George Muller မှ ဒီဇိုင်းပုံစံများကို ရွေးချယ်လေ့လာမှု ပြုခဲ့သည်။ ထိုစာတမ်းဖတ်ပွဲသို့ လူပေါင်း ရှစ်ဆယ်ကျော်တက်ရောက်၍ များပြားသော ဒီဇိုင်းများကို ပြသခဲ့သည်။ ထိုဒီဇိုင်းများတွင် X-20 (Dyno-soar) ကဲ့သို့သော လေတပ်၏ အစောပိုင်း ဒီဇိုင်းများလည်း ပါဝင်သည်။

၁၉၆၈ ခုနှစ်တွင် NASA သည် Integrated Launch and Re-entry Vehicle (ILRV) ကို စတင်ပြုလုပ်ခဲ့သည်။ တစ်ချိန်တည်းမှာပင် အာကာသလွန်းပျံယာဉ် အဓိကအင်ဂျင် (Space Shuttle Main Engine) အတွက် ပြိုင်ပွဲများ ပြုလုပ်ခဲ့သည်။ Houston နှင့် Huntsville မြို့များရှိ NASA ၏ ရုံးများမှနေ၍ ILRV အားလေ့လာမှုများကို ပတ်လမ်းအတွင်းသို့ payload အား လွှတ်တင်ပြီး လေထုထဲသို့ ပြန်လည်ဝင်ရောက်ကာ ကမ္ဘာမြေပေါ်သို့ ပြန်လည်ဆင်းသက်သော အာကာသယာဉ်တစ်ခု ပြုလုပ်ရန် စီမံချက် (Request For Proposal – RFP) ကိုထုတ်ပြန်ကြေငြာခဲ့သည်။ ထိုစီမံချက်ကို ပြန်ကြားချက်အနေဖြင့် ကြီးမားသော တွန်းကန်ဒုံးပျံနှင့် သေးငယ်သော အာကာသယာဉ်တို့ ပါဝင်သည့် two-stage design တစ်ခုဖြစ်သော DC – 3 လွန်းပျံယာဉ်ကို တီထွင်ခဲ့သည်။

၁၉၆၉ ခုနှစ်တွင် သမ္မတ ရစ်ချက်နစ်ဆင်မှ အာကာသလွန်းပျံယာဉ်စီမံကိန်းကို တိုးတက်အောင် ပြုလုပ်ရန် ဆုံးဖြတ်ခဲ့သည်။ ၁၉၇၃ ခုနှစ် သြဂုတ်လတွင် X-24B Spaceplane သည် ကမ္ဘာ့လေထုထဲသို့ ပြန်လည်ဝင်ရောက်၍ horizontal landing ကိုပြုလုပ်ခဲ့သည်။

လွန်းပျံယာဉ်များ

အာကာသလွန်းပျံယာဉ်ကို သက်တမ်းအားဖြင့် operation ပြုလုပ်သောအချိန် ၁၀ နှစ် (သို့မဟုတ်) လွှတ်တင်မှု အကြိမ် ၁၀၀ အထိ ဒီဇိုင်းပြုလုပ်ထားသည်။ နောက်ပိုင်းတွင် ထို့ထက်ပို၍ ကြာရှည်ခဲ့သည်။ လွန်းပျံယာဉ်ကို ဒီဇိုင်းပြုလုပ်ရာတွင် တာဝန်ရှိသော Maxime Faget သည် Mercury ၊ Gemini နှင့် Apollo အာကာသယာဉ်များ ဒီဇိုင်းဆွဲရာတွင် ပါဝင်ခဲ့သည်။ လွန်းပျံယာဉ်၏ အရွယ်အစားနှင့် ပုံသဏ္ဍာန်သည် ကြီးမားသော စီးပွားရေးဆိုင်ရာ ဂြိုဟ်တုများနှင့် စစ်ဖက်ဆိုင်ရာ လျှို့ဝှက်ဂြိုဟ်တုများကို ထည့်သွင်းနိုင်သည်။ ထို့ပြင် polar orbit များသို့ ပစ်လွှတ်မည့် အမေရိကန်လေတပ်၏ လျှို့ဝှက် mission များအတွက် လိုအပ်သော အကွာအဝေးကို အကျဉ်းချုံ၍ ပစ်လွှတ်နိုင်မည်ဖြစ်သည်။ တွန်းကန်ဒုံးပျံများနှင့် ပြန်လည်အသုံးမပြုနိုင်သော လောင်စာဆီကန်တို့အား ရွေးချယ်ခြင်းမှာ အရွယ်အစားကြီးမားသော ဂြိုဟ်တုများ ဖြန့်ကျက်ချထားနိုင်ရန် အတွက် ဟူသော ပင်တဂွန်စစ်ဋ္ဌာနချုပ်၏ ဆန္ဒကြောင့် ဖြစ်သည်။ ထို့ပြင် အာကာသခရီးစဉ်များတွင် ကုန်ကျစရိတ်သက်သာစေရန်အတွက် ပြန်လည်အသုံးပြုနိုင်သော အစိတ်အပိုင်းများ ပါဝင်သည့် အာကာသပို့ဆောင်ရေး စနစ်များကို ပြုလုပ်ရန် ဟူသော သမ္မတ နစ်ဆင်၏ ဆုံးဖြတ်ချက်ကြောင့်လည်း ဖြစ်သည်။

ပျံသန်းနိုင်သော အာကာသလွန်းပျံယာဉ် (၆)စီးကို ဆောက်လုပ်ခဲ့သည်။ ပထမဦးဆုံး အနေဖြင့် တည်ဆောက်ခဲ့သော Enterprise (OV – 101) လွန်းပျံယာဉ်ကို အာကာသအတွင်းသို့ လွှတ်တင်ခြင် မပြုခဲ့ဘဲ လေဟုန်စီးခြင်း (gliding) နှင့် မြေပြင်ပေါ်သို့ ဆင်းသက်ခြင်း (landing) တို့ကိုသာ စမ်းသပ်ခဲ့သည်။ တည်ဆောက်ခဲ့ပြီးသော လွန်းပျံယာဉ်များမှာ Challenger (OV – 099) ၊ Columbia (OV – 102) ၊ Discovery (OV – 103) ၊ Atlantis (OV – 104) နှင့် Endeavour (OV – 105) တို့ ဖြစ်သည်။ Enterprise လွန်းပျံယာဉ်ကို approach and landing test (ALT) program များတွင် အသုံးပြုပြီးနောက် အာကာသအတွင်း ပျံသန်းနိုင်ရန် ရည်ရွယ်ခဲ့သော်လည်း Challenger လွန်းပျံယာဉ်အား structural test article (STA) – 099 ကို အဆင့်မြှင့်တင်ပေးခြင်းက ပို၍တွက်ခြေကိုက်ကြောင်း တွေ့ရှိခဲ့သည်။ Challenger လွန်းပျံယာဉ်သည် ၁၉၈၆ ခုနှစ်တွင် လွှတ်တင်ပြီး ၇၃ စက္ကန့်အကြာတွင် ပေါက်ကွဲပျက်စီးခဲ့သည်။ Challenger ၏ အစားထိုးအနေဖြင့် Endeavour အာကာသလွန်းပျံယာဉ်ကို အရန်စက်ပစ္စည်း အစိတ်အပိုင်းများဖြင့် တည်ဆောက်ခဲ့သည်။ Columbia လွန်းပျံယာဉ်သည် ၂၀၀၃ ခုနှစ်တွင် လေထုအတွင်း ပြန်လည်ဝင်ရောက်စဉ် ပေါက်ကွဲ ပျက်စီးခဲ့သည်။ (Challenger နှင့် Columbia လွန်းပျံယာဉ်များ ပျက်စီးခဲ့ပုံကို နောက်ပိုင်းတွင် ဆက်လက် တင်ပြပါမည်။) Endeavour လွန်းပျံယာဉ်တည်ဆောက်စရိတ်မှာ အမေရိကန်ဒေါ်လာ ၁.၇ ဘီလီယံ ကုန်ကျခဲ့သည်။ အာကာသလွန်းပျံယာဉ် ခရီးစဉ်တစ်ခု လွှတ်တင်ခြင်းအတွက် ကုန်ကျစရိတ်မှာ ဒေါ်လာ ၄၅၀ သန်းဖြစ်သည်။

၂၀၀၈ ခုနှစ်အစောပိုင်းတွင် ပါမောက္ခ Roger A. Pielke, Jr. က အာကာသလွန်းပျံယာဉ် program သည် စုစုပေါင်း ဒေါ်လာ ၁၇၀ ဘီလီယံ ကုန်ကျနေပြီဟု ခန့်မှန်းခဲ့သည်။ ထို့ကြောင့် လွန်းပျံယာဉ် တစ်ခါပျံသန်းလျှင် ဒေါ်လာ ၁.၅ ဘီလီယံခန့် ပျမ်းမျှကုန်ကျနေသည်။

Space Transportation System

အမှန်စင်စစ် အာကာသလွန်းပျံယာဉ်ဟု ခေါ်ဆိုခြင်းသည် အဓိပ္ပာယ် မဆီလျော်ပေ။ ၄င်း၏ အမည်မှန်မှာ အာကာသ သယ်ယူပို့ဆောင်ရေးစနစ် ဟူ၍ ဖြစ်သည်။ ထိုစနစ်တွင် ပတ်လမ်းအတွင်း လှည့်ပတ်သည့် ယာဉ် (orbiter) ၊ ပြင်ပလောင်စာဆီကန် (external tank) နှင့် လောင်စာခဲသုံး တွန်းကန်ဒုံးပျံ နှစ်ခု (solid rocket booster) တို့ ပါဝင်သည်။ အဆိုပါ ပစ္စည်းများ အားလုံး စုပေါင်းတပ်ဆင်ထားခြင်းကို “stack” ဟု ခေါ်ဆိုသည်။ ၄င်း ပစ္စည်းများကို Apollo Saturn V ဒုံးပျံတပ်ဆင်ရန် တည်ဆောက်ခဲ့သော vehicle assembly building ထဲတွင် တပ်ဆင်သည်။ ၄င်းပစ္စည်းများထဲမှ ပထမဦးဆုံးအနေဖြင့် ပတ်လမ်းအတွင်း လှည့်ပတ်သည့်ယာဉ် (orbital vehicle) အကြောင်းကို ဆက်လက် တင်ပြမည် ဖြစ်သည်။

Orbital Vehicle (ပတ်လမ်းအတွင်း လှည့်ပတ်သည့်ယာဉ်)

ပတ်လမ်းအတွင်း လှည့်ပတ်သည့်ယာဉ်သည် သမားရိုးကျ လေယာဉ်ပျံတစ်စင်းနှင့် ဆင်တူသည်။ ၄င်းသည် တြိဂံပုံစံတောင်ပံများ (delta wings) ကို အသုံးပြုထားပြီး အတွင်းဖက် တောင်ပံဦးစွန်းသည် ၈၁ ဒီဂရီရှိ၍ အပြင်ဖက်တောင်ပံဦးစွန်းသည် ၄၅ ဒီဂရီ ရှိသည်။ ၄င်း၏ ထောင်လိုက် ထိန်းမတ်ပေးသော တောင်ပံ (vertical stabilizer) ၏ ဦးစွန်းသည် ၅၀ ဒီဂရီ ရှိသည်။ Elevon လေးခုကို တောင်ပံ၏ အဖျားစွန်းပိုင်းတွင် တပ်ဆင်ထားသည်။ လေထုထဲသို့ ပြန်လည်ဝင်ရောက်ပြီး မြေပြင်သို့ဆင်းသက်ခြင်းတွင် ပြုလုပ်ရန် အသုံးပြုသော rudder/speed brake ကို stabilizer ၏ အမြီးစွန်းပိုင်းတွင် တပ်ဆင်ထားသည်။

ယာဉ်၏ကြီးမားသော ကုန်ပစ္စည်းထားရာ အခန်းသည် အလျား ပေ ၆၀ (၁၈ မီတာ) ၊ အနံ ၁၅ ပေ (၄.၆ မီတာ) ရှိ၍ ယာဉ်ပျံကိုယ်ထည်၏ နေရာ အများအပြားကို ရယူထားသည်။ ယာဉ်ပျံကိုယ်ထည် အပေါ်ပိုင်းရှိ ကုန်ပစ္စည်းထားရာ အခန်းကို အချိုးညီသော တံခါးနှစ်ချပ်ဖြင့် ဖုံးအုပ်ထားသည်။ ထို တံခါးနှစ်ချပ်သည် အခန်း၏ တစ်ဖက်တစ်ချက်တွင် ပတ္တာကဲ့သို့ ချိတ်ဆွဲထားသည်။ Payload များကို ယာဉ်၏ ကုန်ပစ္စည်းထားရာ အခန်းထဲသို့ အလျားလိုက်ထည့်သွင်းသည်။ ပစ်လွှတ်စင်ပေါ်တွင် ယာဉ်ကို ထောင်လိုက် ထားရှိ၍ အာကာသထဲသို့ ရောက်ရှိပြီး ဆွဲငင်အားမဲ့ အခြေအနေရောက်လျှင် payload ကို ယာဉ်ပေါ်တွင် ပါရှိသည့် အာကာသယာဉ်မှုးမှ ထိန်းချုပ်သော စက်ရုပ်လက်တံ (robotic remote manipulator arm) ဖြင့် ထောင်လိုက် လွှတ်ထုတ်သည်။ ထို့ပြင် အာကာသယာဉ်မှုး၏ အကူအညီဖြင့် လွှတ်တင်ခြင်း (Extra-Vehicular Activity – EVA) (သို့မဟုတ်) payload ၏ ကိုယ်ပိုင် ပါဝါဖြင့် လွှတ်ထုတ်ခြင်းတို့ကို ပြုလုပ်သည်။ (ဂြိုဟ်တုများအတွက်မူ ဒုံးပျံ၏ နောက်ဆုံးအဆင့် (upper stage) ဖြင့် တွဲဖက်လွှတ်ထုတ်ခြင်းကို ပြုလုပ်သည်။)

လွန်းပျံယာဉ်၏ အဓိကအင်ဂျင် (Space Shuttle main engine) သုံးခုကို ယာဉ်၏ ပဲ့ပိုင်းတွင် သုံးပွင့်ဆိုင်အနေအထားဖြင့် တပ်ဆင်ထားသည်။ အဆိုပါ အင်ဂျင်သုံးခု၏ nozzle များသည် အထက်နှင့် အောက်သို့ ၁၀.၅ ဒီဂရီနှင့် ဘေးဖက်သို့ ၈.၅ ဒီဂရီလှည့်နိုင်သည်။ ထိုသို့လှည့်နိုင်ရန် ပြုလုပ်ထားခြင်းမှာ လွန်းပျံယာဉ်မြေပြင်မှ မြင့်တက်စဉ်အတွင်း ၄င်း၏ တွန်းကန်အားလမ်းကြောင်းကို ထိန်းညှိ၍ ပြောင်းလဲပေးနိုင်ရန် ဖြစ်သည်။ လွန်းပျံယာဉ်ကို အလူမီနီယံသတ္တုလောဟာ (aluminum alloy) ဖြင့် အဓိကတည်ဆောက်ထားပြီး အင်ဂျင်ကိုမူ တိုက်တေနီယမ်သတ္တုလောဟာ (titanium alloy) ဖြင့် အဓိကဆောက်လုပ်ထားသည်။

လွန်းပျံယာဉ်သည် လွှတ်တင်သော mission ကိုလိုက်၍ အပိုထပ်ထည့်ထားသော ပစ္စည်းများ (add-ons) ဖြင့် ပေါင်းစပ်ကာ အသုံးပြုနိုင်သည်။ ၄င်း ပစ္စည်းများမှာ ပတ်လမ်းအတွင်းရှိ ဓာတ်ခွဲခန်းများ (orbital laboratories – Spacelab, Spacehub) ၊ ပိုမိုဝေးလံသော ပတ်လမ်းများသို့ payload ကို ပို့ဆောင်ပေးနိုင်သော ဒုံးယာဉ်များ (Inertial Upper Stage, Payload Assist module) ၊ Extended Duration Orbiter ၊ Multi-Purpose Logistics Modules နှင့် Canadarm (RMS) တို့ဖြစ်သည်။

External Tank (ပြင်ပလောင်စာဆီကန်)

အာကာသလွန်းပျံယာဉ် ပြင်ပလောင်စာဆီကန်၏ အဓိက လုပ်ငန်းစဉ်မှာ လွန်းပျံယာဉ် အင်ဂျင်များကို အောက်စီဂျင်နှင့် ဟိုက်ဒရိုဂျင်လောင်စာတို့ ပေးပို့ခြင်း ဖြစ်သည်။ ထို့ပြင် ၄င်းသည် ပတ်လမ်းအတွင်း လှည့်ပတ်သည့် ယာဉ်နှင့် လောင်စာခဲသုံးတွန်းကန် ဒုံးပျံ နှစ်ခုတို့ ချိတ်ဆက်ရာ အဓိကကျောရိုး မဏ္ဍိုင် အဖြစ်လည်း အသုံးပြုသည်။ ပြင်ပလောင်စာဆီကန်သည် လွန်းပျံယာဉ်စနစ်အတွင်း တစ်ခုတည်းသော ပြန်လည်အသုံးမပြုသည့် အစိတ်အပိုင်းဖြစ်သည်။ ပြင်ပလောင်စာဆီကန်ကို အစဉ်အမြဲစွန့်ပစ်နေသော်လည်း ၄င်းကို ပတ်လမ်းအတွင်းသို့ ယူဆောင်၍ အာကာသစခန်းနှင့် တွဲဖက်ခြင်းဖြင့် ပြန်လည်အသုံးပြုနိုင်သည်။

Solid Rocket Booster(SRB)(လောင်စာခဲသုံး တွန်းကန်ဒုံးပျံများ)

လောင်စာခဲသုံးတွန်းကန်ဒုံးပျံတစ်ခုစီသည် ပစ်လွှတ်နေစဉ်အတွင်း တွန်းကန်အား 12.5 million newtons (2.8 million lbf) ထုတ်လုပ်သည်။ အဆိုပါ ပမာဏသည် ပစ်လွှတ်စဉ်အတွင်း လိုအပ်သည့် တွန်းကန်အား (thrust) ၏ ၈၃ ရာခိုင်နှုန်းရှိသည်။ SRB များကို ပစ်လွှတ်ပြီး နှစ်မိနစ်အကြာ အမြင့်ပေ ၁၅၀၀၀၀ (၄၆ ကီလိုမီတာ) သို့ ရောက်ရှိလျှင် ဖြုတ်ခွာခြင်းလုပ်ငန်းစဉ် (jettison operation) ကို ပြုလုပ်သည်။ ထို့နောက် SRB များသည် လေထီးဖြင့် အတ္တလန္တိတ် သမုဒ္ဒရာထဲသို့ ကျရောက်သွားမည် ဖြစ်သည်။ SRB များ၏ ကိုယ်ထည်ကို သံမဏိ (steel) ဖြင့် ပြုလုပ်ထားပြီး အထူအားဖြင့် လက်မ၀က် (13mm) ရှိသည်။ SRB များကိုအကြိမ်များစွာ ပြန်လည်အသုံးပြုနိုင်သည်။ STS – 1 မှစတင်၍ လွန်းပျံယာဉ် mission ပေါင်း ၄၈ ခုမှ စုဆောင်းထားသော SRB ကိုယ်ထည်များကို ၂၀၀၉ ခုနှစ်တွင် Ares I အာကာသလွှတ်တင်ရေးဒုံးပျံ၏ အင်ဂျင် စမ်းသပ်မှုတွင် အသုံးပြုခဲ့သည်။

Source: 9SpaceStudy

  • Digg
  • Del.icio.us
  • StumbleUpon
  • Reddit
  • RSS
Read User's Comments0
Subscribe to: Posts (Atom)
Related Posts Plugin for WordPress, Blogger...