.jpg)
အမေရိကန်အမျိုးသားအာကာသသုတေသနအဖွဲ့ချုပ် ( နာဆာ) သည် အာကာသလွန်းပျံယာဉ်များ လွှတ်တင်သည့်အစီအစဉ်များကို အပြီးအပိုင်ရပ်ဆိုင်းရန် ရက်သတ်မှတ်လိုက်ပြီဖြစ်သည်။ အမေရိကန်၏ နောက်ဆုံးအာကာသလွန်းပျံယာဉ်ကို သတ်မှတ်ထားသည့် နောက်ဆုံးရက်မတိုင်မီ လေးလအလို (၂၀၁၀) ခုနှစ် စက်တင်ဘာလ (၃၀) ရက်နေ့တွင် လွှတ်တင်မည်ဖြစ်ပြီး နောင်တွင်အာကာသလွန်းပျံယာဉ်များလွှတ်တင်ခြင်းကို လုံးဝပြုလုပ်တော့မည်မဟုတ်ပေ။ နာဆာတွင် လျာထားသော လွန်းပျံယာဉ်လွှတ်တင်ရေးအစီအစဉ် (၁၀) ခု မျှကျန်ရှိနေသေးသော်လည်း အမေရိကန်သမ္မတ ဘုရ်ှက (၂၀၁၀) ခုနှစ်၊ စက်တင်ဘာလ (၃၀) မှ စ၍ လွန်းပျံယာဉ် ပျံသန်းမှုအားလုံးကို ရပ်ဆိုင်းပစ်ရန် အမိန့်ထုတ်ပြန်ခဲ့သည်။ အဆိုပါ အမိန့်အား တနင်္လာနေ့တွင် ထုတ်ပြန်ခဲ့ခြင်းဖြစ်ပြီး ယခုနှစ်တွင် ပျံသန်းမှု (၅) ခု၊ (၂၀၀၉) ခုနှစ်တွင် (၅) ခု၊ (၂၀၁၀) တွင် (၃) ခုတို့ကိုအပြီးသတ် ဆောင်ရွက်သွားမည်ဖြစ်သည်။ ကွန်ဂရက်အဖွဲ့ဝင်အချို့ကမူ လွန်းပျံယာဉ်ခရီးစဉ် အနည်းဆုံးနောက်ထပ် (၁) ခုမျှတိုးမြှင့်စေလိုကြပြီး ဒေါ်လာ (၁.၆) ဘီလျံတန်ဖိုးရှိ အယ်လ်ဖာသံလိုက် စပက်ထရိုမီတာအား အာကာသစခန်းသို့ သွားရောက်တပ်ဆင်ရန် ဆန္ဒရှိနေကြသည်။ အဆိုပါ မစ်ရှင်မှာ (၂၀၀၃) ခုနှစ်အတွင်း ကိုလံဘီယာအာကာသလွန်းပျံယာဉ်ပျက်ကျပြီးနောက် ဖျက်သိမ်းခဲ့ရသော မစ်ရှင်ပေါင်း တစ်ဒါဇင်ခန့်တွင် တစ်ခုအပါအ၀င်ဖြစ်သည်။ နာဆာအနေဖြင့် လွန်းပျံယာဉ်များလွှတ်တင်ရေးကို ရပ်ဆိုင်းလိုက်ပြီးနောက် လမျက်နှာပြင် လေ့လာရေး အေရီးဒုံးပျံများနှင့် အိုရီယွန်ယာဉ်များ လွှတ်တင်ရန် အဓိက အာရုံစိုက်ဆောင်ရွက်သွားမည်ဖြစ်သည်။
Source: Planet
0 comments:
Post a Comment