Powered by Blogger.
RSS

လေယာဉ်တင်သင်္ဘောအရွယ် ဥက္ကာခဲတစ်ခု ကမ္ဘာနှင့်လအကြား ဖြတ်သန်း

b32_09

လေယာဉ်တင်သင်္ဘောတစ်စင်း အရွယ်အစားမျှရှိသော ဥက္ကာခဲတစ်ခုသည် နိုဝင်ဘာလ ၈ ရက်နေ့တွင် ကမ္ဘာနှင့်လအကြား လ၏ပတ်လမ်း ကိုဖြတ်သန်းခဲ့ကြောင်း သိရသည်။

YU55 ဟု အမည်ပေးထား သောဥက္ကာခဲသည် ကမ္ဘာမြေအတွက် အန္တရာယ်ရှိနိုင်ခြေ အလွန့်အလွန် နည်းပါးသောကြောင့် စိုးရိမ်ဖွယ်မရှိ ခဲ့သော်လည်း နှစ်ပေါင်း ၃၅ နှစ် အတွင်း ကမ္ဘာနှင့်အနီးဆုံးမှ ဖြတ်သန်းသည့် ဥက္ကာခဲဖြစ်သည့်အတွက် နက္ခတ်တာရာကြည့် ၀ါသနာအိုးများအတွက် စိတ်ဝင်စားဖွယ်ဖြစ်ခဲ့သည်။

သို့ရာတွင် အလွန်ဖျော့တော့သောကြောင့် သာမန်မျက်စိဖြင့် ကြည့်ရှုရန်မဖြစ်နိုင်ခဲ့ပေ။ တယ်လီစကုပ်ဖြင့် ကြည့်ရှုရာတွင်လည်း မြို့ပြများမှ မြင်တွေ့ရန်ခက်ခဲခဲ့သလို လပြည့်နေခြင်းကလည်း ကြည့်ရှုသူများအတွက် အခက်ကြုံစေခဲ့သည်။

ယင်းဥက္ကာခဲသည် ကမ္ဘာအနီး ၁၉၇၆ ခုနှစ်က ဖြတ်သန်းခဲ့ဖူးပြီး အမေရိကန် အာကာသအေဂျင်စီပင် သတိမပြုမိခဲ့ပေ။

Ref;DailyMail

  • Digg
  • Del.icio.us
  • StumbleUpon
  • Reddit
  • RSS

တရုတ် အာကာသယာဉ်နှစ်စင်း ကမ္ဘာပတ်လမ်းအတွင်း ပထမဆုံးအကြိမ် ချိတ်ဆက်


တရုတ်အာကာသယာဉ် နှစ် စင်းသည် ကမ္ဘာပတ်လမ်းအတွင်း ပထမဆုံးအကြိမ် ချိတ်ဆက်နိုင်ခဲ့ ကြကြောင်း သိရှိရသည်။ လူလိုက် ပါခြင်းမရှိသော အာကာသယာဉ် Shenzhou 8 ကို လွန်ခဲ့သော အပတ်က လွှတ်တင်ခဲ့ပြီး ပတ်လမ်း အတွင်းရောက်ရှိနေသော တရုတ်ပိုင် အာကာသဓာတ်ခွဲခန်း Tiangong-1 နှင့် နိုဝင်ဘာ ၂ ရက် တွင် အောင် မြင်စွာ ချိတ်ဆက်နိုင်ခဲ့ကြောင်း သိရှိရသည်။ ချိတ်ဆက်ခြင်းကိုတရုတ် နိုင်ငံရှိ အာကာသဟင်းလင်းပြင် တွင် ဆောင်ရွက်ခဲ့ကြသည်။ ယခု ကဲ့သို့ ပြုလုပ်နိုင် ခဲ့ခြင်းသည် တရုတ် တို့၏ အာကာသစခန်း တည် ဆောက်ထားမှုကို လုပ်ငန်းစတင် နိုင်ရန် အောင်မြင်မှုတစ်ရပ်ဖြစ်သည်။ သို့ရာတွင် ယခုအကြိမ် သွား ရောက်ချိတ်ဆက် သော အာကာသ ယာဉ် Shenzhou 8 တွင် လူလိုက် ပါခြင်းမရှိပေ။ အနာဂတ်အာကာသ ခရီးလုပ်ဆောင်မှုများတွင် အာကာ သယာဉ်မှူးများ လိုက်ပါရန် ရည်ရွယ်ထား သည်။ ၄င်းယာဉ်နှစ်စင်း သည် အမြင့်ကီလိုမီတာ ၃၄ဝ မှ လှည့်ပတ်နေပြီး မြေပြင်ထိန်းချုပ် ရေးစခန်းBeijing Aerospace Flight Control Centre မှ ထိန်းချုပ် ထားနိုင်ခဲ့ကြောင်း ဖော်ပြထား ကြသည်။ ၄င်းအာကာသယာဉ်နှစ်စင်း တို့သည် နှစ်ပတ်ကြာ အတူတကွ လှည့်ပတ်ပျံသန်းနေပြီး Shenzhou 8 သည် ကမ္ဘာမြေပြင် သို့ ပြန်လည် ဆင်းသက်လာမည်ဖြစ်သည်။ China Aerospace ၏ ပါမောက္ခ Yang Yuguang က ၁၂ရက်ခန့်သာ အတူတကွ ချိတ်ဆက်နေပြီး ကမ္ဘာ သို့ ပြန်လာ မည်ဖြစ်ကြောင်း ရှင်း လင်းပြောပြသည်။ အာကာသအတွင်း ချိတ်ဆက် နေစဉ် Shenzhou 8 သည် ဒုတိယအကြိမ် မီတာ ၁၄ဝခန့် အကွာ ပြန်လည်ခွာ ထုတ်ပြီး တစ်ဖန် ထပ်မံချိတ်ဆက်ကာ ၂ ရက်ခန့် ပျံသန်းစမ်းသပ်မှုပြုလုပ်မည်ဖြစ်သည်။ ထို့နောက် ၅ ကီလိုမီတာအကွာမှ ယာဉ်နှစ်စင်း အတူတကွ ယှဉ်၍ ပျံသန်း လှည့်ပတ်မှုကို ပြုလုပ် ကြ မည်ဖြစ်သည်။ ဤအာကာသခရီး စဉ်အတွက် ဂျာမနီနိုင်ငံ၏ German Space Agency (DLR) မှ စမ်းသပ်မှုဆိုင်ရာ ပစ္စည်းများပါဝင် သော သေတ္တာကို ကူညီပေးပို့ခဲ့ သည်။ ၄င်းအထဲတွင် ငါးများ၊ တီကောင်များ၊ အပင်များ၊ ဗက်တီးရီး ယားပိုးမွှားများအပြင် ဇီဝဆိုင်ရာဖြစ် စဉ်များ လေ့လာနိုင်သည့်ပစ္စည်းများ နှင့် ကင်ဆာဆဲလ်များကိုပါ ထည့် သွင်းပေးပို့ခဲ့ကြောင်း သိရှိရသည်။ ထိုသေတ္တာကို တရုတ်နှင့်ဂျာမနီတို့ ပူးတွဲဆောင်ရွက်ခဲ့သဖြင့် Simbox ဟု အမည်ပေးထားသည်။ တရုတ် တို့၏ အာကာသစခန်း Tiangong-1 ကို ယခုနှစ် စက်တင်ဘာလ အတွင်းက လွှတ်တင်ခဲ့သည်။ ၂ဝ၁၂ တွင် လူ နှစ်ဦးလိုက်ပါနိုင်သည့် အာကာသယာဉ် Shenzhou 9 နှင့် 10 ကို လွှတ်တင် ပေးမည်ဖြစ်သည်။ ထို့အပြင် ၂ဝ၂ဝ ခုနှစ်တွင် တန်ချိန် ၆ဝ ရှိသော အာကာသစခန်းအသစ် တစ် ခုကို ထပ်မံတည်ဆောက်ပေး မည် ဖြစ်သည်။ တရုတ်တို့ ၂ဝ၂ဝ ခုနှစ်တွင် တည်ဆောက်မည့် တန်ချိန် ၆ဝ ရှိ အာကာသစခန်းမှာ ယခုလက်ရှိ လွှတ်တင်ထားသည့်International Space Station (ISS) ထက် အလွန်ပင်သေးငယ် လှ ကြောင်း တွေ့ရှိရသည်။ ISS မှာ တန်ချိန် ၄ဝဝ ရှိပြီး အမေရိကန်၊ ရုရှား၊ အီးယူ၊ ကနေဒါနှင့် ဂျပန်တို့ အတူတကွ ပူးပေါင်းဆောင် ရွက်နေသော အာကာသ စခန်းကြီး တစ်ခု ဖြစ်သည်။ တရုတ်နိုင်ငံသည် ဒေါ်လာ ဘီလျံပေါင်းများစွာ ရင်းနှီးမြှုပ်နှံကာ ၄င်းတို့၏ အာကာသစခန်းတစ်ခု တည်ဆောက်နိုင်ရန် အားထုတ်နေ ကြသည်။ ခိုင်မာ သော အာကာသ စွမ်းအားနည်းလမ်းများအောက်တွင် ဂြိုဟ်တု နှစ်လုံး လွှတ်တင်ထားပြီး လကမ္ဘာသို့လည်း လွှတ်တင်ထား ခဲ့သည်။ ထို့အပြင် တတိယမစ်ရှင် အဖြစ် လကမ္ဘာမြေပြင်သို့ စက်ရုပ် တစ်ခု ဆင်းသက်နိုင်ရန် ကြိုးပမ်း နေကြသည်။ ယခုနိုဝင်ဘာတွင် ဂြိုဟ်နီကြီးဟု အမည်ပေးထားသော မားစ်ဂြိုဟ်သို့ အာကာသယာဉ့်  Yinghuo-1 ခရီးစဉ်စတင်မည်ဖြစ် သည်။ တရုတ်တို့အား အီးယူနိုင်ငံများ က ISS နှင့် ချိတ်ဆက်အလုပ်လုပ် ရန် အကြံပြုပြော ဆိုခဲ့ကြ သည်။ အမေရိကန်တို့က ၄င်းတို့ သီးသန့် အာကာသစခန်းကို စစ်အတွက် အ သုံးချရန် စိုးရိမ်ပူပန်မှုရှိနေသည်။ ဂျော့ခ်ျဝါရှင်တန်တက္ကသိုလ်မှ အာကာသသုတေသီ ပါမောက္ခ ဂျွန်လော့ဒန်က နှစ်နိုင်ငံ အနေဖြင့် ပထမ ဆုံးယုံကြည်မှု တည်ဆောက်ကာ အသိဖလှယ်ရမည်ဖြစ်ကြောင်း၊ သို့ မှသာ ကျယ်ကျယ်ပြန့်ပြန့် အတူတကွ ပူးပေါင်း ဆောင်ရွက်နိုင်မည်ဖြစ် ကြောင်း ပြောကြားခဲ့သည်။


KLMA
Ref : Xinhua / Reuters

  • Digg
  • Del.icio.us
  • StumbleUpon
  • Reddit
  • RSS

အာကာသ၌ ယာဉ်ချိတ်ဆက်မှု တရုတ်နိုင်ငံ ပထမဆုံးပြုလုပ်

ပေကျင်း- တရုတ်နိုင်ငံသည် အာကာသ အတွင်း အာကာသယာဉ်ချိတ်ဆက်မှု လုပ်ငန်းကို နိုဝင်ဘာလ ၃ ရက်က ပထမဆုံးအကြိမ် အောင်မြင်စွာ ဆောင်ရွက် နိုင်ခဲ့ခြင်းဖြင့် လူနေနိုင်သည့် အာကာသ စခန်းတစ်ခု တည်ဆောက် ရေးရည်မှန်း ချက်ပြည့်ဖို့ ခက်ခဲသည့် အဆင့် တစ်ဆင့်သို့ ရောက်သွားပြီဖြစ်သည်။

နိုဝင်ဘာလ ၁ ရက်က လွှတ်တင် ခဲ့သော ရှင်ကျိုး အမှတ် (၈) အာကာသ ယာဉ်သည် မနက် ၁ နာရီ ၃၆ မိနစ် (ဗုဒ္ဓဟူးနေ့ ဂရင်းနစ် စံတော်ချိန် ၁၇၃၆ နာရီ) ကျော်သည်နှင့် ကမ္ဘာမြေပြင်မှ ၃၄၃ ကီလိုမီတာ (၂၁၃ မိုင်) ကျော် အမြင့်တွင် ထျန်ကုန်အမှတ် (၁) မိုဂျူးနှင့် ချိတ်ဆက်မိသွားသည်ဟု လူနေနိုင်သည့် တရုတ်အာကာသစခန်းမှ ပြောခွင့်ရ အမျိုးသမီး ၀ူဖင်းက ဆိုသည်။

ထျန် ကုန်အမှတ် (၁) မိုဂျူးမှာ တည်ဆောက်မည့် အာကာသစခန်းသစ်၏ အစိတ် အပိုင်းတစ်ခုဖြစ်သည်။

တရုတ်သည် ယခု အာကာသစခန်း ကို ၂၀၂၀ ပြည့်နှစ်မတိုင်မီ အပြီးတည် ဆောက်မည်ဖြစ်ရာ အသုံးပြုရမည့် ယာဉ်ချိတ်ဆက်မှု နည်းပညာမှာ ၁၉၆၀ ပြည့်လွန်နှစ်များက အမေရိကန်နှင့် ရုရှား တို့ အောင်မြင်စွာ အသုံးပြုခဲ့ကြသော အလွန်သိမ်မွေ့ခက်ခဲ့သည့် ထိန်းချုပ်မှု ကွပ်ကဲမှုစနစ်ဖြစ်သည်။

အလွန်ခက်ခဲသော ဆောင်ရွက်မှုမျိုး အောင်မြင်စွာ ပြီးဆုံးသွားခြင်းအတွက် တရုတ်ပြည်သူ များ ၀မ်းမြောက်ဂုဏ်ယူခဲ့ကြသည်။ တရုတ်ဝန်ကြီးချုပ် ၀မ်ကျားပေါင်နှင့် ခေါင်းဆောင်များက တိုက်ရိုက်လွှင့် ထုတ်သည့် ယာဉ်ချိတ်ဆက်မှု ရုပ်သံ သတင်းများကို ပေကျင်းမြို့ အာကာသ ပျံသန်းမှုကွပ်ကဲရေးစခန်းမှ ကြည့်ရှုခဲ့ ကြပြီး ပြင်သစ်တွင် ဂျီ-၂၀ ထိပ်သီး အစည်းအဝေးတက်နေသော သမ္မတ ဟူကျင်ထောင်က ဂုဏ်ပြုသ၀ဏ်လွှာ ပေးပို့ခဲ့သည်။

"အာကာသထဲမှာ ယာဉ်ချင်းချိတ် ဆက်တဲ့ နည်းပညာတွေကို ထွန်းပေါက် အောင်မြင်စွာနဲ့ ပိုင်ပိုင်နိုင်နိုင်ရလိုက်ခြင်းဟာ ကျွန်တော် တို့ရဲ့ လူတွေလိုက်ပါမယ့် အာကာသအစီအစဉ် ဖွံ့ဖြိုးတိုးတက်ရေး မဟာဗျူဟာမှာ အသက်တမျှ အရေးကြီးပါတယ်"ဟု ဟူက ဆိုသည်။

ရှစ်မိနစ်ကြာမြင့်သည့် ယာဉ်ချိတ် ဆက်မှုကို မိုက်ခရိုဝေ့ဖ်ရေဒါများ၊ လေဆာရောင်ခြည်သုံး အကွာအဝေး တိုင်းကိရိယာများနှင့် ဗီဒီယိုကင်မရာ များအကူအညီဖြင့် ပြုလုပ်ခဲ့သည်။

"ပတ်လမ်းထဲမှာ တစ်စက္ကန့် ၇ ဒသမ ၈ ကီလိုမီတာနဲ့ပြေးနေတဲ့ အာကာသ ယာဉ်နှစ်စင်း ချိတ်ဆက်မိဖို့ဆိုတာ ကောက်ရိုးပုံမှာ အပ်တစ်ချောင်းရှာရ သလိုပါပဲ"ဟု တရုတ်လူလိုက်ပါသည့် အာကာသအစီအစဉ်မှ ဒီဇိုင်နာ ကျောင်ကျင်ဖင်က ပြောသည်။

ရှင်ကျိုး (၈) ကို ကျန်စုပြည်နယ်၊ ကျူချွမ် အခြေစိုက် ဒုံးလွှတ်စခန်းမှ အင်္ဂါနေ့တွင် ပစ်လွှတ်ခဲ့သည်။ ထျန်ကုန်(၁) မိုဂျူး ကိုလည်း ယင်းစခန်းမှပင် စက်တင် ဘာလ ၂၉ ရက်က ပစ်လွှတ်ခဲ့သည်။

ဝူဖင်း၏အဆိုအရ ရှင်ကျိုး (၈) နှင့် ထျန်ကုန် (၁) တို့သည် အတူတူ ချိတ် ဆက်လျက် ကမ္ဘာပတ်လမ်းကြောင်း တွင် ၁၂ ရက်ကြာ ရှိနေပြီးနောက် ချိတ်ဆက်ဖြုတ်၍ ခေတ္တ တသီးတခြားနေမည်။

ဒုတိယအကြိမ် ပြန်၍တွဲချိတ် မည်။ ယင်းနောက် ရှင်ကျိုး (၈) သည် မြေကမ္ဘာဆီသို့ နိုဝင်ဘာလ ၁၇ ရက် တွင် ပြန်လာမည်ဖြစ်သည်။ နောင် ၁၀ နှစ်ကာလတွင် လူလိုက် ပါသည့် အာကာသခရီးစဉ်ပေါင်း ၂၀ ကျော်ကို စီစဉ်ထားသည်ဟု ရှင်ဟွာသတင်းတွင် ဖော်ပြသည်။

အင်္ဂါဂြိုဟ်ခရီးတွင် ဖြစ်ပေါ်လာနိုင် သည့် လူသားများ၏ ခန္ဓာကိုယ်တွင်း ဖြစ်စဉ်ကို ၁၈ လကြာမျှ စမ်းသပ်စစ်ဆေးသည့် ရုရှားသုတေ သနစခန်းမှ သောကြာနေ့တွင် ထွက်လာတော့မည့် အစမ်းသပ်ခံသူ ခြောက်ဦးတွင် တရုတ် အာကာသယာဉ်မှူး သင်တန်းဆရာ တစ်ဦးပါဝင်နေသည်။

တရုတ်နိုင်ငံသည် ရုရှား၏နည်းပညာ ကို ၀ယ်ယူပြီးနောက် လူလိုက်ပါသည့် အာကာသပျံသန်းရေး အစီအစဉ်ကို ၁၉၉၀ ပြည့်နှစ်တွင် စတင်အကောင် အထည်ဖော်ခဲ့သည်။

၂၀၀၃ ခုနှစ်တွင် (ယခင် ဆိုဗီယက် ယူနီယံနှင့် အမေရိကန် ပြည်ထောင်စု တို့ပြီးလျှင်) လူသားများကို အာကာသ သို့ပို့လွှတ်သည့် ကမ္ဘာ့တတိယမြောက် နိုင်ငံဖြစ်လာခဲ့သည်။ ယခု ရှင်ကျိုး (၈) ခရီးစဉ် အောင်မြင် ပါက ရှေ့နှစ်တွင် အာကာသယာဉ် နှစ်စင်း (ရှင်ကျိုး-၉ နှင့်၊ ရှင်ကျိုး -၁၀) ကို စေလွှတ်၍ ထျန်ကုန် (၁) နှင့် ချိတ်ဆက်စေဦးမည်ဖြစ်သည်။

ယာဉ် နှစ်စင်းအနက် အနည်းဆုံး တစ်စင်း တွင် လူလိုက်ပါဖွယ်ရှိသည်။ ယင်းခရီးစဉ်အတွက် လေ့ကျင့်နေသော အာကာသယာဉ်မှူး များထဲတွင် အမျိုးသမီးနှစ်ဦးပါဝင်ရာ အရွေးခံရ ပါက တရုတ်နိုင်ငံက အာကာသသို့ ပို့လွှတ်သည့် ပထမဆုံးအမျိုးသမီးများ ဖြစ် လာပေမည်။

လူလိုက်ပါသော ခရီးစဉ်များအတွက် ကြိုတင်ပြင်ဆင်စေဖို့ ရှင်ကျိုး (၈) နှင့် အတူ ပကတိအရွယ်ရှိ လူရုပ်နှစ်ခုကို ထည့်ပေး လိုက်သည်။

ယခုခရီးစဉ်အတွင်း လူ၏ အသက် ရှူမှု၊ အပူချိန်နှင့် သွေးဖိအားဆိုင်ရာ ထူးခြားမှုများကို သုတေသီများသိနိုင် ဖို့အတွက် မြေပြင်စခန်းသို့ အီလက် ထရွန်းနစ် အချက်အလက်များကိုလည်း ပေးပို့မည်ဖြစ်သည်။


(အေအက်ဖ်ပီ)
အောင်သာလင်း ဘာသာပြန်သည်။
အတွဲ ၂၈ ၊ အမှတ် ၅၄၃ ( ၁၁ - ၁၇ ၊ ၁၁ ၊ ၂၀၁၁)

  • Digg
  • Del.icio.us
  • StumbleUpon
  • Reddit
  • RSS

အင်္ဂါဂြိုဟ်သွားခရီးစဉ်အတွက် ရက်ပေါင်း ၅၂၀ ကြာ အလုံပိတ်စမ်းသပ်ခံမှုပြီးဆုံး

w76_08

အင်္ဂါဂြိုဟ်သို့ လူစေလွှတ်ရေးအတွက် စမ်းသပ်မှုအဖြစ် ကမ္ဘာမြေပေါ်တွင်ပင် လူခြောက်ဦးအား ရက်ပေါင်း ၅၂၀ ကြာ အလုံပိတ်စမ်းသပ်မှုမှာ နိုဝင်ဘာလ ၄ ရက်နေ့တွင် အောင်မြင်စွာပြီးဆုံးခဲ့ကြောင်း သိရသည်။ မော်စကိုရှိ အလုံပိတ်အခန်းကြီးတွင် ပြုလုပ်ခဲ့သော စမ်းသပ်မှုပြီးစီးခဲ့ပြီးနောက် ပြန်ထွက်လာကြသော အဖွဲ့ဝင်အားလုံးမှာ ကျန်းမာရေးအရ ထိခိုက်မှုလုံးဝမရှိခဲ့ဟု ဆိုသည်။

သုတေသနပညာရှင်တစ်ဦးက အခမ်းတံခါးကိုဖွင့်ပေးခဲ့ပြီးနောက် နိုင်ငံစုံမှ အဖွဲ့ဝင်ခြောက်ဦးသည် အပြာရောင်ဝတ်စုံများဖြင့် ထွက်လာခဲ့ကြပြီး မိသားစုဝင်များ၊သိပ္ပံပညာရှင်များက ဂုဏ်ပြုခဲ့ကြသည်။ ရုရှား မှ သုံးဦး၊တရုတ်၊ပြင်သစ်၊အီတလီ မှ တစ်ဦးစီပါဝင်သော အဖွဲ့သည် နောက်ထပ်ဆေးစစ်မှုများကိုမူ ထပ်မံ ပြုလုပ်ရဦးမည်ဖြစ်သည်။

စမ်းသပ်မှုတွင် အလုံပိတ်အခန်းအတွင်း လပေါင်းများစွာ နေထိုင်မှုအပါအ၀င် အင်္ဂါဂြိုဟ်ပေါ်လမ်းလျှောက်မှု ဂြိုဟ်ပုံတူမျက်နှာပြင်ပေါ်တွင် ပြုလုပ်မှု၊ကမ္ဘာမြေနှင့်ဆက်သွယ်မှုပြတ်တောက်သွားချိန်တွင် မည်သို့ကိုင်တွယ်မည် ဆိုခြင်းကို စမ်းသပ်မှုများ ပါဝင်ခဲ့သည်။

  • Digg
  • Del.icio.us
  • StumbleUpon
  • Reddit
  • RSS

အဲရစ်ဂြိုဟ်ပုသည် ပလူတိုနှင့်အရွယ်အစား ထပ်တူနီးပါးတူညီကြောင်း ထပ်မံတွေ့ရှိ

၂၀၀၅ ခုနှစ်တွင် အဲရစ်ဂြိုဟ်ပုကို တွေ့ရှိခဲ့ခြင်းနှင့်အတူ ပလူတိုသည်ဂြိုဟ်အဖြစ်မှ လျော့ကျသွားခဲ့ပြီး ဂြိုဟ်ပုစာရင်းဝင်သွားခဲ့ပြီးနောက် ယခုအခါ ထပ်မံလေ့လာမှုများအရ ယင်းဂြိုဟ်ပုနှစ်ခုသည် အရွယ်အစား ထပ်တူနီးပါးတူညီကြောင်း တွေ့ရှိခဲ့ရသည်။

ပလူတိုထက် နေနှင့် သုံးဆပိုဝေးသော အဲရစ်ကို ချီလီရှိတယ်လီ စကုပ်များဖြင့် အရွယ်အစား အတိအကျတိုင်းတာနိုင်ခဲ့ခြင်းဖြစ်သည်။

အဲရစ်ဂြိုဟ်ပုသည် အချင်း ၁၄၄၅ မိုင်ရှိပြီး ပလူတို၏ အချင်း ၁၄၂၉ မိုင်နှင့် ကွာဟချက် အနည်းငယ်သာရှိခဲ့သည်။ အဲရစ်ကိုတွေ့ရှိခြင်းနှင့် အခြားဂြိုဟ်ပုများကိုတွေ့ရှိခြင်း၊ အချို့သောဂြိုဟ်ရံလများမှာ ပလူတိုထက် ကြီးနေခြင်းတို့ကြောင့် ပလူတိုသည် ဂြိုဟ်အဆင့်မှ ဂြိုဟ်ပု အဆင့်သို့ လျော့ချသတ်မှတ်ခံခဲ့ရသည်။ အဲရစ်ဂြိုဟ်ပုကို ယခင်က မတိုင်းတာနိုင်ခဲ့ဘဲ ကြယ်တစ်စင်း၏ရှေ့တွင် ဖြတ်သွားချိန်တွင်မှ ယင်းကြယ်မှအလင်းရောင်ဖြင့် လေ့လာနိုင်ခဲ့ခြင်းဖြစ်သည်။ ကမ္ဘာတစ်ဝန်းမှ တယ်လီစကုပ် ၂၆ ခုဖြင့် လေ့လာရန် စီစဉ်ခဲ့သော်လည်း ချီလီမှ တယ် လီစကုပ်သုံးခုဖြင့်သာ လေ့လာနိုင်ခဲ့သည်။ လေ့လာမှုများ ပြုလုပ်ပြီး နောက်အဲရစ်သည် ပလူတိုထက်ပင် အတန်ငယ်ကြီးနေကြောင်း အံ့အားသင့်ဖွယ် တွေ့ရှိခဲ့ရသည်။

ပရမ်းပတာဖြစ်မှု၊ ပဋိပက္ခဖြစ်မှုများ၏ ဂရိနတ်ဘုရားအီရစ်ကို အစွဲပြုပြီးမှည့်ခေါ်ထားသော ယင်းဂြိုဟ်ပုသည် နေအဖွဲ့အစည်းအစွန်းရှိ ဂြိုဟ်သိမ် ဂြိုဟ်မွှားစက်ဝန်း၏ အစွန်းတွင် တည်ရှိသည်။ နေမှ ၄ ဒသမ ၅ ဘီလျံမိုင်အကွာတွင် တည်ရှိပြီးရောက်ရှိလာသော အလင်းတိုင်း ကို အလင်းပြန်လေ့ရှိသည်ဟု သိရသည်။

Ref: DailyMail

  • Digg
  • Del.icio.us
  • StumbleUpon
  • Reddit
  • RSS

တရုတ် အာကာသစခန်းလွှတ်တင်ရန် တစ်ဆင့်တက်

(အေအက်ဖ်ပီ)
ကိုကို ဘာသာပြန်သည်။
အတွဲ ၂၇ ၊ အမှတ် ၅၃၈ ( ၇ - ၁၃ ၊ ၁၀ ၊ ၂၀၁၁)

တရုတ် အာကာသစခန်း ကောင်းကင်ဘုံနန်းတော် မိုဂျူး လွှတ်တင်စဉ်။
ဓာတ်ပုံ - အေအက်ဖ်ပီ

ပေကျင်း- တရုတ်အမျိုးသားနေ့ နှစ်ပတ်လည်မတိုင်မီတွင် တရုတ်နိုင်ငံ သည် အာကာသစခန်းတစ်ခု တည်ဆောက်နိုင်ရန် ပြင်ဆင်သည့် အနေဖြင့် စမ်းသပ် မိုဂျူးတစ်ခုကို စက်တင်ဘာလ ၂၉ ရက်နေ့တွင် လွှတ်တင်လိုက်သည်။

တရုတ်ဘာသာဖြင့် 'တီယန်ဂေါင် ၁' (Tiangong-1) သို့မဟုတ် ကောင်းကင်ဘုံဟု အမည် ပေးထားသော မိုဂျူးကို တရုတ်နိုင်ငံ အနောက်မြောက်ပိုင်း ဂိုဘီ သဲကန္တာရအတွင်းမှ ဂင်းနစ်စံတော်ချိန် ၁၃၁၅ တွင် Long March 2 F ဒုံးပျံဖြင့် လွှတ်တင်ခဲ့သည်။

၂၀၂၀ ပြည့်လောက်တွင် အာကာသ စခန်းတည်ဆောက်နိုင်ရန်အတွက် အစ ပျိုးသည့်အနေဖြင့် ဤ လူမပါသော အလေးချိန် ရှစ်တန်ခွဲရှိသည့် မိုဂျူး ပေါ်တွင် အာကာသတွင်း စမ်းသပ်မှု များကို လုပ်ဆောင်မည်ဟု ဆိုသည်။

ဒုံးပျံလွှတ်တင်ရေးစခန်းတွင် ၀န်ကြီးချုပ် ၀မ်ကျားပေါင်က ဒုံးပျံလွှတ်တင်မှု ကို ကိုယ်တိုင်လာရောက်ကြည့်ရှုပြီး သမ္မတ ဟူကျင်ထောင်ကမူ ပေကျင်း မြို့တော်ရှိ အာကာသ ပျံသန်းမှုထိန်း ချုပ်ရေးစခန်းမှာ ကြည့်ရှုနေခဲ့သည်။

ဒုံးပျံစတင်လွှတ်တင်ပြီး ၁၀ မိနစ် အကြာ ကမ္ဘာမြေမှ ၁၂၅ မိုင် အရောက် တွင် Tiangong-1 မိုဂျူးသည် ၎င်းကို လွှတ်တင်ပေးသော ဒုံးပျံမှ အောင်မြင်စွာ ခွဲခွာသွားပြီး ၎င်း၏ ဆိုလာပြား (နေ စွမ်းအင်ဖန်ပြား) နှစ်ခုကို ဖွင့်လိုက်သည်။

အာကာသတွင် သက်တမ်းနှစ်နှစ် ကြာရှည်ခံမည့် Tiangong-1 မိုဂျူး သည် ယခုနှစ်ကုန်ပိုင်းတွင် လူမပါသော Shenzhou VIII အာကာသယဉ်နှင့် တရုတ်တို့၏ အာကာသတွင်း ပထမ ဆုံးချိတ်ဆက်မှုကို ပြုလုပ်မည်ဟု သိရှိရသည်။

ဤစမ်းသပ်မှု အောင်မြင်လျှင် အနည်းဆုံး လူတစ်ဦးပါဝင်မည့် Shenzhou IX နှင့် X အာကာသယာဉ် နှစ်ခုနှင့် ချိတ်ဆက် မည်ဖြစ်သည်။

အာကာသတွင် ယာဉ်ချင်းချိတ်ဆက် ရသော အလုပ်မှာ အလွန်ခက်ခဲသည်။ တစ်နာရီလျှင် ကီလိုမီတာ ၂၈,၀၀၀ နှုန်းဖြင့် တစ်ခုတည်းသော ပတ်လမ်းမှ ကမ္ဘာကို ပတ်နေသော အရာနှစ်ခု တစ်ခုနှင့်တစ်ခု ထိခိုက်ပျက်စီးမှုကို ရှောင်ရှားနိုင်အောင် တဖြည်းဖြည်း လုပ်ရသောကြောင့် ဖြစ်သည်။

ref : mmtime

  • Digg
  • Del.icio.us
  • StumbleUpon
  • Reddit
  • RSS

မြန်မာနိုင်ငံအနီး ကပ္ပလီပင်လယ်အော် အတွင်း ဂျာမနီဂြိုဟ်တုပျက် ကျဆင်းခဲ့ဖွယ်ရှိ

ဂျာမနီ ဂြိုဟ်တုပျက် တစ်စင်း ကမ္ဘာမြေပေါ် ပြန်လည် ကျဆင်းလာခဲ့ ရာ အောက်တိုဘာလ ၂၃ ရက်နေ့တွင်
လေထုအတွင်း ၀င်ရောက်လာခဲ့ပြီး ဂြိုဟ်တုအစိတ်အပိုင်းများ ကမ္ဘာမြေပေါ်သို့ ကျဆင်းခဲ့ကြောင်း သိရသည်။
အောက်တိုဘာလ ၂၄ ရက်နေ့ အထိ ဂြိုဟ်တုအစိတ်အပိုင်းများ ကျဆင်းခြင်းနှင့် ပတ်သက်ပြီးသတင်းပေးပို့ မှုမရရှိ
သောကြောင့် ကျဆင်းဖွယ်ရှိသည့် နေရာများထဲမှ မြန်မာနိုင်ငံ ကမ်းလွန် ကပ္ပလီပင်လယ်အော်(သို့မဟုတ်) လူသူမ
နေသောနေရာ တစ်နေရာသို့ ကျဆင်းရန်ဖြစ်နိုင်ခြေ အများဆုံးဖြစ် နေကြောင်းသိရသည်။

သိပ္ပံပညာရှင်များ ခန့်မှန်းထားသော ကမ္ဘာမြေပေါ် ကျဆင်းမည့်အချိန်သည် အာရှစံတော် ချိန်များအရ နိုင်ငံအလိုက်
နံနက်ပိုင်း ၇ နာရီမှ ၈ နာရီ ၀န်းကျင်ဖြစ်ပြီး ကျဆင်းမည့်အချိန် တွက်ချက်မှုမှာ တစ်ရက်ခန့်အထိ ကွဲလွဲနိုင်ကြောင်း
သိရသည်။ ဂျာမနီအာကာသစင်တာမှ ထုတ်ပြန်ချက်အရ ဂြိုဟ်တုကျဆင်းသည် ဆိုသော သတင်းပို့ချက် မရရှိသော
ကြောင့် လူသူမရှိသည့်နေရာသို့ ကျဆင်းခြင်းသာ ဖြစ်နိုင်သည်ဟု ထုတ်ပြန်ထားသည်။

မည်သည့်နေရာသို့ ကျဆင်းသည်ဟု အတိအကျ မပြောနိုင်သော်လည်း မြန်မာနိုင်ငံကမ်းလွန် ကပ္ပလီ ပင်လယ်
အော်၊ မြန်မာနိုင်ငံကုန်းတွင်းပိုင်း၊ အိန္ဒိယသမုဒ္ဒရာကိုလွန်ပြီး သီရိလင်္ကာနိုင်ငံ အရှေ့ပိုင်းသို့ ကျရောက် နိုင်ဖွယ်ရှိ
သည်ဟု အမေရိကန်သိပ္ပံပညာရှင်များက အစောပိုင်းတွင် တွက်ချက်ထားခဲ့ပြီး တရုတ်နိုင်ငံတွင်းသို့ ကျဆင်းနိုင်ခြေ
ရှိကြောင်းလည်း ခန့် မှန်းထားခဲ့သည်။ တရုတ်သို့ကျမည် ဆိုလျှင် လူသန်းနှင့်ချီနေထိုင်သော ချုံကင်းနှင့်ချန်ဒူးသို့
ကျဆင်းနိုင်၍ စိုးရိမ်ရကြောင်း ဟားဗတ်-စမစ် ဆိုနီယန်စင်တာမှ အာကာသရူပဗေဒ ပညာရှင် ဂျိုနသန်မက်ဒေါ်ဝဲလ်
က အစောပိုင်းတွင် သုံးသပ်ခဲ့သည်။ သို့ရာ တွင် တရုတ်ဘက်မှ သတင်းထွက် ပေါ်မှု မရှိခဲ့ပေ။

၂ ဒသမ ၆၉ တန် လေးသော ROSAT အမည်ရဂြိုဟ်တုကို ၁၉၉၀ ပြည့်နှစ်က လွှတ်တင်ခဲ့ပြီး အာကာသ တွင်းရှိ
တွင်းနက်ကြီးများ၊ နျူထရွန် ကြယ်များ၊ အာကာသတွင်းမှ X-Ray ရင်းမြစ်များကို လေ့လာခဲ့ပြီး ၁၉၉၉ ခုနှစ်တွင်
ရပ်ဆိုင်းသွားခဲ့ခြင်း ဖြစ်ပါသည်။

ref: http://www.mmcfamily.org/

  • Digg
  • Del.icio.us
  • StumbleUpon
  • Reddit
  • RSS
Related Posts Plugin for WordPress, Blogger...